أنا المختلف ❤️

البارت السابع

فى المول
يجلس الشباب على إحدى الطاولات
يوسف: تشربوا اية يا جماعة انا هطلب كابتشينو
مراد: قهوة
كريم: عصير برتقان
على طاولة مجاورة تجلس كل من ورد وحياة وملك
ملك: الكيك ده حلو اوى
حياة: حاسبى يا ملك وقع بعض فتات الكيك على فستان ورد
ورد: خلاص خلاص هروح الحمام انضفها واغسل ايدى بالمرة
ذهبت ورد ولكن اعترض طريقها شخص
ورد: طارق
طارق: ازيك يا وردتى
ورد: عن اذنك
طارق: لا يا قطة وحاول يمسك أيدها
ورد: انت اتجننت وصفعته بقوة على وجهه
طارق: انت مجنونة انا هوريكي ازاى تمدى ايدك عليا ورفع يده ليصفعها ولكن هناك من امسك بيده ليقول: انت ازاى تفكر تمد ايدك على خطيبة مراد الاسيوطى
طارق بصدمة: اية!!؟؟؟؟؟خطيبتك ازاى مش ممكن ورد الكلام ده حقيقى انا عارف انك مش مرتبطة
مراد بثبات: عشان كانت مجرد قراية فاتحة بس الخطوبة اخر الاسبوع عقبالك ده انا هفرح اوى لو جيت هتنورنا
طارق وهو يرمق مراد بغضب فقد أفسد جميع مخططاته: الف مبروك يا ورد وكأنها تعنى مبروك عليكى الهلاك والجحيم المدبر لكى
مراد بنفس ثباته: الله يبارك فيك مستنيك فالخطوبة
وذهب طارق بعد أن ألقى مراد قنبلة بوجهه ليبتسم بخبث: أما وريتك يا مراد مبقاش انا ابن المهدى ثم أخرج هاتفه: الو...ايوة يا وائل عايزك تحط ناس تراقب بيت ورد كويس اوى
أما عن ورد فهى مازالت فى حالة لا تحسد عليها فما كل هذه الصدمات خطوبة،اخر الاسبوع،قراية فاتحة،خطيبة مراد الاسيوطى لتنتبه على صوت مراد وهو يقول: اقفلى بوقك يا ورد لاحسن الدبان يدخل جواة
ورد: ايه اللى حضرتك قولته ده
مراد ببرود: قولت ايه وبعدين انا مش قولت بلاش حضرتك دى
ورد: مش وقته الكلام ده لكن أنا عايزة اعرف كدبت ليه
مراد: كدبت فى ايه مش فاهم
ورد: ايوا كدبت انا مطلبتش منك تدافع عنى حته لو بكدبة
مراد: يا ورد انا ب...
ورد بمقاطعة: لو سمحت يا مراد انا بعرف ادافع عن نفسى ومش مستعده احمل نفسى او غيرى ذنب بسبب كدبه وبعدين طارق دى مش اول مرة ميسيبنيش فى حالى انا بعرف اصد الاشكال دى كويس اوى
مراد بغيرة: وهو بيتعرضلك فين ان شاء الله بقا
ورد: هو معايا فى الكلية بس معروف انه فاشل وبيعيد كل سنة وطريقة مش تمام فهو لما ملاقاش انى مش هستسلمله بدأ يحاول يخلق اى حجة عشان يكلمنى وبردو بصده
مراد: انا بعد كده هبعت معاكى حرس زى ضلك فى كل حته
ورد باستغراب: وايه لازمة ده كلة هو انت من بقية عيلتى وانا معرفش
مراد: لا يا لمضة عشان خايف عليكي وعشان احميكى
ورد: تحمينى ليه بقا ان شاء الله كنت جوزى حبيبى خطيبى انت مديرى فالشغل مش اكتر وشكرا لدفاعك عنى وذهبت ورد من امامه اطلق مراد تنهيده: ماشى يا ورد بردو هفضل وراكى انا بحبك ومش هيأس ابدا ومش هسيبك الا لما تعشقينى مش تحبيني
فى نفس الوقت الذي كان يتجادل فيه مراد وورد
كان كريم يرفع بصره ليقع على حبيبته المشاكسة تجلس على الطاوله المقابله له على وجهها اثر الكيك فضحك كريم عليها وجذبت ضحكته انظار الناس لتنتبه ملك لوجوده وتطلعه بها لتنظر للجهة الاخرى سريعا كانها تحدث حياة ليفيق كريم على صوت يوسف: يا ابنى فينك عمال انادى ولا كانك هنا
كريم: معلش اصلى سرحان شويه
يوسف: هى العيلة بتنهار كلها ولا ايه لا ده وباء بقا
كريم بعدم فهم: تقصد ايه مش فاهم
يوسف: يعنى انا وانت ومراد بنحب مرة واحده اول مرة نتفق
كريم: ودى مين اللي مبتشوفش وحبتك دى
يوسف بغضب: متقولش عليها كده دى هتبقى مراتى
