الوسيط

الحلقة التاسعة من الجزء التاني الوسيط

لسه ما عرفتش فين غلطتك يا احمد انتا استعنت بضعيف مافيش ف ايده حاجه امنت بغير الله ضيعت توبتك ورجعت لنقطة الصفر خسرت كتير ولسه هتخسر اكتر كل ايد اتمدتلك بعون هترجع مبتورة كل حد فكر مجرد تفكير بس حتي أنه يساعدك هيتاذي اللعنة لسه مابداتش معاك ماحدش ف ايده حاجه يعملهالك طلعه برا يا شيخ عبدالله _ ايه انتا بتطردني يا شيخ سعد _ قولتلك طلعه برا يا عبدالله واطلع انتا كمان معاه ) الشيخ عبدالله جاي يسندني عشان يطلعني برا روحت زقه وقولتله ابعد عني مالكش دعوة بيا كل ال انا فيه دااا بسببك انتا وخد بعضي وطلعت برا البيت والشيخ عبدالله طالع ورايا ووراه الشيخ سعد ماسك ف ايده ازازة  فيها حاجه زي الميه بس تقيلة وفضل يرش منها قدام الباب ودخل ورزع الباب وراه انا مش عارف هروح فين ولا هعمل ايه وخايف اروح البيت بتاعي مش عارف ايه ال مستنيني هناك ومش عارف اللعنه هتبدا أمتي الف سوال جوا دماغي واهمها هروح لمين دلوقتي مين لسه مايعرفنيش اروح عنده وفجاه جه ف بالي محمود وحسين ال جابوني من عند بيت محسنه ، هما كدا كدا مايعرفوش عني حاجه اروح اعمل نفسي بسلم عليهم عشان ماشي واقعد معاهم لحد ما اشوف مكان تاني اروحه ورحتلهم بدأنا سلامات وشكل زيارتي كان ايه مع الشيخ سعد والكلام الجميل دااا ووسط الكلام جت سيرة بيت محسنه والطريق المهجور واكيد ال جابني هنا حد عارف حكاية البيت  ( بس معلش يا حسين وهي ايه حكاية البيت _ يااااه يا بو حميد دي حكاية طويلة بس احنا كدا كدا ماورناش حاجه ) صبلنا الشاي وجهزنا القاعدة وبدأ حسين يحكي ( البيت دااا كان فيه راجل من ال هم بيحبوا السحر والحاجات دي وكان بيعمل أعمال وحاجات غريبة كلها اذية للناس وكان ليه بنت اسمه محسنه الراجل دااا كان اسمه سلام هما بيقوله أنه كان متجوز واحده ست تاني من هنا من البلد وعنده منها ولدين بس ماحدش يعرف عنهم حاجه المهم سلام دااا كان عنده خدام وحاجات من دي لاكن قبل ما يموت ساب الخدام لحد من عيال وماحدش عارفه قاله أن محسنه هي ال خدت الخدام بعد ابوها ما مات لاكن ال حصل بعد موته بيقول غير كدااا _ وهو ايه ال حصل بعد موته _ استني بس خاليني اكملك _ طيب اتفضل _ سلام لما مات كانت محسنه عندها ٢٣ سنه وكانت مراته التانية حامل ومعاها عايل عنده سنتين ولما سلام مات في حدثة علي الطريق المهجور ال احنا لاقيناك فيه والطريق بقااا فيه حاجه غلط كل يوم حدثة وكل يوم واحد يموت علي الطريق دااا لحد ما اتقفل حتي البيوت ال حوالين  الطريق كل يوم فيها حالة وفاة بدون سبب لاكن بالنسبة لمحسنه بقااا ال٢٣ سنه ال عاشتهم مع سلام خلوها أستاذة وهي لسه في بداية الطريق قلبت البيت مكان للدخل والشعوذة واي حاجه تخص السحر جالها ناس من كل مكان في البلد بقت اشهر من العمدة عندنا واسمها لف كل القري والبلاد ال حوالينا وكان بيجيلها فناني ولاعيبة كورة ورجال أعمال وناس من كل الطبقات واختفت مرة واحده وكأنها ماكنتش موجودة أصلا _ ايوا بس انتا ايه ال خلاك تقول إن مش هي ال معاها الخدم _ ماتقوله يا حسين انتا حكيت نص الحكاية بس ليه كدااا _ عشان كمية القرابين ال كانت بتقدمها محسنه كانت كل يوم بتدبح تلت قطط أو طفل اقل من ٤ سنين الناس كانت بتخاف منها ومن كلمة الخدام ال معاها لاكنهم اتفقوا ع قتلها وراحلها فيوم بعد العشا وولعه في البيت فضلت تصرخ وتصوت وسابه البيت يولع لتاني يوم ولما رجعوا مالقوش ليها جثة ولا اي اثر عشان كدااا قولتلك اختفت ولو كان ليها خدام كانوا حموها واذوا الناس ال حولت تاذيها _ امال الخدام ال هو ورثهم دول راحوا لمين _ اكيد لحد من عيال مراته التانية دي _ ومين مراته التانية دي بقااا _ واحده من الضفة الغربية اسمها رقية بنت الشيخ مناع _ ايه رقية بنت مين _ بنت الشيخ مناع انتا تعرفها ولا ايه _ لالالا هو انا من هنا اصلا عشان اعرفها انا بس ماسمعتش الاسم كويس _ اسم ايه بس ال ماسمعتوش دانتا شكلك اتغير ١٨٠ درجه لولا أن انتا غريب عن البلد انا كنت قولت أنها قريتك هههههههه ) رقية مناع طب ازاي

مستنيكم