الوسيط

المنتظر (part4)

حط القطه ع الأرض وعدل رقبتها وغمض عينه ودبحها بس الغريب أن دم القطة كان ماشي ف خطوط مستقيمة وكأنه فيه مجره ماشي جواها لحد مابدا يكون شكل ع الأرض لما ركزت فيه لاقيتها النجمه الداوديه ال ذات المحاسن قالت عليها اترسمت ع الأرض وبعدين لاقيت سمير اتنفض زي مايكون اتكهرب وماسك جمبه بقوله مالك قالي مش عارف حاسس زي مايكون حد بيخربش ف صدري رفعت التيشيرت بتاعه ولاقيت نفس النجمه تاني ع صدره بيقولي ايه دااا يا احمد هو فيه ايه روحت ضاحك ضحكه خفيفه كدااا وقولتله مبروك يا صاحبي دي علامه إتمام الصفقة قالي ايه يعني كدااا خلاص انا كدااا مش مطلوب مني حاجه تاني قولتله لا خلاص تقدر تروح دلوقتي ومشي سمير وعدي اول يوم وكان مافيش حاجه حصلت سمير ماتصلش وبلغني أن فيه حاجه خالص رنيت عليه عشان اطمن واعرف ان كان حصلوا حاجه ولا لا الو ايه ي بو سمر عملت ايه انهاردة ايه ي احمد انتا فين انا عاوز اشوفك قولتله انا ف البيت اهو قالي خلاص يا احمد انا جايلك اهووو قولتله طيب هو فيه حا.... لاكنه كان قفل السكه بصراحه انا قلقت لا يكون حصله حاجه وبعدين قولت كلها شويه وهنعرف ومافيش دقائق والباب خبط روحت فتحت الباب راح داخل ف ثانيه قولت لنفسي ربنا يستر ايه ي سمير حصل حاجه ولا ايه قالي ايوا حصل لاكن الابتسامه ال كانت ع وشه بتقول انها حاجه كويسه قالي انا ماكنتش متخيل أن دااا هيحصل من اول يوم طيب اهدي بس ي سمير وعرفني في ايه قالي انهارده جه واحد يصلح كهربة العربية وبعد ماعملتهاله قالي أنه مابسوط جدا من شغلي وأنه شغال سوق عربيات كبير وبيكون محتاج حد يكشف ع العربيات ال بيجيبها ولو العربيه فيها عيب ولا حاجه بيتصلح لحد ماتتباع وعرض عليا الشغل معاه وهيكون ليا نسبه كبيره كمان قولتله دي حاجه حلوه اهي ي سمير قالي لا ومش بس كدااا الصنيعي ال كان ماسك الورشه مشي وانا ال همسك مكانه وقولت لصاحب الورشة لو المرتب مابقاش الضعف انا كمان همشي ووافق أنه يزود المرتب انا كدااا هفضل شغال ف الورشه ولما يكون فيه عربيه عند الراجل هروحه واخد نسبتي قولتله الدنيا هتبدا تضحكلك اهي يا ابو سمره وفضلنا نضحك مع بعض شويه وسمير مشي وانا بقيت قاعد فرحان بال انا عملته بعد ما اطمنت ع سمير قررت ادور ع الضحية التانية لا ضحية ايه دااا بيكون حظه حلو وأمه دعياله كمان بس مين بقااا صاحب النصيب دااا ف اللحظة دي جاتلي مكالمه م محمد اخويا ال بقالي كتير ماشوفتوش رديت عليه  الو ايه يا بو حميد وحشتني والله انتا اكتر والله يا حمو ايه ي عم مافيش إجازة قريب ولا ايه قالي لا إجازة ايه انا سبت الشغل خالص ونازل اقعد جمبك قولتله هو حصل حاجه ولا ايه قالي لما اجي هحكيلك كل حاجه خلاص يابا مافيش مشاكل توصل بالسلامه وقفلت معاه ورجعت افكر