أنا المختلف ❤️

البارت التاسع

فى فيلا بيرى
تمسك بصورة والديها لتقول بسخرية: خليكوا كده بتسافرو من بلد لبلد ومن قارة لقارة وانا ذلنى بمصرفى بتاع كل اول شهر خليتونى ابقى عايزة فلوس من اللى يسوى واللى ميسواش لولا بس انى صابرة على جوازى من مراد ان هكون اخدت فلوس عيلة الاسيوطى انا مكنت استنيت دقيقة واحدة هنا بس هانت كلها كام يوم وتبقى الفلوس كلها مرمية تحت رجليا لتلتفت لتقول بصدمة: مرااااد
مراد كان قد استمع الى حديثها والآن تأكدت شكوكه: ايوا مراد انا عايزك تعالى يا بيرى ليجلسوا
بيرى: ادينى قعدت اهو فى ايه
مراد: انا قدمت معاد الفرح هيبقى الخميس الجاى
بيرى بسعادة غامرة: بجد يا بيبى
مراد باشمئزاز: بجد يا حبيبتي
اقتربت منه بيرى الى ان جلست على رجله لتلف ذراعها حول رقبته لتهتف بطمع: بس يا قلبى انا لسة ناقصنى حاجات كتير عايزة كام طقم الماز والفستان عايزاة من انجلترا واحسن ميكب ارتست
مراد ببرود: كله جاهز اصلا
بيرى بدلع: ده انت مستعجل اوى بقا
مراد بابتسامة صفراء: اوى اوى اسيبك انا بقا
بيرى: لا انا ملحقتش اشبع منك يا حياتى
مراد: بعد بكره الفرح ومش هنلحق نشبع من بعض يلا سلام وذهب مراد
بيرى: سلام يا بيبى لتهتف داخل نفسها بخبث اخيرااا كل حاجة هتكون ملكى وهبقى رسميا حرم مراد الاسيوطى
..........................................................................
ذهب مراد الى الشركة الخاصة به وصعد إلى مكتبه لم يجد ورد فطلب من مروة احضار الاوراق فرأى وهو يفحص الاوراق ورقة تنص على صرف مكافأة مالية قدرها مليون جنيه لعبد الرحمن صدم ولكن سرعان ما فاق وان عبدالرحمن له عمر فى الشركة ولا يأخذ اكثر من حقة فكيف يفعل هذا وسرعان ما خطرت على باله فكره
مراد: مروة
مروة: امرك يا مستر مراد
مراد: اجمعيلى كل رؤساء قسم الحسابات فورا
مروة وهى تبتسم بخبث: حاضر يا مستر مراد وذهبت واستدعت جميع الرؤساء وكان من ضمنهم عبدالرحمن
مروة: عايز حاجة تانية يا مستر مراد
مراد: ايوا انت مش هتمشى خليكى هنا
مروة بتوتر: حضرتك انا عندى شغل
مراد ببرود: وانا صاحب الشغل وبقولك اقعدى
مروة: حاضر
مراد: اتفضلوا اقعدوا
احد العاملين: خير يا مراد بيه
مراد: مين اللي جاب الملف ده هنا وقام برفع الملف ليروه
عبدالرحمن بهدوء: انا اللي جيبته لحضرتك بس حضرتك مكنتش موجود فسيبته مع مروة لان بنتى كانت فى المستشفى
مروة باندفاع: كدب كدب محصلش انا مأخدتش حاجة من حد
مراد: اومال جه ازاى فى الورق اللى حضرتك يا هانم المفروض عارفة كل ورقة بتاعت ايه
مروة بتوتر: ممكن يكون حطة على المكتب ودخل بين الملفات من غير ما اخد بالي
مراد ببرود: ممكن بردو
مروة: حضرتك انا ماليش علاقة باى حاجة وانا اعرف منين انه راح لبنته المستشفى مش يمكن راح البنك يصرفهم مين اللى عايز يهز ثقة حضرتك فيا
يوسف: ده على اساس انه بيثق فيكي أصلا
مروة بتوتر: مستر يوسف!؟؟؟؟
يوسف: اة يوسف اتفضل يا حضرة الظابط
مروة بصدمة: ظابط!؟؟؟ ظابط ايه انا معملتش حاج...
