أنا المختلف ❤️

البارت السابع عشر 💕

فى غرفتها المهشمة نتيجة مكالمتها مع أحد الأشخاص ذهاب واياب تزمجر بغضب وصراخ
بيرى بغضب شديد: اييييييه هو انتواااا اية مش بينفع معاكوا حاجه انا هقتلها هقتلهاااااا مراااااد ليا انا وبس هقتلك يا ورد هقتلك

فى منزل عبدالرحمن كانت ورد تراجع مع والدتها كل ما ينقصهم للزفاف فتبقى يومين فقط على الحفل
سارة بتعب: اة الحمدلله كده يبقى خلصنا كله
ورد: اخيرا
ملك: وانا حاجتى فين يا صرصور
سارة: حاجه اية يا مجنونة
ملك: جهازى هو انا مش هتجوز انا كمان
سارة: لسة بدرى عليكى وبعدين ابوكى قايل لكريم مفيش جواز الا بعد الجامعة
ملك: ساخبر قرة عينى بكل شىء الا صحيح يا رورو
ورد: استر يارب
ملك: للدرجادى سمعتى وحشة
ورد: هههههه اة اوى
ملك: لا والله بجد هو انتى جيبتى لوازم الحنة
ورد: اة مش قصدك على الحنة اة جبتها
ملك: حنة اية يا ورد قصدى الدى جى وملايات اللف وبدل الرقص
سارة وهى تقذفها بالشبشب: بدل رقص ودى جى انتى هتقلبيلى البيت كبارية يا بت الجزمة
ملك: شكرا يا نبع الحنان
ورد:ههههههه لا انا مش هعمل كده وبعدين انتى بترقصى شعبى اصلا يعنى مع اول حركة البدلة هتقطع فعلى اية الخساير
ملك وهى تذهب للخارج: ده انتوا عيلة عدوة الفرحة صحيح ورن هاتفها: كيمو حبيب قلبي اروح اتكلم معاه بدل قعدة المطلقات بتاعتكم دى
سارة: شوف البت قليلة الرباية مالك يا ورد
تنهدت بضيق: مش عارفه يا ماما حاسة بقبضة كده
سارة: استعيذى بالله من الشيطان الرجيم واقريلك حبة قران هترتاحى
ورد: حاضر
فى الخارج عند ملك
كريم: وحشتيني يا بت يا مراتى
ملك: وانت كمان يا واد يا جوزى
كريم: كنتى بتعملى ايه
ملك: ابدا كنا بنراجع حاجات ورد اللى نقصاها فى الجهاز وخلصتهم
كريم: اة تعرفى انى غيران
ملك: غيران من اية
كريم: كلهم هيتجوزا ويعيشوا فتبات ونبات ويخلفوا صبيان وبنات ونبقى عمو وخالتو وسنانا تقع ولسا متجوزناش
ضحكت ملك بقوة: ههههههههههه يخربيتك هموووووت
كريم بحب: بعد الشر
ملك: بعدين يا كريم ما انت عارف ان لسة قدامى كلية حتى من قبل ما نكتب الكتاب معلش اصبر مسيرهم يعدوا
كريم بهدوء: يا حبيبتى انا بهزر معاكى انا استناكى العمر كله ومزهقش وبمرح بس متطوليش لاحسن بدات اعجز انا عايز اتجوز فعز شبابى
ملك: ههههههه احكيلى بقا عملت اية النهاردة خونتنى مع كام واحدة
كريم: هههههههه الله يسامحك بقا تعرفى عن كيمو حبيبك كده بصى بقا يا لوكا .......
عند حياة ويوسف كانو يشترون الفشار ويستعدون لدخول السينما
حياة: بقولك اية اى هكة كده ولا كده شيطانك يوزك تعمل حاجه هفرج عليك السينما
يوسف باستفزاز: انا تصدقى ان نيتك مش سالكة انا كنت هدخل معاكى ومفيش فى نيتى حاجة بس انتى بتجرينى للرذيلة وانا الصراحة بحبها
