أميرة الفهد

البارت الرابع

سوري علي التأخير يا حلوين ❤️ ، يلا نكمل
______________________________________

يا ويلي تكوني ملاك وانا شطانك ❤️🌏
" في ڤيلا السيوفي"
قاعد وفاتح اللاب توب وبيشتغل وكان مركز في الشغل جدا لحد ما جالو اتصال .
فهد بصرامه هاااا
الشخص : ..................
فهد بغضب شديد وصوت عالي : يعني ايييييه ، هو انا باااعت شوية عيااااااال
الشخص : ...................
فهد بغضب شديد وصوت جوهري : يعني مدام احنا مش موجودين تبوظووووو كل حاجه ده انا هدفنكووووو صاحييييين
الشخص : ....................
فهد بغضب شديد : فتقومو تسيبو كل حاجه وتجرو زي الفراخ
الشخص : .....................
فهد بغضب شديد : انت مالك ومال حازم باشا ومالك باشا دلوقت ، طب هما تليفونتهم مقفوله ومعرفتوش توصلولهم فتخافو وتجرو زي النسوان
الشخص : .......................
فهد بغضب شديد : ده انا هخليكو تحفرو قبركو بأيديكم
الشخص : ........................
فهد بغضب شديد : يعني كان هنااااك وهو الي عمل كده
الشخص : ........................
فهد بغضب شديد : ما أنا لو باعت رجاله مكاني مكنش ده حصل ومكنوش جريو زي النسوان
الشخص : .........................
فهد بصوت جوهري وغضب شديد : لا يا اخووووويه كنتووووو وقفتو زي الرجاله وموتوهم كلهم وجبت الحاجه الي بملايين الي ضيعتوها حتي لو كان وليد وسطهم
"""""""""""""""""""""""""""""""""""""""""★
وطلع حازم ومالك يلبسوا علشان يروحوا المطعم يقابلوا البنات .
حازم : يا ساتر يارب انت عامل كده ليه في ايه
فهد بغضب شديد : الحاجه ضاعت والفلوس ضاعت
مالك : ازاي
فهد بغضب : عملو علي رجالتنا كمين والبهوات خافو وجريو زي النسوان
مالك بغضب : ده انا هدفنهم ، هما مايعرفوش الحاجه دي بكام ولا ايه دي بملايين لا وكمان يسيبو الفلوس ، انشاء الله نهايتهم علي ايدي
فهد بمحاولة الهدوء : روحو انتو ولما تيجو نشوف هنعمل ايه
حازم : متأكد ، يعني ما نقعدش
فهد : هتقعدو تعملو ايه يلا روحو زمان البنات مستنياكو
مالك : تمام يلا يا حازم
حازم : يلا
"""""""""""""""""""""""""""""""""""""""""★
انت كل ما تراه عيني وتميل إليه روحي ❤️🌏.
وطلعت البنات جهزت وراحوا استنوا الشباب في المطعم بس مليكه مكنتش مبسوطه وكانت مخضوضه علي فهد لأنو قالها انو عمل حادثه .
وصلوا الشباب وقعدوا مع البنات وكل واحد فيهم متنح للتانيه من جمالها وبالذات مالك الي كان طاير من الفرحه علشان شاف العيون الجامده تاني زي مابيسميها .
سيليا بكسوف من نظرات مالك : مش دي محفظتك بردو ؟!
مالك بتوهان في جمال سيليا : بيقولوا
سيليا بضحك : طب ابقي خلي بالك بقي بعد كده
مالك بتوهان : يارب كل مره مأخدش بالي وتقع في ايدك
سيليا اتكسفت جدا ووشها احمر وبعد كده اتكلمت
سيليا بابتسامه : احم ، شوفت ادينا اتقابلنا تاني اهو
مالك بهيام : كنت متاكد اني مش هتحرم من العيون دي
سيليا بضحك : هو انت بتجيب الكلام الحلو ده منين
مالك بتوهان : لما بشوف عيون جامده زي دي
سيليا بصت في الأرض ومابقتش عارفه ترفع راسها ، مالك صريح زياده عن اللزوم بس هي مبسوطه ماتعرفش ليه .
