أنا المختلف ❤️

ورد❤️ مراد

بيرى بغضب: فاقت وبقت كويسة وخرجت من المستشفى هى البت دى ايه بكام روح بس صبركم عليا يا مراد انت وورد والله لتكون نهاية قصة روميو وجوليت دى على ايدى انا لازم ارج القاهرة بائ شكل لان نهايتكم قربت اوى يا حلوين ههههههههههه واطلقت العديد من الضحكات الشريرة بصوت مرتفع ايفعل الطمع بالانسان هكذا بتمنى الهلاك له دون الشعور بالذنب
صباح يوم جديد فى منزل عبدالرحمن المنشاوى مر على خروج ورد اسبوعان وقد استردت صحتها ولكنها شعرت بالملل بسبب كثرة جلوسها فى البيت وكان مراد يرفض خروجها بسبب خوفه الشديد عليها ولكنها عزمت على اخباره بانها تود الخروج فقد طفح الكيل بها
ورد: السلام عليكم
مراد: وعليكم السلام صباح الخير يا وردتى
ورد بخجل: صباح الخير
مراد: خير يا حبيبتي بتكلمينى الصبح فيكي حاجه انتى كويسة
ورد: متقلقش انا كويسة انا بس كنت
مراد: مالك يا حبيبتى
ورد بحرج: بصراحة عايزة اخرج انا زهقانة وانت مش مخلينى انزل الشغل وحياة بتجيلى البيت ومش بننزل
مراد بضحك: كل الكسوف ده عشان عاوزة تخرجى حاضر يا قلبي جهزى نفسك الساعه 8 هعدى عليكى وهبعتلك فستانك بكل مستلزماته
ورد بحرج: لا مالوش لزوم تكلف نفسك انا عندى
مراد: حبيبتي تكلفة ايه اللى بتتكلمى عليها مفيش حاجه تغلى عليكى انتى اغلى ما فى الدنيا
ورد: طب باى باى
مراد: اهربى اهربى سلام يا اخره صبرى
ورد وهى تحتضن الهاتف: يااااه يا مراد انا بحبك اوى ربنا يخليك ليا وقامت وصلت فرضها واتنظرت وصول فستانها وهى عازمة على صنع مفاجأة له حدثت والدها لتستأذنه: الو يا بابتى
عبدالرحمن: ايوة يا حبيبة بابا
ورد: كان عندى طلب كدهون وعشمانة فكرمك يا عبدو
عبدالرحمن: هتخرجى مع مراد مش كده
ورد: انت لحقت تقفشنى
عبدالرحمن: لا هو كلمنى وقالى
ورد: كل اعوانك خانوك يا ريتشارد طب يا عبده سلاموووووز بقا
عبدالرحمن: ماشي يا حبيبتي متتأخروش
ذهبت ورد لسارة وهى تعد الطعام لتقبلها سريعا على وجنتها
ورد: صرصور قلبى وحشتيني يا ست الحبايب
سارة بخضة: يخربيتك يا بت الهبلة انتى مش هتكبرى قطعتيلى الخلف
ورد: ايه يا حجة هو انتى ناوية تخلفى تانى ده انا وملك بعشيرة بحالها
سارة: تصدقى اول مرة تصدقى فكلمة
ورد بغرور مصطنع: انا طول عمري بقول كلام مظبوط ده انا ورد المنشاوى على سن ورمح
سارة: يا بنتى انجزى عايزة ايه مش فاضيالك
ورد: بصى يا صرصور مراد هيخرجنى النهاردة وهيبعتلى فستان عشان الخروجة
سارة: ولية يا بنتى تكلفى الراجل يقول علينا ايه
ورد: يا صرصور صدقينى هو اللى اصر وانا كنت محرجة اوى الصراحة فوافقت
تنهدت سارة: ماشى يا بنتى ربنا يسعدكم
ورد: ايوا كده تعيش صرصور تعيش
سارة بتهديد مصطنع: هاااا هرجع فكلامى
ورد: لا ابوس ايدك ده انا مصدقت اخرج المهم ملوكه فين
سارة: ملك فى الجامعة بتخلص حبة ورق هتيجى كمان شوية
ورد: ماشى وفجاة رن جرس الباب ذهبت لتفتح الباب
شخص: ده منزل عبدالرحمن المنشاوى
ورد: ايوا هو
شخص: اتفضلى الفستان ده مبعوت للانسة ورد
ورد وهى تاخذه: شكرا
شخص: العفو يا فندم