هوى مراد على وجهها بصفعة ادمت شفاها على اثرها: انت مفكرة انى بثق فى واحدة زيك يا زبالة يا بنت الكلب انا عارف انك اللى زورتى الامضة بتاعت عبدالرحمن وعندى الدليل كمان يوسف
يوسف: جاهز اتفضل يا حضرة الظابط تسجيل الكاميرات بكذا تزوير وسرقة قبل كده عرضت فيديوهات مروة امام الجميع
مروة بصدمة: ازاى مش الكاميرات كانت فيها عطل
يوسف باستهزاء: معلش اصل الكدب مباح فكشف الزبالة اللى زيك
مراد بصوت جاهورى: خدوهااااا
مروة بصراخ: لا لاااااا انا معملتش حاجة لا لاااااااا
مراد: اة نسيت اقولك كل الفلوس اللي كنتى بتحطيها فى البنك اللى بتاخديها ومفكرانى مختوم على قفايا بترجع فى حسابى تانى وانا اللى كنت موصى المحاسب على الرسايل وتبليغك بعدد الفلوس ما عاش ولا كان اللى يستغفل مراد الاسيوطى
مروة بانهيار: لا لاااااااا فلوسى لااااا الا فلوسى لااااا
واخذ الظابط مروة والدلائل وظهرت ادلة اخرى ضدها وتم اخذها الى مستشفى الامراض العقليه ظلت تصرخ: فلوسى لاااااااااا
عند مراد
يوسف: ايه الدماغ دى معلم ومنك نتعلم
مراد بثقة وهو يجلس واضع قدم فوق الأخرى: انا مراد الاسيوطى مش عيل بريالة وبصراحة كده انا كنت على تكه منها ثم نظر إلى الموظفين: تقدروا تمشوا دلوقتي ماعدا عبدالرحمن عايزك
عبدالرحمن: يا مرا.....
مراد بمقاطعة: متكملش انا عايزك تعرف انى كان لا يمكن اصدق انت مش عشرة يوم ولا اتنين انت عشرة سنين
عبدالرحمن: ربنا يخليك يا ابنى ويبعد عنك كل شر
مراد بتوتر: هى...هى ورد عاملة اية
عبدالرحمن: يعنى بتتحسن وكام يوم وتيجى
مراد: كام يوم بس
عبدالرحمن: انت لما طلبت منى طلبك ده قولتلك خلينى افكر واديك شوفت الظروف مكنتش تسمح انى افاتحها
مراد: طب ممكن حضرتك تسمحلى انى انا اللى افاتحها
عبدالرحمن: والله ما انا عارف يا بنى
مراد: انا هفاتحها بس بطريقة غير مباشرة
عبدالرحمن: ازاى
مراد: هقولك.......
...........................................................................
فى منزل عبدالرحمن المنشاوى
تجلس ملك تذاكر دروسها منذ فترة طويلة الى ان شعرت بالتعب لتمسك بهاتفها بعد أن تم اصلاحه: اخيرااا همسكك ياغالي ولكن اتصل بها رقم
الشخص: وحشتيني يا ملوكتى
ملك: كريم!؟؟؟
كريم بمرح: اية ده حافظة صوتى للدرجادى بتحبيني
ملك: كريم انت سخن ولا ايه
كريم: اة والله شرارة الحب مولعه نار فى قلبى بسبب واحدة هبلة ومجنونة
ملك بغضب: انا هبلة ومجنونة يا كريم
كريم بغمزة: وانت عرفتى منين ان قصدى عليكى هو اللى على راسه بطحة ولا ايه
ملك: يعنى انت بتحب حد تانى غيرى
كريم: ملك انا شوفت ستات بالهبل وكان اخرى انى اعاكس من بعيد و....
