أنا المختلف ❤️

البارت الرابع عشر

مر ثلاثة أشهر ومازالت ورد في الغيبوبة ولكن كان الأطباء يشيرون الى انها من الممكن أن تستعيد وعيها عن قريب كان حال مراد يسوء كل يوم عن الذى يسبقه ذبلت ملامحه وطولت ذقنه واصيب باكتئاب وكان كل يوم يذهب إلى ورد يحكى لها عن تفاصيل يومه وكم ان حياته سوداء بدونها واهلها ملك لم تفرح بنجاحها فى الثانوية العامة وكادت أن تدخل في اكتئاب حاد لولا ان كريم ساعدها على تجاوز هذه الازمة واتفق يوسف مع والدة حياة على موعد الخطوبة بعد ان تفيق ورد وتقربا كثيرا من بعضهما ولم تتوقف حياة عن زيارة ورد حتى جاء يوم شروق الشمس المعلنة عن تفتح الورد من جديد كان مراد يحدثها كعادته وهو ممسك بيدها حتى احس انها قبضت على يده
مراد: هى ورد حركت ايديها ولا انا بيتهيألى
كررت ورد ما فعلته مره اخرى
مراد بفرحة وسعادة: ورد حبيبتي حمدالله على سلامتك يا قلبي كنت متأكد انك هترجعيلى ومش هتسيبينى قبل يدها الحمدلله الحمدلله يارب
ورد بتأنن: آااه ...
مراد بلهفة: سلامتك يا قلبي من الآااه
ورد وهى تمسك برأسها: آاه ..  انا فين
مراد: انتى فى المستشفى يا حبيبتي
ورد وهى تطالع مراد باستغراب
مراد: مالك يا حبيبتى
ورد: انت مين!!؟؟؟
مراد باستغراب: مين!! انا مراد يا حبيبتي مالك
ورد: مراد مين وحبيببتك مين اااه يا رأسى
مراد بلهفة: مالك فيكي ايه اجيبلك الدكتور ورينى فيكى
ورد بتراجع: ابعد عنى متقربش منى انا معرفكش
ولكم ان تتخيلوا ما شعر به مراد تمزق قلبه بشده من الداخل فليس هذا الذى كان ينتظره منها بعد ان تفيق توقع ان تعود له بضحكتها وبسمتها ولكنها عادت بنكران معرفتها به انا مراد خطيبك يا ورد فى اية الجرح مأثر عليكى
ورد بصدمة: خطيبى انا مخطوبة ازاى انا معرفش انت مين هكون خطيبتك ازاى دخل فى هذا الوقت عبدالرحمن واسرته
عبدالرحمن بفرحة ولهفة: ورد حبيبتي حمدالله على وضمها إلى احضانه الحمدلله يارب احمدك واشكر فضلك يارب حمدالله على سلامتك يا قلبي
ورد: الله يسلمك يا بابا
ملك: ورد حبيبتى انا مش مصدقة انك رجعتى وحشتينى اوى يا ورد اوى البيت كان مضلم اوى من غيرك حمدالله على سلامتك يا حبيبتي
سارة: وحشتيني اوي يا بنتى قلبى اتوجع عليكى فبعادك بس ربى استجاب لدعنا ورجعك لينا عشان تردى فينا الروح من تانى حمدالله على السلامه يا ضنايا
ورد: الله يسلمكم بس هو ايه اللى حصل
الجميع بصدمة: ازاى يعنى ايه اللى حصل
ورد: ايوا هو حصل ايه ومين ده واشارت الى مراد الذى كان يقف غير مستوعب ما يحدث كيف تتذكرهم جيدا ولا تعرفه هو
عبدالرحمن: ده مراد خطيبك يا بنتى
ورد بتعجب ودهشة: خطيبى!! هو انا اتخطبت امتا الكلام ده انا مش فاكرة حاجة
مراد: عن اذنكم وذهب للطبيب واخبره ان ورد افاقت وذهبوا لاجراء الفحوصات الطبية وتأكدوا انها تجاوزت مرحلة الخطر وقاموا بنقلها الى غرفة عادية
مراد: بس يا دكتور فى حاجة غريبة لاحظتها بعيد عن الفحوصات
الطبيب: وهى
مراد: ورد بعد ما فاقت معرفتنيش ولا افتكرت حاجة بس اول ما اهلها جم افتكرتهم كويس وقعدت تشاور عليا وتقولى انت مين وحاجات كتير
الطبيب: شوف يا استاذ مراد المريض لما بيفوق من الغيبوبة فى احتمال كبير انه يكون فقد جزء من ذاكرته اثناء فترة الغيبوبة ف...
