أميرة الفهد

البارت الثاني وعشرون

الكل كانو بيبصو لبعض وبيبصلهم بنظرات حزن ووجع علي الحال الي هما فيه ، هما دول فهد وملكية الي اي اتنين بيحبو بعض كانو يتمنو يبقو زيهم .

فهد بحزن : أنا عاوز احميكي
مليكه بكبرياء: وانا مش صغيره واعرف احمي نفسي كويس ، واطمن أنا لو بموت مش هطلب منك مساعده ، لو انت اخر بني ادم في الدنيا الموت عندي اهون من اني اطلب منك مساعده يا...يا فهد باشا
فهد : أنا ا.........

* انت فهد

انتبه الكل علي الصوت ، لقو ست واقفه ، ست جميله ، يبان عليها كبيره لكنها جميله جدا ، انتبهوا لها ، دخلت من غير ما يحسو لأن الكل كان مشغول مع مليكه وفهد وكانو مركزين جدا في كلامهم ومخدوش بالهم من الجرس الي رن والست الي دخلت .

فهد وهو بيقوم وبيقرب من الست الواقفه : ايوه انا فهد ، حضرتك مين
_ معقول معرفتنيش ، نستني يا فهد ، السنين نستك شكلي
فهد باستغراب وتدقيق في الملامح الي متأكد أنو يعرفها : احنا اتقابلنا قبل كده صح
_ اه ، بس من زمان اوي
فهد باستغراب : زمان أمته ؟! طب ممكن تقولي حضرتك مين أنا فعلا مش فاكرك
_ أنا حنان
فهد وهو بيقرب خطوه ناحيتها : ح...حنان مين
حنان بدموع وابتسامه : في كام حنان في حياتك يا ملك الغابه
فهد وهو بيرجع لورا بصدمه شديده : م..م..ملك الغابه ؟! ل..ل..لا لا اكيد مش انتي ، ا...انا فاهم غلط صح
حنان وهي بتقرب منو وبتحاول لمس وشو : لا انا يا فهد
فهد وهو بيبعد وبيرجع لورا : ا..ا..ابعدي ا..ا..ابعدي ، م..مش انتي ا..ا..ا..اكيد في حاجه غلط ل..لا لا
حنان بدموع وتوسل : ا..ا..اسمعني بس وبعدين اعمل الي انت عاوزو
فهد بصدمه شديده ودموع وهو بيبصلها : ل..لا ل..لا ا..اكيد مش انتي ل..لا ، وكمل وهو بيهز راسو بنفي : ل..لا لا م..مستحيل ، مستحيل ، ا..ا..امي
البنات بصدمه شديده : مييييين ؟!!!
مالك بصدمه وتذكر : ملك الغابه ؟!
Flash Back .
فهد بابتسامه واسعه : ديما كانت تناديني ملك الغابه ، اللقب ده مكنش حد يعرفو غيري انا وهي
مالك بابتسامه : ملك الغابه
فهد : كنت شبهها في كل حاجه ، وكنت شجاع زيها وكانت تقولي أنا كنت شجاعه زيك كده وانا صغيره
مالك بابتسامه : الله يرحمها يا حبيبي
فهد بحزن : ياريتها كانت موجوده يا مالك ، كان زمانها شالت عني كتير ، كان زماني بترمي في حضنها لما يحصل اي حاجه ، كان زماني بنام علي رجلها وتلمس شعري بحنيه زي العيل الصغير ، ياريتها كانت موجوده
مالك : الي راح مابيرجعش يا اخويا
فهد بحزن : عارف والله بس مقهور عليها ، مش قادر انسي اليوم الي شوفتها فيه غرقانه في دمها وانا مش عارف اعملها حاجه ك..كنت صغير ، صورتها مابتفرقش عيني ابدا ، كأن الي حصل ده حصل امبارح مش عارف ومش قادر أنساه
Back .
فهد بدموع شديده ونفي : ل..لا لا لا ، ا..ا..ازاي ، ا..ا..انتي ماموتيش ، ط..طب كنتي فين كل السنين دي وليه سيباني ، و......
حنان وهي بتقرب منو بدموع : ا..اسمعني يا حبيبي
فهد وهو بيرجع ورا : م..ماتلمسنيش ، م..ماتتكلميش ، م..مش عاوز اسمع حاجه ، م..ماتتكلميش
حنان بعياط شديد : اسمعني بس والنبي ، والنبي خلوه يسمعني ، قولو حاجه ، ط...طب بص اهدي وتعالي نقعد وبعدين هفهمك كل حاجه ، ك..كان غصب عني والله اني اسيبك والله العظيم غصب عني ، كان غ..غصب عني اسيبهم يعملو فيك كده و..........
فهد بذهول : ي..ي..يعني كنتي عارفه الي بيعملوه وكنتي عارفه التمثيليه دي من اولها ، غصب عنك ؟!!! تسبيهم يعملو كل ده وانتي واقفه تتفرجي وجايه تقوليلي غصب عنك ا...ا.........