ملك بعصبية وغيرة: وانت كمان بتشوف ستات وبتعاكس وجاى تقولى يا بجح
كريم: يا حبيبتى اهدى بس
ملك: بلا حبيبتى بلا زفت انت خاين
كريم: خاين مين يا بنت المجانين
ملك: كمان بتشتمنى طب اهو واغلقت الهاتف
كريم: الو... ملك قفلت فى وشى المجنونة ياربى اصالحها ازاى دى بقا
كانت ورد تستمع لمحادثة كريم وملك وسقطت على الأرض من الضحك لتنتبه لها ملك
ملك: انتى بتضحكى على ايه
ورد وهى لا تقدر على كتم الضحك:. هههههه مش قادره ههههه اصل شكلك كان مسخرة ههههههههههههه
ملك: خلاص بقا هو انا اراجوز
ورد: بس ايه حوار الحب والاڨلڨة ده هو ايه النظام
ملك بخجل: حوار اية مفيش حوارات
ورد: يا بت عليا انا بردو
ملك: هقولك كريم بيحبنى واعترفلى بكده
ورد: امتا وفين
ملك: هقولك وسردت لها كل شئ
ورد: كل ده وانا اخر من يعلم مكنش العشم
ملك: يا بنتى انت تعبتى ومكنتيش قادرة تصلبى طولك حتى
ورد: ماشى طب وانت ايه النظام
ملك: يعنى ايه مش فاهمة
ورد: يعنى بتحبيه ولا لا
ملك: مش عارفه
ورد: يا بت كل ده ومش عارفه ده انت كنتى هطقى من جنابك من الغيرة عليه
ملك: ماهو اللى مستفز وبصراحة بقا اة بحبه بس خايفة
ورد: خايفة من ايه
ملك بتنهد: خايفة اتعلق بيه يكسرنى خايفة يكون شايفنى طفلة ويكون مجرد وهم بجد احترت يا ورد
ضمت ورد ملك بحنان: حبيبتى انت مش صغيرة ومن حقك انك تحبى المهم انك تتأكدى من مشاعره وان ده مش مجرد كلام وبس وده هو اللى هيثبته بنفسه وربنا دايما هيكتبلك الاحسن صلى وادعى ربنا يقدملك اللى فيه الخير دايما
ملك براحة: ربنا يخليكي ليا يا ورد بجد انت احسن واحدة فى الدنيا كلها
ورد: ويخليكي ليا يا روح ورد
ملك: ده انا محكتلكيش على اللى حصل فى المستشفى
ورد: يا بنتى انت هبلة ما انت حكيتى
ملك: لا سمعت بابا وهو بيتكلم مع ماما عن مراد
ورد باستغراب: مراد لا احكى احكى
وسردت ملك كل ما حدث منذ لقاء ابيها بمراد داخل المستشفى الى ان افاقت
ورد: مراد عمل كل ده
ملك: اة وربنا
ورد: بس لية كل ده هو مش ملزم
ملك: ملزم ايه ده بينه كده واقع لشوشته فحبك
ورد بدهشة: انا مستحيل
ملك: لية مستحيل
ورد: مراد خاطب يا ملك
ملك بصدمة: خاطب!!؟؟؟
ورد: ايوا وحتى لو مكنش خاطب انا منفعهوش مش انا اللى يقدر يتباهى بيا ويظهرنى قدام الناس مش انا اللى يقبل يتجوزنى انا مش من مستواه ولو قبل واتجوزنى يا عالم ولادى هيجيلهم السكر ولا لا
ملك: لية التشاؤم ده كله يا ورد انتى جميلة وربنا مبيخلقش حاجة وحشة ده بيقول فى القرآن بسم الله الرحمن الرحيم "ولقد خلقنا الإنسان فى أحسن تقويم" صدق الله العظيم
ورد: صدق الله العظيم سيبك من ده كله انا رايحة اوضتى وذهبت لغرفتها
ملك: ربنا يهديكى يا ورد
جلست ورد على طرف السرير واطلقت تنهيده حارة فقلبها يتمزق الى اشلاء من الداخل
فلاش باااااااك
كانت ورد ذاهبة مع والدها الى المدرسة فى اول يوم لها
عبدالرحمن: وردتى الحلوة عايزك تبقى حلوة كده النهاردة ومؤدبة
ورد بطاعة: حاضر يا بابا واحتضنته وذهبت إلى فصلها لتقول المدرسة: تعالى يا ورد يا حبايبى دى ورد زميلتكم الجديدة
الطلاب بابتسامة صفراء: اهلا بيكى
ورد بفرحة: اهلا
ميرنا: هى مخيفة اوى كده ليه تحسى ان جلدها مبقع انا مش هسلم عليها لاحسن اتعدى منها
سلمى: بصراحة عندك حق ولا انا هسلم عليها انا مامى بتقولى ان دى حاجات معدية