مراد مقاطعا: ايوا يا دكتور بس هى فاكرة اهلها وعارفاهم كويس
الطبيب: ما هو ده الجزء اللى قاطعته انا قصدى بفقدان الذاكرة المؤقت ده بيخلى الميمورى بتاعت المخ تمسح اخر فترة فى حياتها اللى هى كانت قبل الخطف والخبطة وطبعا بحكم انكم مقعدتوش فترة طويلة سوى الموضوع ده عمل delete لشخصيتك من حياتها
مراد بحزن: يعنى... يعنى ورد مش هتفتكرنى نهائى
الطبيب: لا انا مقولتش كده
مراد بنفاذ صبر: مش انت بتقول اكنى اتعملى delete من حياتها يعنى مش هتفتكرنى نهائى اهو
الطبيب: الموضوع بيكون فترة مؤقته مش دائم وممكن مع استرجاعك لمواقف حصلت ما بينكم عادية ترجع الذاكرة وممكن مع احتوائك وحبك ليها انك تجدد شعورها بالحب من تانى وتبدأ معاها من جديد تانى
مراد بأمل: يارب يا دكتور ومتشكر جدا على الطاقم الطبي اللى مافرقوهاش
الطبيب: الشكر لله يا فندم انا معملتش حاجة اكتر من واجبى
مراد: عن اذنك
وعاد إلى غرفة ورد وجد حياة اتت اليها وهى تضمها وتقول كنت عارفه انك هتقومى وتقاومى وظلت تتحدث معها هى وملك وسارة ويقف معهم كل من كريم ويوسف ووالدة حياة اخذ عبدالرحمن مراد بجانب من جوانب الغرفة
عبدالرحمن: عارف انت حاسس باية لما فاقت ومعرفتكش عارف انت موجوع ازاى بس يا ابنى ادى الله وادى حكمته ويمكن يا بنى ربنا عمل كده تبدأ معاها بعيد عن اى مشاكل او اذى مالوش اول من اخر تأكد يا ابنى ان كل ده فصالحكم
مراد: عندك حق يا عمى وان شاء الله هعوضها عن كل شىء
عند الباقى
ورد بضحك: يا نهار ابيض يعنى انا كنت غيبوبة بقالى ٣ شهور انا فعلا طلع اسمى غيبوبة انتوا مبتكدبوش  مش كده يا صرصور
سارة: آه يا جزمة
ورد: وانتى يا زقرده بقيتى مهندسة والله والايام جريت وهلاقيكى داخله عليا بالمشاريع ومسطرة حرف تى
ملك: طب بذمتك ينفع مهندسة زيي يتقالها زقردة
الجميع: اة
ملك: انا انسحب لانها وصفتنى بعدم التهذيب وهذا غير لائق الغى رحلتى
يوسف: طب ابوس ايدك تخفى بقى عايز اتجوز البت هتخلل جنبى منفسكيش فى عيل يقولك يا خالتو
ضربة مراد خلف راسه وبغيرة: تبوس ايد مين يا حيوان والله شكل الواد اللي بتتكلم عليه ده هتموت قبل ما تشوفه
يوسف: ليه كده طاااااه
كريم: طب بمناسبة ان ورد قامت بالسلامة انا كنت حابب اقول خبر كده ولو انه مش مكانه يعنى وغمز لملك
الجميع: خبر ايه
مراد: انا طالب ايد بنت حضرتك ملك لاخويا كريم
الجميع: ايه!؟؟؟
عبدالرحمن: يا ابنى انا اممممم
كريم بحزن: هو حضرتك مش موافق
عبدالرحمن: يا ابنى انت فاجئتنى بصراحة وبعدين والدك ووالدتك ومع هذه الكلمة دخل عاصم الاسيوطي
عاصم: وبعدين معاك يا عبدالرحمن ايه هتسأل على كريم كمان
عبدالرحمن: عاصم بيه
عاصم: بيه ايه بقا انا هبقى حما لبناتك التلاته وتقولى بيه ودى تيجى بردو الف سلامه عليكي يا بنتى
ورد باستغراب: الله يسلم حضرتك
عبدالرحمن: ربنا يخليك ويطول في عمرك
عاصم: انا وانت ان شاء الله وان شاء الله هنيجى عشان نطلب ايد حياة وملك ليوسف وكريم
يوسف: نطلب اية يا عمى انا لسة هطلب لا احنا نتجوز على طول
عاصم: اتلم يا حيوان
