Be my Life Partner [[ Completed ]]

Episode 24 [ Final ]

Zawgyi ***

အယ်လ်ဖန် သတိမေ့နေသည်မှာ တစ်ည တိတိ ရှိပြီး အယ်လ်ဖီလည်း အနားတွင် အချိန်မပြတ်စောင့်နေလေသည်။

မစား၊မသောက်ပဲ ဂိုဏ်းချုပ်၏ အနားတွင်သာ ငူငိုင်စွာဖြင့် ထိုင်စောင့်နေပါသော သခင်လေးအား ကြည့်ရင်း ဖီးလစ်မှာ စိတ်မကောင်းပေ။ သို့သော်လည်း သူ ဘာမှဝင်ပြောခွင့်မရှိ။

"အဲ့ဒါက ဘာလဲ"

အခန်းထဲ ဖီးလစ်မှာ ပန်းကန်တစ်ခုကိုင်ကာ ဝင်ရောက်လာသောကြောင့် အယ်လ်ဖီမေးလိုက်ခြင်းဖြစ်သည်။

"ဂိုဏ်းချုပ် နိုးလာရင် စားဖို့ ခရုဆန်ပြုတ်ပါ သခင်လေး"

အယ်လ်ဖီက အလိုမကျစွာ ကြည့်ရင်း သူ၏ မျက်မှန်ကိုင်းကြီးအား ပင့်တင်ကာ ပြောသည်။

"ခရုက ဒဏ်ရာ ပြန်ရင်းတတ်တယ်..မဖြစ်ပါဘူးလေ ငါကိုယ်တိုင်သွားလုပ်မှပဲ..မင်းက ဒီမှာစောင့်နေ..သူသတိရလာရင် ငါ့ကို ချက်ချင်းလာပြော"

ဖီးလစ် ကြောင်တောင်တောင် ဖြစ်သွားလေသည်။

"သခင်လေးက ချက်တတ်ရဲ့လား"

အယ်လ်ဖီသည် ဖီးလစ်အားတစ်ချက်သာ စူးစိုက်ကြည့်ရင်း ဘာမှပြန်လည်မပြောပြပဲ  အင်္ကျီအား တံတောင်ဆစ်အထိ ခေါက်တင်ကာ ထွက်သွားလေပြီ။

အယ်လ်ဖီ ထွက်သွားတာ သေချာတော့မှ ဖီးလစ်မှာ ဂိုဏ်းချုပ်အနားသို့ သွားထိုင်ကာ တိုးညှင်းစွာ တိတ်တခိုး အသံဖြင့် ခေါ်လိုက်သည်။

"ဂိုဏ်းချုပ်..ထလို့ရပြီ..သခင်လေးအခန်း အပြင်ကို ရောက်သွားပြီ"

ချက်ချင်းပင် ငြိမ်သက်စွာ မေ့မြောနေသော အယ်လ်ဖန်မှာ မျက်လုံးတစ်ဖက် ဖွင့်ကြည့်လာသည်။ ထို့နောက် ကုတင်ပေါ် ဖျော့တော့စွာ လဲလျောင်းနေသည်မှာ သူ မဟုတ်တော့သည်အလားပင်။

"အား..ကျွတ်စ်..ကျွတ်စ်..ညောင်းလိုက်တာကွာ..ငါအိပ်ပျော်တော့မလို့ပဲ..ကိုယ့်ကိုယ် အတင်းကို သတိကပ်ထားရတယ်"

ထို့နောက် အယ်လ်ဖန်မှာ အညောင်းဆန့်ရင်း ထပ်ပြောပြန်သည်။

"မင်းအကြံမဆိုးဘူး ဖီးလစ်"

အယ်လ်ဖန်မှာ မှောင်ခိုလောက၌ ကျင်လည်နေသည်မှာ ဂိုဏ်းချုပ်တစ်ယောက်ပင် ဖြစ်နေလေပြီး အသေးစား သေနတ်ဒဏ်ရာတို့ကို မမှုတော့ပါလေ။