أنا المختلف ❤️

كريم❤️ملك

ومعانا النهاردة كابلز جديد لقاهم سبب لقاء العاشقان الاساسين خفة دمهم اساس سعادتهم خوفهم من فرق السن كان مشكل ازمة بالنسبالهم بس الحب ميعرفش ازمات مهما كانت حبايبنا

❤️كريم&ملك❤️

كريم: شاب عادى جدا على قد ما هو متفوق في دراستة وشغلة الا ان حياته العاطفية كانت مش موجوده بالمرة كان اخره اللى هو نظرات تلميحات ورغم وسامته الا وان فى بنات كتير كانت بتحبه من ايام الجامعة من ضمنهم نهى الا ان معجبوش حد الا ملك كريم كان طول حياته شايف علاقة امه بابوة وبيه وانها دايما فاترة مهمشة مفيهاش اى جانب من الحب والاهتمام عكس عمه والد يوسف لما كان بيروح هناك وهما عايشين ويلاقى حبهم لبعض واهتمامهم بيوسف كان بيرجع دايما يعيط ويحبس نفسه فاوضته محدش كان حنين عليه غير مراد وامانى وساعات باباة ويشاء ربنا فجاة ان ملك تقع في طريقه عشان تكون هى السند والأمان والحب لدرجة انه اول ما احس بوجع هى اول واحدة خطرت على باله كان متاكد انها لا يمكن تتخلى عنه او تخذله
ملك: شخصية بتحب الخيال اوى من كتر قرايتها للروايات وتخيلها للاحداث شخصيتها خفيفة بس طموحة وصافية رغم مناكشتها مع الجميع اللى اتعودنا عليها منها الا انها مع كريم حاجة تانية بتكون البنت الكيوت الخجولة البريئة بس مش معنى كده انها بتمثلهم الفرق هنا انها بتبان وبتظهر مع الشخص اللى بتحبه وكانت تقدر انها تضحى بحبها لما كريم عرض عليها مشكلته لكن دايما وابدا الحب والمشاعر تغلب كده ومننساش خوفها من كريم خوفها ازاى بقا خوفها من فرق السن اللى بينهم كانت خايفة دايما يكون ده مجرد اعجاب بالشخصية ولا عشان اول مرة تحس بحاجة تجاه شخص غريب عنها انه ممكن يكون بيتسلى بيها مش اكتر دايما كان فدماغها ايه اللى يخلى شاب ممكن نقول ناضج يحب عيلة صغيرة رغم دايما ان كريم طمنها اكتر من مرة انها تنسى خوف فرق السن بس دايما الافعال هى اللى بتثبت مش الكلام وقفته جنبها فعز محنتها كانت اكبر دليل ليها على صدق كلامه ومشاعرة من ناحيتها
امام كلية الهندسة
خرجت ملك بعد تقديم الأوراق اللازمة لتتفاجئ به ينتظرها امام الجامعه
ملك: كريم؟!!!
كريم: وحشتينى يا ملوكتى
ملك بخجل: بتعمل ايه هنا وايه اللى جابك
كريم: يا بنتى بقولك وحشتيني تقوليلى اى اللى جابك هتشل
ملك بضحك: ههههههه لا بجد اى اللى جابك
كريم: اولا انا هبقى خطيبك مينفعش تنزلى من غير ما تقوليلى ثانيا جيت عشان أنا سالت طنط وقالتى انك هنا عشان نتغدى سوا ثالثا وده الاهم انا جيت اشوفك عشان وحشتينى
ملك: طب وشغلك يا دكتور
كريم: يحرق ابو الشغل انتى شغلى يا لوكا
ملك: بجد يا كيمو
كريم: بجد يا قلب كيمو ها قوليلى بقا عايزة تتغدى فين نروح ماك ولا سانتوس ولا.....
ملك: ايه حيلك حيلك انا مش عايزة اى حاجة من دول تعالى نضرب حبة كبدة وسدق من عند الفلاح ايه عجب ونجيب كانزيتين مشبرين كده هتبقى حاجه اخر عظمة
كريم بابتسامة: انتى جميلة اوى يا ملك
ملك بتوتر: هو....هو احنا مش هناكل ولا اية عصافير بطنى بتصوت
كريم: مش المفروض بتصوصو
ملك: لا بتصوت دى يعنى ميتة من الجوع
كريم: طب يلا يا ملك عشان هتجلط وانا واقف
ملك: طب خلاص اقعد
كريم: قدامى يا اخرة صبرى
وذهبوا وتغدوا بين ضحكاتهم ومزاحهم
كريم: لوكه
ملك: نعم
كريم: عايزة تروحى فين تانى
ملك: تانى اى يا بنى كفاية كده وبعدين هنروح فين بالدبة اللى دبناها من شوية دى
كريم: مانتى افتريتى بصراحة ده انتى واكلة فوق الخمستاشر سندوتش
ملك بكف يدها: قل اعوذ برب الفلق ايه انت هتحسدنى
كريم: لا يا ستى بالف هنا وشفا
ملك: ايوا كده ناس متجيش غير بالعين الحمرة
كريم: هههههههههه
ملك بدون وعي: ضحكتك حلوة اوى يخربيت غمزاتك
كريم وهو يضم يده بدرامية: يا فضحتى عايزة تتحمرشى بيا لا ده انا ولية غلبانه
ملك: هههه وبخجل انا معرفش قولت كده ازاى
كريم ده كلام من القلب يا حبيبتي اية رايك نروح ناكل ايس كريم ونتمشى على البحر شوية
ملك: ماشى بس متاخرنيش
كريم: أاخرك ده انا لو عليا عايز اخدك على اقرب مأذون وعلى بيتنا عدل
ملك بخوف مصطنع: لا انا كده هقلق اعقل يا مجنون
كريم: ههههه بهزر يا قلبى تحبى ايس كريم ايه
ملك: مشكل
كريم: يا طفسة
ملك: انا بحبه كده
كريم بخبث: هو مين ده
ملك: الايس كريم
كريم: يا بخته
واشتروا الايس كريم وكانت ملك تاكل بطريقة مضحكة وفمرت فمها بالايس كريم اخرج كريم منديل ليمسح فمها
كريم بضحك: هتجوز طفلة
ملك: مالها الطفلة يا سى كريم
كريم: زى القمر يا لوكا