يوسف: احرجتنى بذوقك ثانك يو فيرى ماتش
عبدالرحمن: والله تنورونا
عاصم: منور باهله وناسه طب هستأذن انا يلا يا يوسف
يوسف: يووووه هو مفيش غير يوسف اشمعنا انا دونا عن ديكين البرابر دول واشار الى مراد وكريم
عاصم: والله انت اللى مضمنكش يمكن تخطف البنت وهى مروحة
يوسف ببراءة مصطنعة: انا يا عمى
عاصم: ايوا انت
يوسف: الواحد سمعته بقت فى السما والله يلا يا عمى
وذهبوا ودخل اليهم سريعا الشخص الذى اصبح صديق لعائلة الاسيوطى بعد طول غياب وذهب الى مراد وعانقه بقوة: حقك عليا عارف انك زعلان منى صدقنى مكنتش عارف انا اسف يا صاحبي فى اول موقف مكنتش جنبك اوعى تزعل مني
ضمه مراد: اوعا تقول كده تانى انا عارف انك كنت مسافر عشان التحاليل بتاعتك يعنى مكنتش بتتفسح حمدالله على سلامتك
طارق: حمدالله على سلامه ورد
مراد: الله يسلمك
طارق: حمدالله على سلامتك يا انسة ورد
ورد باستغراب: الله يسلمك 
طارق: اية ده هى فين
مراد: هى مين
طارق: خطيبتى كانت ورايا تلاقيها مدخلتش تعالى يا نهى
دخلت نهى لينتبه لها كريم
كريم: نهى
نهى: كريم
طارق: ايه ده انتوا تعرفوا بعض
كريم: اة دكتورة نهى زميلتى فى المعمل
نهى: حمدالله على سلامه آنسة ورد
مراد: الله يسلمك وبعدين تخطب من غير ما تقولى لا فى دى ازعل منك
طارق: لا والله ما اقدرش على زعلك وبعدين ده ربط كلام لسة الخطوبة وغمز لنهى والله كان نفسى تبقى دخلة مش خطوبه
نهى بخجل: بس يا طارق بقا
طارق: طب انا هستأذن عشان متعبكوش
مراد: اقعد يلا
طارق: معلش يا صاحبى الشغل بتاع الشركة متكوم على دماغى وكمان عشان اروح نهى
مراد: طيب ربنا معاك
طارق: ومعاك يلا سلام وذهب طارق ونهى
مراد: عمى انا هستأذن انا وكريم
عبدالرحمن: طيب يا ابنى
مراد: يلا يا كريم
كريم: يلا وذهبوا وتبعهم حياة ووالدتها وتبقى اهل ورد
ورد: احييية يا جدعان بقا انا خطيبة ده ده ولا نجوم هوليوود اية المزززز ده اموت يا هووووو
ملك بضحك: الحمدلله انه مشى ده كان زمانك اتحرشتى بيه
سارة: اختشى يا بت منك ليها عيب كده
ملك: يا سلام يا ست صرصور ده انتى كنتى بتكتبى كلام للحج فجواباتك ايه ده اللى يقراها يقول انك بنت عباس العقاد والله
سارة بخجل: بس بقا حسابنا لما نروح
ورد: بابا هو انا مش هروح
عبدالرحمن: الدكتور قال هتفضلى بكرا كمان نطمن عليكى وتروحى على طول
ورد: ماشى
كان مراد يقف وراء الباب وسمع حديث ورد عنه وغزلها به: آااااه يا بنت اللذينة لو اقدر ادخل دلوقتي واخدك فحضنى بس وماله الصبر مفتاح الفرج بردو سلام يا وردتى ورحل وتبعه الجميع
..................................................................................
عوده فى قصر الاسيوطي عاد مراد وهو مبتسم وسعيد لعوده معشوقته للحياة فكم افتقدها وآلمه فراقها حتى لو كان فقط لانها لا تطلع بعيناه ليصعد ويغير ملابسه ويحلق ذقنه التى حتى وهى نابته تزيد وسامته ويذهب إلى الشركة وفعل مثله كريم واتجه إلى المعمل
..................................................................................