حياة: اتلم يا قليل الادب
يوسف: وهى الحياة بين العاشقين اية غير قلة ادب وشوية حاجات فوق بعضها
حياة: خلاص خلاص يخربيتك لو ظابط سمعك هنا هياخدنا فى بوكس بسبب لسانك ده
يوسف: طيب اغلطى اغلطى هانت كلها يومين ومحدش هيوحش عنك
حياة: وهو انا هسكتلك
يوسف: هتعملى ايه يعنى
حياة: هصوت واقول يالااااهواااى
يوسف بضحك: هههههه يا مجنونة يلا الفيلم هيبدا
ودخلوا ليشاهدوا الفيلم
كان مراد يشرف على اخر تجهيزات العمال للڤيلا الخاصة به و بورد فهو لا يريد أن يسكنوا فى القصر خصوصا بعد ارتداء ورد الحجاب حتى لا تكون مقيدة ولا تسمم ميران اذنها بالكلمات الجارحة
مراد: كده تمام كل حاجة بقت مظبوطه
العامل: يارب نكون دايما عند حسن ظنك يا مراد بيه
مراد: تمام ده الحساب اللى اتفقنا عليك
العامل: ده كتير اوى وانا مش هاخد اكتر من حقى
مراد: بالعكس انت تستاهل اكتر من كده اتفضل يا راجل يا طيب
العامل: ربنا يعمر بيتك يارب
مراد: امين يارب
وذهب مراد للشركة وطلب من ياسر ان يتبعه ( الناس اللى نسوا كلاكيت تانى مرة ياسر هو الحارس الشخصي لمراد ودراعة اليمين😂)
مراد بجدية: ياسر انا عايز بعد بكره الحراسة تكون شديدة مش عايز اى غلطة مهما كانت اية عينكم تكون فى وسط راسكم فاهم يا ياسر
ياسر بايماء: فاهم يا باشا
مراد: روح شوف شغلك
انصرف ياسر واخرج مراد هاتفه ليطمئن على وردته لتفاجئه هى باتصالها حيث انار الهاتف باسم (My Rose❤️🌹)
مراد: حبيبتي اللى مش مفارقة خيالى وحشتينى
ورد: وانت كمان وحشتنى
مراد: آاااااه يا ورد مش قادر اصدق انك يومين وهتبقى فبيتى
ورد: وحياتك عندى وانا كمان مش عارفه هسيب بابا وماما ازاى
مراد: يا حبيبتي احنا مش هنعيش فى اخر العالم اجنا هنبقا معاهم بردو
ورد:بردو ماليش دعوه
مراد: يا الله يا ولى الصابرين يا ميلة بختك يا مراد
ورد: ههههههههههه
مراد: اضحكى اضحكى كله هيطلع عليكى فى الاخر
دقائق ودق طارق الباب
مراد: طب سلام يا حبيبتي عشان معايا شغل عامل ايه يا طارق
طارق: الحمدلله انت اخبارك ايه
مراد: الحمدلله اية يا بنى مش ناوى تتجوز بقا
تنهد طارق بقلة حيلة: اعمل ايه بس نهى رافضة اننا نتجوز غير لما تعدى سنة على وفاة والدتها انت عارف من ساعتها وهى متأثرة انا مش عايز اتجوز عشان انا اللى عايز وخلاص انا بس عايز اعوضها احسسها بالحنان اللى فقدته
مراد بحزن على حال صديقه: ان شاء الله ربنا هيكتبلكم اللى فى الخير واضاف بجدية مزيفة بس اوعى متجيش فرحى انت سامع والله اروح فيك فداهية
طارق: هههههههههه وانا اقدر بردو انا اول واحد فالقاعة
وظلوا يتحدثون فى امور عديدة
بس يا ترى فرحتهم الاخيرة هتكمل ولا هيكون فى مفاجأة
انتظروا البارت الجاى بتاع الفرح😂❤️
متنسوش اللايك والكومنت والفولو عشان التفاعل ❤️
بقلمي يمنى محمد ❤️