الوسيط

part 1 مجرد بداية

انا صاحب العهد
انا المضل انا المفضل لدي ابليس
انا صاحب القسم الثالث عشر
انا من انُزل صنارتي بطُعم الملذات الذي تشتهيها الانفس  لكي اصتادها وتكون قربانا لإبليس العظيم

الوسيط.            ( بارت 1 )

من غير مقدمات ومن غير ماطول عليكم انا احمد عندي 21 سنه مهوووووس بالسحر والماورائيات بحب ابحث كتير ف الموضوع دااا وبما أن  السحر حرام انا قولت مش هطبق حاجه منه وهتعلم بس ، هاخد فكرة زي ما بيقولوا كدااا ، هحاول اعرف كل حاجه تخصه ، ومنغير ماعمل بيه ، يعني معرفه مش تطبيق ، بدأت بقصص بسيطة وروايات وحاجات خفيفة كدااا ،  قولت منها افهم اكتر ، ومنها اعرف ، الناس دي ازاي وصلت للتعامل مع الجن بشكل مباشر ، ازاي توصل لحديث مع الجن وتطلب منه وهو ينفذ ، بدأت القرايه ف الكتب ال بتحكي قصص وتجارب ، ومنها بدأت افهم يعني اي تسخير وخدم ، يعني ايه طلاسم وتمائم ، ولغة الجن ، أو اللغة الاكتر استخداما في الطلاسم والتسخير ، وهي اللغة السريانية ، وبدأت أقرأ أقرأ اقرا لحد ماخدت كل ال انا محتاجه كبداية ، وعرفت ازاي افك الطلسم عشان انطقه وازاي انطقة اصلا مهو مش اي كلام يتقال وخلاص ، ومن هنا بدأت اخد الخطوة التاني ، ومن القصص والروايات ، لكتب تعليم وتحضير ، ولاني مابستكفاش كان لازم اشوف الاصعب من القراية ، وهي التجربة ، حاولت اقاوم رغبتي مرة والتانية والتالته ، لاكن ماقدرتش بس المشكلة أن كتر القراية ال قرتها خالتني عندي كمية معلومات كتير وحاجات عاوز أجربها واشوف نتيجتها ، كان لازم اشوف حاجه صعبه ، حاجه مش اي حد يقدر يوصلها ، حاجه مافيهاش لعب ولا هزار ، وهنا كان السوال ، ايه الصعب الممكن تحقيقة ، مين بيحضر بس مش للكل ، مين تحضيرة صعب ، وهقدر اطلع فيه كل ال اتعلمته ، وزي ماقولت كدااا كتر القرايه عرفني ع اسامي ملوك واسامي قبائل وخدم وحاجات تانية كتير ، بس م اكتر الاسامي ال لفتت نظري (ذات المحاسن) بعيدا ع صعوبة تحضيرها ، رغم أنه هو دااا المطلوب ، أن ف اغلب الملوك والخدم والجنيات بتظهر بشكل مش اي حد يقدر يستحمله ،ويكمل معاها ، لاكني دي تعتبر من أجمل بنات ابليس ، ايوا بنات ابليس ، بتظهر ف شكل واحده ست جميلة جدااا لدرجه صعب وصفها ويمكن دااا كان سبب تاني عشان اختارها هي بالذات ، الصعب ف  تحضيرها ، أنه بيتم ف المقابر ع ضوء القمر ، بعد نقش الطلسم الخاص بيها ع الأرض وقرايه العزيمة بتتشكل قدامك ليكتمل القمر وتشوف اجمل ست ممكن تقابلها ، استنيت ليوم القمر فيه مكتمل عشان يكون ليه ضوء ، وروحت المقابر الساعه تلاته ونص بعد نص الليل يعني بعد الفجر بحوالي نص ساعه ، قعدت ف ركن وصله ضوء خفيف عشان اعرف اكتب الطلسم ع الأرض ، بدأت ف رسم الطلسم والرموز ، والطلسم  كان عباره عن مربع جوا منه دواير وبين كل دايره والتانيه شوية رموز وحروف مقلوبه ، وفي