فى ڤيلا طارق المهدى
كان طارق يصلى فرضه وبعد أن انتهى اخذ يشكر ربه على نعمه: احمدك يارب واشكر فضلك على نعمتك اللى انعمت عليا بيها هدتنى ليك وبعت ليا نصيبى وحلالى الحمدلله على كل شيء وانتهى وقام من على سجادة الصلاة وجلس على سريره وشرد فى لقاؤه بنهى
فلااااااش باااااااك
قبل أربعة أشهر كان مراد يوصل طارق الى المطار 
مراد: انا مش فاهم انت ليه منشف دماغك ومش راضى انى اسافر معاك
طارق: يا ابنى مينفعش وشغلك وورد وبعدين انا كلها اسبوع وراجع
مراد: عندى واللى فدماغك محدش يقدر يغيره
طارق: انا مرتاح كده
مراد: طيب ابقى طمنى اما توصل
طارق: ماشى سلام يا صاحبي
مراد: سلام
وصعد طارق الى الطائرة وجلس على مقعده واتت فتاه جميلة جدا وهى نهى وكان مقعدها بجانبه ولكنها تعثرت وسقطت عليه احمرت خجلا من الموقف: انا اسفة رجلى اتكعبلت مكنش قصدى
بينما كان طارق فى ملكوت اخر فهو قابل وواعد نساء بعدد شعر رأسه فكيف لها ان تخطفه من اول نظرة ليعود إلى وعيه: احم لا ابدا حصل خير حضرتك كويسة
نهى: ايوا وجلست بجانبه كان طارق يختلس النظرات الى نهى من الحين للاخر ولاحظ توترها من الطيران
طارق: احم لو سمحتى هو انا ممكن أسألك سؤال
نهى: اتفضل
طارق: هو انتى بتخافى من الطيران
نهى: لا اة امممم اصل بصراحة كده دى اول مرة ليا وخايفة
طارق: طب ممكن نتكلم فى اى حاجة اهو منها توترك يخف ونقلل وقت الرحلة انا طارق المهدى
نهى: اهلا وسهلا انا نهى احمد
وظلوا يتحدثون طوال السفر وتناست نهى خوفها من السفر نهائيا وبعد وقت طويل هبطت الطائرة فى مطار انجلترا ونزل الجميع واستلموا حقائبهم
طارق: بجد كانت رحلة جميلة اوى انا اتشرفت بمعرفتك يا دكتوره
نهى: انا اكتر يا استاذ طارق عن اذنك
طارق: انسه نهى ممكن ثوانى
نهى: خير
طارق: احم ممكن يعنى رقم تليفونك
نهى: وحضرتك عايزه ليه
طارق: ها.... اممم قصدى يعنى عشان لو احتاجتى حاجة او اى مساعده انتى لوحدك وفى غربة بصى على العموم ده الكارت بتاعى واى وقت تعوزينى فيه هتلاقينى سلام وذهب
نهى: وانت حكايتك ايه كمان يا سى طارق اما اروح اشوف ورايا اى
وفى يوم ذهب طارق الى معمل تحاليل طبية في احد الأماكن بانجلترا ودخل عندما اتى دوره ليصيبه الذهول ان نهى هى الطبيبة
طارق: انتى
نهى: احم استاذ طارق ازيك
طارق: الحمدلله
نهى: احم ممكن تقعد عشان نبدا التحاليل
طارق: ماشى
بعد مده انتهت جميع التحاليل نهى: حضرتك دى اعراض خفيفة مش مستاهلة انك تقلق
طارق: هو انتى وراكى حاجة بعد المعمل
نهى: لا ليه
طارق: ممكن اعزمك على الغدا
نهى: بس...
طارق: ارجوكى تقبلى دعوتى
نهى: ماشى
وبالفعل انتهت نهى من عملها وذهبت للغداء مع طارق وتوالت الايام وطارق ونهى يقتربان من بعضهما اكتر اصبحا يخرجان سويا ويوصلها الى عملها ويعيدها الى المنزل وكانت نهى شعرت معه بالامان ونست حبها لكريم تماما واصر طارق على ان يخبرها بماضيه ليكون كل شئ واضح حتى عقدته التى تسببت فيها امه تفهمت نهى كل ذلك وجاء اليوم الموعود اليوم الذى سيصبحان فيه اكثر من صديقان وهو الاعتراف
طارق: نهى انا بحبك تتجوزينى يا نهى
احمرت خجلا واومأت راسها بالموافقة ضمها واخذ يدور بها فى جو ملئ بالحب والسعادة والرومانسية
باااااااك
القى طارق بجسده على السرير وغطا فى سبات عميق
..................................................................................