حازم : بقولكوا ايه ماتيجوا نطلع نتمشي شويه بدل القاعده دي
شهد بابتسامه جننت حازم : نتمشي فين
حازم : الي تؤمر بيه يا قمر
شهد بكسوف : طيب نخلص عشا وبعد كده نطلع
حازم بابتسامه سحرت شهد : ماشي يا قمر
وقعدوا الشباب والبنات يتعشوا الكل كان مبسوط اوي حازم مبسوط لانو شايف شهد قدامو وبيتكلم معاها ، ومالك مبسوط لانو باصص في العيون الي بقي بيحب يشوفها ، شهد مبسوطه أنها بتتكلم مع حازم لكن مش قادره تفسر ايه سبب فرحتها ، سيليا مكسوفه من نظرات مالك ليها بس بردو مبسوطه ، الكل كان مبسوط معادا مليكه ، كانت معاهم مجرد جسم قاعد لكن دماغها في حته تاني ، دماغها معاه ، مع الي عمل حادثه وماتعرفش حصلوا ايه ، قاعده بتفكر فيه ومضايقه أنو مش موجود ، فعلا هو مغرور وطريقتو كلها عناد وتحدي بس كانت بتتمني انو يكون موجود ، القاعده ناقصه من غير منقرتها معاه وتحديه ليها ، كانت قاعده في عالم تاني وقررت تروح .
مليكه : احم ، طيب يا جماعه انا همشي بقي
سيليا : ليه يا مليكه احنا لسه هنتمشي
مليكه : لا انا عاوزه انام اتمشوا انتوا واتبسطوا وبعد كده تعالو باتو معايا النهارده
شهد : ماشي يا قلبي خلي بالك من نفسك
مليكه : حاضر
حازم : استني طيب نوصلك
مليكه بغمزه : ياعم خليك في الي انت فيه بدل ما أخدها معايا ومخليش فيها تمشيه
حازم : لا تخديها فين قلبك ابيض 😂
مليكه : ايوه كده اتظبط ، وانت يا عم مالك اهدي علي البت شويه ، وشها بقي طماطم
مالك : اموت انا في الطماطم
مليكه بضحك : ماشي يا نحنوح 😂
مالك : 😂😂😂
مليكه : يلا تصبحوا علي خير
الكل : وانتي من اهلو
خرجت مليكه من المطعم ، مش عاوزه تروح حاسه بخنقه رهيبه وعاوزه تعد في مكان هادئ ، راحت قعدت علي النيل ، المكان الي بتحب تعد فيه لما تكون مخنوقه ولقت نفسها بتطلع تليفونها وبتتصل علي فهد .
"""""""""""""""""""""""""""""""""""""""""★
في مكان واسع شبه مهجور قاعد ثلاثه اشخاص بيتكلموا مع بعض .
مجهول 1 : ها قولتوا ايه
مجهول 2 : تمام جدا ، بس افرض اتمسك
مجهول 3 : أنا بقول نستني شويه لو فهد مسكو وضغط عليه ممكن يقول كل حاجه ونروح احنا في ستين داهيه
مجهول 1 : لا من الناحيه دي ماتقلقش خالص ، أنا مرتب كل حاجه ، فهد لو عمل ايه مش هيوصلوا
مجهول 2 : طب واحنا هنظهر أمته
مجهول 3 بضحكه سخريه : هههه لا مش احنا الي هنظهرلوا ، ده احنا هنجيبوا لحد هنا بس لما نحقق الي احنا عاوزينوا
مجهول 1 باستغراب : مش فاهم قصدك
مجهول 3 : هفهمكوا بعدين ، المهم دلوقت نعمل الي قولتلكوا عليه
مجهول 1 و 2 بغل : تمام
"""""""""""""""""""""""""""""""""""""""""★
من لديه سلطانه لا تغريه الجواري ❤️🌏.
في ڤيلا الفهد .
فهد فاتح اللاب توب بتعب وقاعد بيشتغل وفجاه تليفونوا رن وكانت مليكه
فهد بابتسامه طلعت غصب عنو : الووو
مليكه : صحيتك ؟!