كريم بصدمة: مراتك؟؟؟!! انت خطبت من ورانا يلا
يوسف: يا عم هى متعرفش حاجه اصلا
كريم: يكش بس تكون موجودة اصلا
يوسف بهيام: تصدق انا ساعات بفكر كده تحس انها بتنور فالضلمه ولا جمال زراق عينيها وشعرها الذهبى ده تحس انها جرافيك من كتر جمالها وكان يسحب يده من على الطاولة لتسقط مفاتيحه فيميل ليأخذها لتقع عيناه على حياة: احييييه هو انا من كتر ما بوصفها بقيت بشوفها قدامى ولا ايه لا ده انا حالتى بقت خطر انا لازم اتجوز البنت دى باى شكل
كريم بتأفف: مراد اتاخر اوى مش عارف ايه اللى قومه اصلا
عند طاولة ملك وحياة
ملك داخل نفسها: هو بيبصلى كده ليه انا مش عارفه هو ده ايه مشاعر مراهقة ولا اعجاب ولا حب بس معقولة هيحب عيلة زيي هو دكتور وانا فثانوية عامة يعنى الفرق بينا بتاع 8 سنين فوقى يا ملك من الوهم ده
حياة: هو انا شوفت يوسف ولا انا بيتهيألى يلا انا اصلا مش عايزة اشوفه بنى ادم سئيل
ملك: انتى بتكلمى نفسك لا حول ولا قوه الا بالله
ورد: انا جييت
ملك: ايه كل ده انا قولت انك بتستحمى وهتندهى عليا اجيبلك بورنس
ورد: يلا عشان منتأخرش عشان الشغل وبابا ميزعلش
ملك وحياة: يلا بينا
عند طاولة الشباب
مراد بتأفف: يلا بينا نروح
يوسف: يا بنى احنا لحقنا احنا ملحقناش نشرب الحاجة حتى
كريم: مالك يا مراد وايه اللى اخرك كده
مراد: مفيش شوفت ورد
كريم: وانا شوفت ملك
يوسف: وانا شوفت اتنين واقعين قدامى يا واقع منك له بس ايه ده
مراد وكريم: ايه
يوسف: هو انت شوفت ورد
مراد: اة واسمها ميجيش على لسانك
يوسف: وكانت معاها صاحبتها مش كده
مراد: معرفش
يوسف: منك لله يا بعيدة هدخل السرايا الصفراء بسببك
ليعود كل من الشباب والبنات الى منازلهم
فى منزل عبدالرحمن
سارة: احضرلكم العشا يا بنات
ورد وملك وهم ينظرون الى بعضهم احنا دخلنا شقة غلط ولا
سارة وهى تقذفهم بالشبشب: على اوضتكم يا ولاد الجزمة
ملك: ايوا هو ده البيت خلاص يا صرصور لحسن تطبى مرة واحدة
سارة: بتفولى عليا يا بنت الكلب
عبدالرحمن: الله وانا مالى يا لمبى
ملك: نتقابل فمحكمة الاسرة بقا
دخل الجميع لغرفهم وابدلوا ملابسهم استلقت ورد على السرير وشردت فى حديثها مع مراد وتنهدت: يا ترى اخرتى معاك ايه يا مراد وبعدين طول عمرى بعيدة عن الناس ويوم ما ابقى معجبة بحد يكون خاطب يعنى فى حد فحياته وابتسمت بحزن: الظاهر انى مكتوب ليا اعيش حبة حلوين فخيالى هو ميستاهلنيش مش هيقبل انه يتجوز واحدة زيي مش هيقدر يورى وشة لحد بيا نامى يا ورد نامى وغطت فى سباق عميق بينما ملك على الجانب الاخر: انا بجد احترت معاك يا كريم هو انا ليه حاسة انى بتشد ليك حتى لو بعيد خايفة احبك تكون عايز واحدة من سنك يارب ريح قلبى انا تعبانه وغطت هى الاخرى فى سباق عميق
فى منزل حياة
مريم: كيفك يا حياة قلب امك
حياة: الحمدلله يا ماما طمنينى خدتى دواكى واتعشيتى
مريم: ايه يا حبيبتى اتعشيت وانا هلأ بالف صحه وعافيه
حياة: ربنا يخليكي يا امى يارب
مريم: ويخليلى ياكى يا عمرى بدك شى قبل ما انام
حياة: لا تصبحى على خير
مريم: وانت من اهل الخير وذهبت لغرفتها
(مريم والدة حياة زوجها متوفى سورية الاصل بيضاء باعين زرقاء كالبحر فحياة نسخة مصغرة منها ليس لديها غيرها تحب ابنتها وتخشى عليها من الهواء)
دخلت حياة الى غرفتها وابدلت ملابسها الى منامة عليها ميكى ماوس وجمعت شعرها على شكل قطتين واستلقت على سريرها: يا ترى ناويلى على ايه يا يوسف وايه حكايتنا ونامت من التعب