صباح يوم جديد تشرق الشمس معلنة عن صباح السعاده والحرية فاليوم ستخرج وردتنا من هذا المكان الكئيب كان مراد وعبدالرحمن يحدثون الطبيب ومضوا على اذن الخروج
ورد: اخيرا هطلع من ام المستشفى دى
مراد: حمدالله على سلامتك يا حبيبتي
نظرت له ورد بخجل: شكرا
مراد بمرح: شكرا ده انا بتشحتف جنبك بقالى 3 شهور ده بدل ما تدينى تصبيرة ولا حضن دافى ولا تقوليلى وحشتنى يا مورى
ورد بضحك: مورى ايه مورى دى
مراد: دلع مراد بس انتى بس اللى مسموح ليها انها تقول كده بصى يا حبيبتى انا عارف انك مش فاكره حاجات كتير حصلت ما بينا بس صدقى ده واشار الى قلبها واحساسه بالحب من ناحيتى كان عامل ازاى وحبى ليكى اللى لا يمكن تهدمه الدنيا بحالها يا وردتى
ورد: ممكن اقولك حاجه
مراد: قولى
ورد: عارف على قد ما انا مش فاكراك بس مش عارفه ليه احساسى بيقولى انى اعرفك من زمان
مراد: هو ده اللي كنت بقول عليه هو ده الحب يا قلبي العقل بينسى بس القلب ما بينساش
ورد: ممكن هو انا همشى امتا بقا
مراد: حاضر هشوف عمى واجى
عبدالرحمن: عندك انا جيت يلا يا حبيبة بابا
ورد: يلا
وصعدوا فى سيارة مراد واتجهوا الى المنزل
عبدالرحمن: هتتغدى معانا النهاردة
مراد: يا عمى
عبدالرحمن: مفيش حرف زيادة هتتغدى معانا ام ورد النهاردة متوصية جامد اهو حماتك بتحبك يا سيدى
مراد: حاضر
وصعد الجميع الى البيت ودخل عبدالرحمن بورد إلى غرفتها لتساعدها ملك فى تغيير ملابسها ورجع إلى الصالون وجد مراد لازال واقف عند الباب ليقول: اتفضل يا ابنى بيتك ومطرحك معلش مش قد المقام
مراد: يزيد فضلك لا والله البيت جميل جدا وجلس
سارة: نورتنا يا ابنى
مراد: منور باهله يا طنط
عبدالرحمن: خلصتى الغدا يا ام ورد
سارة: اة يا اخويا هغرفه اهو وغرفت ووضعت الاكل على السفرة وجلس الجميع
ملك: لا ده احنا نبعد عنك ورد بقا عشان كل يوم تبقى عزومة ملوكى محاشى وبط وفراخ الحق الميزانية بقى يا عبده هنشحت على اخر الشهر
عبدالرحمن: يا بت عيب عندنا ضيوف
مراد: لا يا عمى براحتها زى اختى الصغيرة مش كده يا ملك
ملك: كده يا ابيه
مراد: حلوة ابيه دى ده حتى كريم مبيقولهاش
ورد: ايه ده المحشي مبيتاكلش بالشوكة
مراد: اومال
ورد بايدك احنا مصريين مش من المكسيك
مراد بابتسامة: حاضر يا قلبي اهو وبدا ياكل بيده تصدقى عندك حق كده طعمه احلى تسلم ايدك يا طنط
سارة: بالف هنا وشفا
مراد: الحمدلله هو الحمام منين عشان اغسل ايدى
عبدالرحمن: قومى يا ورد وريه الطريق
ورد: حاضر يا بابا
وغسل مراد يده وهو عائد راى باب احد الغرف مفتوح تسلل إلى انفه رائحة يعرفها جيدا عطر ورد المميز اخذه الفضول للدخول رأها تحتوى على العرائس الصغيرة وصور الكارتون المفضل لها ابتسم على طفلته وخرج سريعا من الغرفة وشربوا الشاى واستأذن حتى يعود إلى شركته ومر اليوم بسعادة على الجميع بينما عند شخص واحد عكس ذلك كان يوم اسود
بيرى بغضب: فاقت وبقت كويسة وخرجت من المستشفى هى البت دى ايه بكام روح بس صبركم عليا يا مراد انت وورد والله لتكون نهاية قصة روميو وجوليت دى على ايدى انا لازم ارج القاهرة بائ شكل لان نهايتكم قربت اوى يا حلوين ههههههههههه واطلقت العديد من الضحكات الشريرة بصوت مرتفع ايفعل الطمع بالانسان هكذا بتمنى الهلاك له دون الشعور بالذنب

يا ترى بيرى ناوية على ايه؟🤔
ومراد هيعرف يرجع ذكرياته مع ورد؟🥺❤️
وميران سكوتها ده وراه ايه؟🤔
والقدر والحب هيكونوا من نصيب مين والعذاب هيكون من نصيب مين؟🤔
يتبع......❤️
بقلم يمنى محمد ❤️