ياللى شمس الدنيا تطلع لما تطلع ضحكة منك
حسى بالناس الغلابة اللى زيي بعد اذنك
ياللى شمس الدنيا تطلع لما تطلع ضحكة منك
حسى بالناس الغلابة اللى زيي بعد اذنك♥️

بطلى تحلوى اكتر واوعى وشك يوم يكشر واضحى دايما يا سكر ياللى سابقة بجد سنك♥️

اضحكى خلينى اضحك ضحكتك بترد روحى
ربنا وحده اللى يعلم بعشقك ازاى يا روحي
اضحكى خلينى اضحك ضحكتك بترد روحى
ربنا وحده اللى يعلم بعشقك ازاى يا روحي♥️

مستحيل الشعر يوصف اى تفصيلة فى جمالك والغنا لو كان كفاية الف غنوة اغنيهالك
مستحيل الشعر يوصف اى تفصيلة فى جمالك والغنا لو كان كفاية الف غنوة اغنيهالك♥️

ياللى لما بتبقى جنبى بنسى بيكى كل تعبى ياللى احتليتى قلبى قلبى فرحان باحتلالك♥️

اضحكى خلينى اضحك ضحكتك بترد روحى
ربنا وحده اللى يعلم بعشقك ازاى يا روحي♥️

وانقضى اليوم بمرحة ومزاحة وجمالة وعاد كل الى منزلة
ملحوظة كده هو هو نفس اليوم بتاع خروج الكابلز التانين هو توضيح بس كل كابلز حصل معاهم ايه كده خلصنا كل كابلزنا الجمال هنرجع بقا تانى بالبارتات الطويلة❤️

بقلمى يمنى محمد ❤️