نص الدايرة الأخيرة بيتكتب الاسم الاول لإبليس باللغة السريانية ، بعد ما انتهيت م كتابت الطلسم ، بدأت اقراه العزيمة (اينوما اليش لنابو شماو شابلش شاماتوم شوما لاذكا خاض اينوما اليش لنابو شماو شابلش شاماتوم شوما لاذكا خاض )  وانا بقراها ظهرت قطه سوده ، عينها كلها شر ، بتبصلي وكأنها عاوزه تهجم عليا ، حسيت أن فيه حاجه غلط  وفكرت اوقف اكتر م مرة بس ماكنش فيه مجال للرجوع ، حاجه ترعب مش كدااا ، بس أنا كان لازم اكمل وبنفس النمط يعني لا اسرع النطق ولا ابطئه غمضت عيني وبدأت اكمل العزيمة لحد ما خلصت وم كتر الرعب ال كنت فيه من منظر القطة كنت متردد اني افتح عيني بس انا عاوز اشوف نتيجة ال حصل ، فتحت عيني براحه وانا خايف اكون فشلت ، لاكن لما فتحت عيني ، شوفت حاجه غريبه ، دي حضرت ،  دي د دي دي وقفه قدامي ، ب ب بس ايه دااا هي دي ال المفروض تحضر يعني هي دي هي  ذات المحاسن هي دي جنيه هو فيه عفريت حلوة اوووي كدااا ، ودي كانت أول جملة قولتها بعد حضورها انتي اجمل ست انا شوفتها ف حياتي بنص ابتسامه ونظرة استغراب منها ، ارتحت شوية بدأ الخوف يقل وبدأ الموضوع يبقااا عادي ، وبدانا طقوس العهد ، العهد بتاع ذات المحاسن غير اي عهد ، العهد بتاعها هو انك تتجوزها ليوم واحد بس وبعد كدااا بيكون ليك الحق تطلب ما تشاء ف حين تنفيذك للأوامر
بصراحه العرض كان مغري ماكنش يجي ف دماغي اني اتجوز واحده بالجمال دااا وبعد تنفيذ العهد ، جه وقت الجد ، قولتلها انا عاوز علم ومعرفه ومكانه محدش وصلها ، عاوز اعمل اي حاجه نفسي فيها افكر في الحاجه تحصل ، قالتلي بس المقابل هيكون كبير ، قولتلها مهما كان المقابل قالتلي انك تكون وسيط ، وسيط يعني ايه ، قالتلي يعني ال محتاج فلوس  وال عاوز يتجوز وال نفسه ف شغل ناجح ويكون عند مشروع هتساعده  قولتلها طب والمقابل ال هاخده منهم قالتلي انتا خدت المقابل وال انتا هتعمله دااا هيكون مقابل ال انتا خدته قولتلها طيب انا محتاج اعرف ايه ال هيحصل لما انا اقدملهم كل دااا ،قالت مهو انتا عشان تساعدهم فيه حاجات لازم يعملوها
الناس دي هتكون حبه الدنيا ومفضلها احنا هنديهم الدنيا بكل حاجه فيها والمقابل الآخرة لاقتني بضحك هاهاها وبقولها وهو في حد هيقبل يبيع اخرته عشان خاطر الدنيا قالتلي فيه طبعا وهو دااا دورك انتا انك توصله وتقنعه وانا هقنعه ازاي بقااا هو انا هسحرله يعني قالتلي لا الصفقة لازم تتم بموافقته ، كمان يعني ايه ازاي طيب قالتلي انتا هتشوف نقطة ضعفه ايه وايه اكتر حاجه هو محتاجها وهتعرضها عليه وتعرفوا أنها موجودة وعليها كل حاجه يطلبها هتضمنله عيشه ماكنش يحلم بيها ، فلوس وشغل وسلطه وكل حاجه وبعد كدااا هتبدا تشككه ف كل حاجه حوليه قولتلهااا تمام اوي انا كدااا فهمت كملنا حوارنا وعرفت كل الطقوس وكل حاجه منها وبدأت ادور ع اول ضحيه ( سمير ) يتبع......