تاني مين صاح.... ايه دااا طب ما صاحب النصيب جاي اهوووو استدعيت ذات المحاسن عشان ابلغها أن رقم اتنين ف الطرق لاكن لما حضرت كانت مبتسمه وكأنها عرفه بال حصل وقالتلي جهز نفسك ورتب أفكارك عشان اخوك زمانه ع وصل ابتسمت وقولتلها هو انتي عارفه كل حاجه كدااا قالتلي أنا معاك ف كل مكان بسمع وبشوف ال انتا بتسمعه وبتشوفه اهااا يعني بترقني ليه بتقول كدااا امال اقول ايه قالتلي تقول اني بحبك بصراحه انا اتصدمت وماعرفتش اقول ايه غيرت الموضوع وقولتلها اني عاوز القسم عشان مانحتجش الطلاسم تاني قالتلي تحت امرك واختفت دخلتي اوضتي عشان ارتاح شويه عشان ورايه حاجات كتير الصبح واول مافتحت الاوضه ودخلت لاقيت برديه ملفوفه ومحطوطة ع السرير مسكتها عشان اشوف ايه دي خليني اوصفلكم البرديه كانت عباره عن ايه الجلد المستخدم كبرديه كان أقرب للجلد البشري بنفس الملمس الجلد قديم وحروفه مسوده وفيه زي ندوب او اثار جروح ع البرديه من برا فتحت البرديه واتفاجات أنها مكتوبه بلغة انا اول مره اشوفه حاجه كدااا لاهي سريانية ولاهي الأشكال ال بتكون موجودة ف الطلسم الاشكال كانت عبارة ع حاجه كدااا زي الرمح ال بيكون موجود في أيدي ابليس بس مره معوج شمال ومره يمين ومره مقلوب وسهام واقواس وحاجات مستحيل حد يفهمها دخلت ذات المحاسن سالتها وانا مستغرب ايه دااا قالتلي دااا القسم الثالث عشر الخاص بيك قولتلها بس أنا مش فاهم منه حاجه قالتلي مستحيل تفهمه دااا مكتوب بخط ايد ابليس بدم بشري بلغه ماحدش يعرفها غيره ودي اول مرة ابليس يكتب قسم بنفسه قولتلها طيب ودااا انا هقراه ازاي قالتلي جرح ف العقلة الاول م السبابة ف اليد اليسري وبتمر بيه ع سطور القسم سطر سطر فهمت منها كل حاجه بخصوص القسم وشلته وطلب منه تمشي عشان عاوز ارتاح ونمت صحيت تاني يوم ع خبط محمد اخويا والازعاج ال عمله ع الباب قمت فتحت واستقبلته وفضلنا نرغي كتييييير مع بعض وعرفت منه ان مش هو ال ساب الشغل الشركه هي ال صفت كل العمال وكملنا كلامنا وفضل يسأل عن كل أصحابنا واحد واحد واول ماجاب سيرت سمير قولتله سمير كلها ايام وهتبقااا محتاج تاخد معاد عشان تقبله خد الموضوع بهزار وكملنا كلمنا وبما اني حافظ اخويا وعارف نقطة ضعفه بدأت معاه بدري بقولك ايه يا محمد عندي ليك عرض حلو مستحيل يتكرر قالي خير ي جلاب المصايب قولتله عندي ليك عروسه مستحيل تخطر ع بالك عروسه كل يوم بشكل هتشوفها بالشكل ال يعجبك كل يوم غير ال قبله وهتكون زي الخاتم ف صباعك عاوز فلوس عاوز اي حاجه هتحققهالك اي سوال تسالوا لازم تجاوبك اي حاجه عاوز تعرفها هتلاقيها قالي بستهزاء كدااا ليه ي عم هتجوزني جنيه ايوا بالظبط كدااا قالي انتا باين عليك اتجننت استني بس انتا مش هتخسر حاجه كل ستات الدنيا هيكونوا بتوعك كل يوم هتكون