فهد بابتسامه : لا صاحي
مليكه بتوتر : ك..كنت عاوزه اطمن عليك بس
فهد : الحمد لله كويس
مليكه : هو ايه الي حصل
فهد بفرحه من جواه انها كلمتوا بس مش عارف سبب الفرحه دي : مفيش يا ستي ، كنت سايق وفجاه لقيت عربيات بتضرب عليا نار فضلت احاول اهرب منهم لكن معرفتش فمكنش في أيدي حاجه اعملها غير اني انط من العربيه فنطيت
مليكه بخضه : ينهار ابيض ، اكيد في كسور في جسمك بسبب النطه دي
فهد : لا ولا كسور ولا حاجه ، دي شويه جروح بسيطه كام يوم وتخف انشاء الله
مليكه برقه اول مره تتكلم بيها لأنها بطبعها مش رقيقه : الف سلامه عليك
فهد بابتسامه : الله يسلمك ، بس قوليلي انتي مش المفروض في المطعم مع البنات والشباب علشان بتتعشوا صح
مليكه : ايوه كنت معاهم
فهد باستغراب : ايه ده ولحقتوا اتعشيتوا ومشيتوا
مليكه : لا انا سبتهم قاعدين مع بعض جوه ومشيت
فهد : ليه
مليكه : عادي ، زهقت من القاعده فخرجت قعدت علي النيل
فهد : لوحدك
مليكه : ايوه بحب اقعد علي النيل لوحدي وخصوصا أن الجو تحفه
فهد : يعني البنات قاعدين مع مالك وحازم وانتي خرجتي وسبتيهم
مليكه : اه
فهد باندفاع : طب أنا ممكن اجيلك ونتمشي يعني ولا نعمل اي حاجه بدل ما انتي قاعده لوحدك كده
مليكه كانت هتموت وتقولوا اه تعالي لكن قالت
مليكه : لا خليك شكرا ، انت تعبان
فهد : ياستي ولا تعبان ولا حاجه ، قوليلي بس انتي فين بالظبط
مليكه بابتسامه : يابني تيجي فين بس خليك ده انت صوتك اصلا تعبان هتقدر تتمشي
فهد : اصل الي عملوه ده ماينفعش
مليكه باستغراب : هما مين
فهد : البهوات الي كنتي معاهم
مليكه : عملوا ايه
فهد : زمان كل واحد فيهم قاعد بيسبل للي قداموا ويتنحنح فأنتي زهقتي ومشيتي وطبعا هما ماصدقوا علشان يبقوا براحتهم
مليكه بضحك : 😂😂😂 ، طب وانت عرفت منين
فهد بضحك : صحابي وحافظهم ، دول عشرة عمر يا بنتي
مليكه : ياعم يعملوا الي هما عاوزينوا ربنا يسعدهم
فهد : ماشي يا ست الحنينه
مليكه بابتسامه : يلا أنا هقفل بقي وهروح
فهد : ماشي بس اعملي حسابك لينا قاعده مع بعض
مليكه بفرحه : اكيد ، يلا خ..خلي بالك من نفسك
فهد بابتسامه : ماشي ، تصبحي علي خير
مليكه : وانت من اهلو
قفلوا مع بعض وكل واحد فيهم حاسس بفرحه غريبه وشعور غريب اول مره يحسوا ، مليكه ارتاحت واتبسطت أنها اطمنت عليه ولو حتي بمكالمه ، وفهد كان مبسوط اوي وكان مستغرب انبساطوا ده وكان مضايق من نفسوا
فهد لنفسوا : ايه الهبل ده هو انا مبسوط ليه ، لا لا لا مش هكرر نفس الغلطه تاني ولا هعلق نفسي بحد تاني ، اهدي يا عم فهد في ايه انت مابتتعلمش
مليكه لنفسها بفرحه : انتي مبسوطه ليه ، هتحبيه ولا ايه ، لا لا لا حب ايه وبتاع ايه خليكي في حياتك ومستقبلك احسن ، طب وفيها ايه لما أحبو يعني هو بصراحه قمر ويتحب ، يوووه روحي يا مليكه ربنا يهديكي
كل واحد بيسال نفسوا ميت سؤال وسؤال ومش لاقي اجابه أو بيحاول يهرب من الاجابه ، فهد واخد قرار انو مش هيكرر نفس الغلطه تاني ومش هيدوق نفس الوجع تاني ليه بقي مبسوط وهو بيكلمها ، هي كمان مبسوطه بس ليه ، هي واعده نفسها انها مش هتتعلق بحد ولا تحب حد دلوقت خالص ليه بقي بتتبسط لما بتكلمو .
مليون سؤال جوه دماغ كل واحد فيهم ومش عارفين يجاوبو علي نفسهم بس قررو يهربو من أفكارهم ويشغلوا نفسهم .
"""""""""""""""""""""""""""""""""""""""""★
ابتسامتك التي تاخد حيزا صغيرا من وجهك تاخد حيزا كبيرا من قلبي ❤️🌏.
في المطعم عند الشباب والبنات .
مالك : طيب يا جماعه نستأذن احنا بقي
حازم باستغراب : انتوا مين ؟!
مالك : أنا وسيليا ، هنطلع نتمشي بقي وبعد كده هبقي اروحها
سيليا بكسوف : طب ما نتمشي كلنا مع بعض
مالك : لا مع بعض ايه ، احنا عاوزين نتكلم براحتنا وهما هيغلسو علينا
سيليا بابتسامه : طيب يلا
حازم : يلا احنا كمان
شهد : هنروح فين
حازم : اي مكان انتي عاوزه
شهد : تعالي نتمشي علي النيل
حازم بابتسامه : يلا
واخد حازم شهد وخرجوا يتمشوا واخد مالك سيليا وخرجوا يتمشوا هما كمان وفضلوا كل اتنين يتكلموا ويقربوا من بعض اكتر .