وحملت الفستان الى غرفتها وانتزعته مما يغلفه ليظهر امامها فستان باللون الاوڤ وايت من الدانتيل باكمام متناثر عليه فتافيت سكر ومعه طقم الماسى رقيق وبه سلسلة عليها M√|√|√|√W وحذاء نفس اللون ومعه رسالة " اية رايك في زوقى عرفت انك بتحبى اللون ده مستنيكى النهاردة يا وردتى واوعى تفكرى تحطى نقطة ميكب انتى احلى اوى من غيره بحبك مراد"
اخذت ورد تقفز بسعاده وتصفق مثل الاطفال هييييييه بحبك يا مراااد بحبااااك
فى المساء ارتدت ورد فستانها ولم تضع اى مساحيق التجميل كما طلب منها مراد ونزلت وجدته يستند بظهره على السيارة ببدلة سوداء وقميص ابيض ولم يرتدى ربطة عنق ترك اول زرارين مفتوحين ولكن ما ان لمحها حتى تصنم من شده جمالها بالفستان ولكن زاد انبهاره ان ورد كانت ترتدى حجاب كانت هذه مفاجأة ورد له اقتربت منه ورد
مراد بذهول : انتى حلوة اوى فالحجاب
ورد بكسوف: بجد شكلى حلو
مراد: حلو بس ده انتى تقولى للقمر قوم وانا اقعد مكانك
ورد ووجها اصبح كالدماء: خلاص يا مراد مش للدرجادى واكملت بخجل وانت كمان
مراد بخبث: انا كمان ايه
ورد: ها لا ولا حاجه وابتعدت امسكها مراد
مراد: انا ايه
ورد بخجل: زى القمر
مراد وتزايدت ضربات قلبه: اركبى يا ورد لاحسن هيمسكونا بفعل فاضح فى الطريق العام
ركضت ورد سريعا وركب مراد واتجه الى مطعم فى غاية الروعة والجمال حجز مراد المطعم بالكامل
ورد عندما دخلت: وااااو ايه المكان ده
مراد: عجبك يا قلبى
ورد: اوييي يا مراد بس المكان فاضى ليه
مراد: انا حاجز المكان عشان نكون على راحتنا وبغيرة عشان مش حستحمل حد يبصلك وانتى زى القمر كده وتتالكلى كده
ذهب مراد بها إلى الطاولة المخصصة لهم وكانت مزينة بالشموع والورود واشهى المأكولات سحب مراد الكرسى لورد جلست وجلس هو بالمقابل
مراد: مبسوطة يا قلبي
ورد: مبسوطة بس ده انا طايرة فى السما
مراد: طب غمضى عينك
ورد بتسأل: ليه
مراد: عشان المفاجأة
ورد: هو لسة فى
مراد: اومال ده احنا لسة بنقول يا هادى
ورد: اهو واغمضت عيناها
وضع مراد امامها صندوق: فتحى عينك
ورد: ايه ده
مراد: افتحيه
فتحته وجدت به بعد الصور لها ولمراد وهو يلبسها خاتم الخطوبة نظرت له اجابها بان تكمل رات السلسلة نفسها التى البسها اياها يوم اخطتافها ووجدت شريحة ميمورى
ورد: وايه دى
مراد: ده علية تسجيل لينا يوم ما اعترفنا بحبنا لبعض فجنينة الفيلا والسلسلة دى انا لبستهالك يوم ما اتخطفتى ودى صور خطوبتنا
ورد بدموع: عملت كل ده عشانى
مراد: بلاش دموعك دى يا قلبي بتوجعنى انتى الوحيدة اللى مهما اجيبلها مش هقدر اوفيها حقها ودلوقتى مع المفاجأة التانية غمضى عينك
ورد بضحك: تانى
مراد: تانى وتالت وعاشر
ورد: اهو
نزل مراد على ركبته امام ورد وبيديه علبه بها خاتم الماس: فتحى حبيبتي انا ببتدى معاكى حياتى من جديد تقبلى تتجوزينى يا وردتى
ورد بفرحة وسعادة غامرة: موافقة موافقة يا مراد
البسها مراد الخاتم وقبل يدها وبدات الموسيقى: تسمحيلى بالرقصة دى يا وردتى اومأت ورد بالموافقة وبدأت الرقصة

سيبنى جوا حضنك ده اللى واخدنى ده انت قلبك ده مطمنى نفسى اعيش ويااااااااك
خدنى ده البعاد عنك غلبنى وانت ليه يا حبيبي سايبنى نفسى اكون ويااااااااك