معاك واحده غير التانيه وممكن ف اليوم اكتر من واحده قالي يابني مين ال قالك كدااا انا جربتها ي محمد ومعايه قالي انتا بتتكلم جدا جرب مش هتخسر حاجه طيب وايه المقابل بس أنا مش هكدب عليك هي حاجه واحده بس ايه هي بقااا انك هتبيع اخ اخ اخرتك يا محمد مش بقولك اتجننت اسمع بس اسمع انتا كدا كدا بعيد عن ربنا ودخولك النار دا شي مفروغ منه يعني لا دنيا ولا آخره لاكن انا جايبلك عرض صعب يتكرر تاني انا جايبلك الدنياااا بكل نعمها كل حاجه ف الدنيا هتكون بتاعتك فلوس وأراضي وكل حاجه ومعاك جنيه هتنسيك كل ال انتا شوفته ف 25 سنه ال فاتوا إقناعه كان صعب بس اقنعته قولتله خش رايح شويه وهصحيك بليل عشان نعمل الطقوس بتاعتنا واول ما قام ودخل الاوضه ظهرت ذات المحاسن أو خالينا نقول ميرا ودااا الاسم ال انا اديتهولها وكان ع وشها فرحه ماشوفتهاش قبل كدااا مالك في ايه قالتلي أنا مش مصدقه انك بتقدر تقنعهم من اول قاعده د قولتلها دي ناس إيمانها ضعيف سهل ان الواحد يلعب بيهم وبافكارهم دخلت الاوضه بتاعتي فتحت القسم حاولت افهم منه اي حاجه دخلت ميرا وقعدت جمبي بتقولي قولتلك مش هتفهم منه حاجه اديني بحاول فضلنا نتكلم لحد ما الساعه جت واحده ميعاد الصفقه دخلت صحيت محمد وفوقته وجبت القسم وقعدنا انا وهو ع الأرض وفرضت القسم بيني وبينه اول ماشافه اتخض وقالي ايه دااا شورتله بايدي أنه يسكت لحد مانخلص جبت سكينه صغيره معايه وجرحت نفسي زي ما ميرا قالت بالظبط وبدأت امشي ايدي ع سطور القسم لاقيت شفايفي بتتحرك لوحده وبتتمتم بحاجه انا مش فاهمها ولا قادر أوقفها والدم بمجرد مابيلمس القسم بيختفي وكان القسم بيشربه ولما بدأت ف اخر سطر من القسم بدأ نور الشموع يتهز والاوضه شبه بتترج بينا ورنت حاجه حديد غريبه وعاليه لدرجه صعب ع حد يستحملها ومع وصل صباعي لآخر السطر سمعت الضحكه ال سمعتها قبل كدااا واطفت كل الانوار من جديد ونفس الصوت المجلجل تاني الان أمره بالسجود يا صاحب القسم الثالث عشر لإتمام ما بدا الان الان الان اسجد يا محمد بسرعه قالي ايه قولتله اخلص بسرعه اسجود اسجود راح نازل ع الأرض وهو بيترعش وصوت خبط سنانه من الخوف كان واصل لوداني وضحك ابليس الضحكه الاخيره ورجعت كل حاجه زي ماكانت خوف محمد خاله خايف يرفع وشه من الأرض حتي بعد مالنور رجع روحت قومته لاقيته دايخ ومش قادر يقف دخلته الاوضه ورفعت التيشيرت عشان اتاكد أن الصفقة نجحت ولاقيت النجمه موجوده خرجت وانا فرحان اووووي فوق ما تتخيلوا لاكن مش انا لوحدي ال كنت فرحان ميرا كمان كانت فرحانه ووقفه مستنياني قالتلي مبروك يا صاحب القسم انتا عملت كل المطلوب منك قولتلها فاكره طلبي كان ايه قالتلي اكيد علم ومعرفه ومكانه محدش وصلها قولتلها بالظبط انا بقااا عاوز أقابل ابليس
يتبع .....