ذهبت ورد لتجلس جانب احد الطلاب
ميرنا وهى تبتعد عنها: متقعديش هنا عشان انا لسه معقمة الديسك وهتنشرى مرضك عليه
ورد: مش مشكله هشوف مكان تانى وظلت هكذا ونفس الردود تتكرر الى ان وجدت صف فارغ ولكنه محطم جلست فليس امامها غيره وكانت تسمع همس التلاميذ عنها وعن البهاق الذى بجسدها تسقط دموعها بصمت الى ان دق جرس المدرسة معلنا عن فترة الراحة لتذهب للفناء ولم تخلو من تنمر التلاميذ جلست وحيده حتى اتت اليها فتاه
الفتاه: هو انت بتعيطى
ورد: لا ده حاجه دخلت فى عينى
الفتاة ازيك انا حياة وانتى ومدت لها يدها
ترددت ورد اتسلم ام انها ستخاف كالاخرون
حياة بزعل: هو انت مش عايزة تسلمى عليا
ورد: لا لا والله مش قصدى انا ورد ازيك
حياة: اسمك جميل اوى
ورد: شكراً وانت كمان
حياة: ممكن أسألك سؤال
ورد: طبعا اتفضلى
حياة: هو انت لية اترددتى لما كنت عايزة اسلم عليكي
ورد بإحراج: بصراحة كنت خايفة تكونى خايفة منى زي الباقى
حياة: لا انا مش خايفه منك انا حبيتك اوى ايه رايك نبقى بيست فرند
ورد: ماشى
وظلوا يضحكون سويا ومنذ هذا اليوم اصبحت ورد وحياة اكثر من اخوات
باااااااك
فاقت ورد على دقات الباب جففت دموعها سريعا
ورد: مين
عبدالرحمن: انا بابا يا حبيبتى
ورد: اتفضل يا بابا
عبدالرحمن: عاملة اية دلوقتي يا حبيبتي
ورد: الحمدلله يا بابا احسن
عبدالرحمن: طيب كنت عايز اقولك على حاجه
ورد: اتفضل يا بابا
عبدالرحمن: مراد بيه عامل حفلة بكرا عنده فى القصر
ورد: والمطلوب
عبدالرحمن: الحفلة دى لكل موظفين وعملاء الشركة والشركات اللى عاملة صفقات معانا وانا وانت هنروح
ورد بتوتر: مش... مش لازم يا بابا
عبدالرحمن: ازاى يعنى مش لازم يا بنتى ده شغل وبعدين بردو هو عمل معانا مواقف كتير مينفعش
ورد: طب ماما وملك وانا كنت متفقة مع حياة على مشوار
عبدالرحمن: هييجوا معانا
ورد: حاضر يا بابا
عبدالرحمن: طيب يا حبيبتي تصبحى على خير
ورد: وانت من اهله ونامت ورد والجميع للاستعداد للحفل
...........................................................................
فى صباح اليوم التالى
أخبرت ورد حياة بالحفل واخبرت والدتها ووافقت ولكنها رفضت الذهاب معها لأنها تقدر على الحفلات واجهادها وذهبت ملك وورد وحياة الى المول واحضروا فساتين للحفل
مساءاً
سارة: يلا يا ولاد الجزمة هنتأخر
ورد: ايه يا صرصور مستعجلانا ليه ملهوفة على عريس
سارة: اتلمى يا بت الهبلة
ورد: بس تعالى قولى هنا ايه الشياكة دى يا عبده ده انت هتولع الحفلة النهاردة
عبدالرحمن بضحك: بس يا بكاشة
ورد: طب بذمتك يا ملك مش بابا مزززز
ملك بصفارة اعجاب: ايه الحلاوة والشياكة دى يا بوب متجيب بوسة يا سكر انت
عبدالرحمن انفجر ضاحكاً: بس هتموتنى يخربيتكم
حياة: بعد الشر علي حضرتك يا عمو
اقترب منها عبدالرحمن وضمها: انا ابوكى زيهم يا حبيبتي انت مش عارفه غلاوتك عندى ولا ايه
حياة بدموع: ربنا يخليك يا بابا
ملك: ابوس ايدك خلص كليب معاك قلبى ده عشان نلحق البوفية
انفجر الجميع ضاحكاً وذهبوا الى قصر الاسيوطي
..........................................................................
فى قصر الاسيوطي
تجمع عدد كبير من الصحفيين والإعلاميين واصحاب الشركات العالمية وأعضاء شركة مراد وزملاء كريم وصديق عمرهم يوسف
تدلف بيرى الحفل وهى ترتدى فستان ابرز جميع مفاتنها مع مكياج جرئ