سيبنى جوا حضنك ده اللى واخدنى ده انت قلبك ده مطمنى نفسى اعيش ويااااااااك
خدنى ده البعاد عنك غلبنى وانت ليه يا حبيبي سايبنى نفسى اكون ويااااااااك
مراد:اوعى تبعدى عنى يا حياتى اوعى تبعدينى عن حضنك
ورد:ده انا اللى بقولك اوعى تبعد عني انت اجمل حاجة حصلت فى حياتى مقدرش ابعد عنك
عمرى ياللى بيك احلو عمرى ولعنيك سلمت امرى مش هسيبك يوووم
عمرى ياللى بيك احلو عمرى ولعنيك سلمت امرى مش هسيبك يوووم
مراد:بحبك يا ورد
ورد: بحبك يا مراد
دوبنا لما قولنا اللى فى قلوبنا مالكلام اللى فى عيونا دابت الاحزاااان
دوبنا لما قولنا اللى فى قلوبنا مالكلام اللى فى عيونا دابت الاحزاااان
كلمة قولتهالى حبيبى كلمه مالبعاد طب ايه اخدنا قسوة الحرمان
مراد: قربك ليا بيحينى يا ورد
ورد: وانا عايشة على حبك يا حبيبي
قلبى ياللى صورتك جوا قلبى نفسى تفضل جوا حضنى مش هتندم يوووم
عمرى ياللى بيك احلو عمرى ولعنيك سلمت امرى مش هسيبك يوووم
انتهت رقصة مراد وورد وسهرتهم
مراد: تحبى تروحى مكان تانى
ورد: عايزة اقعد على البحر شوية
مراد: ماشى
ذهبوا للتمشية امام البحر وايديهم متشابكة ولم يخلوا من النظرات منها الحاقدة ومنها الفرحة ورات ورد بائع غزل بنات واخر بالونات ذهب مراد واشترى جميع البالونات وبعض غزل البنات والذرة واحضرهم لها
ورد: معقول انت بتفهمنى من غير ما اتكلم
مراد: طبعا ( وهو الحب ايه غير نظرة من عينيه سورى اندمجت شويه 😂)
لمحت ورد فتاه على الرصيف تبكى ذهبت لها
ورد: مالك يا حبيبتى
الفتاة: ماليش يا طنط انا جعانة ومش لاقية مكان انام فيه
ورد: يا حبيبتي طب خدى دول واعطتها كل ما بيدها
الفتاة: شكرا يا طنط
كان مراد يراقب ورد وطيبة قلبها فهى حقيقية وليس مصطنعة ليقترب منهم
مراد: انتى اسمك ايه
الفتاة: اسمى فرح
مراد: طب تعالى يا فرح انا عندى مكان حلو اوى تباتى فيه
فرح: بجد يا عمو
مراد: بجد تعالى معانا وذهب بها الى دار الايتام واوصى الجميع على حسن معاملتها ورعايتها واومأ له الجميع فالكل يعرف من هو مراد الاسيوطى
ضمتهم فرح بحب: شكرا يا عمو انت وطنط انا بحبكم اوى
ورد: وانا كمان يا حبيبتى وهاجى كل فترة اشوفك ماشى يا حبيبتى
فرح: ماشى يا طنط
وذهبوا للخارج وركبوا السيارة للعودة للمنزل
ورد: انت انسان جميل اوى يا مراد
مراد: حبيبتى مش معنى انى غنى انى مبحسش بالناس ولا بمشاكلهم عشان كده دار الايتام ده انا اللى بنيته عشان احمى الاطفال دى
ورد: ربنا بيحبنى اوى عشان خلاك من نصيبى
والله وهتجمعنا الحياة كان حلم غاااالى افرح يا قلبي وعيش معاه احلى الياااالى
والليله حبيبي الليلة ليلة عمرنا الليلة دى اجمل ليلة فى حياتى انا
عايز تحس فرحتى خليك مكانى هعيش مع اللى حلمت بيه مش حد تاااااانى
والليله حبيبي الليلة ليلة عمرنا الليلة دى اجمل ليلة فى حياتى اناااااا
وانتهى اليوم بسعاده وحب على الجميع
يتبع.......
الحلقة دى كانت خاصة بمراد وورد بس ❤️
متنسوش اللايك والكومنت والفولو عشان التفاعل❤️😘
روقوا عليا بيهم عشان اجيبلكم بارتات كتشير اوى😂❤️
بقلمي يمنى محمد ❤️