أميرة الفهد

البارت الخامس

عبد الرحمن ( واحد من رجاله فهد ) : الحقنا يا فهد باشا المصنع الجديد بيولع
فهد : اييييه ؟! ازاي والحراسه الي واقفه عليه فين
عبد الرحمن : احنا جالنا مكالمه من شخص غريب ولقيناه بيقول عرفوا فهد السيوفي أن دي تاني قرصت ودن وقفل في وشنا ولما جينا نتصل تاني لقينا التليفون مقفول فروحنا المصنع علطول ، لقينا الحراس مرمين علي الارض والمصنع والع مفيهوش حته سليمه وبقي علي الارض
فهد بغضب وعصبيه : ده انا هطلع عينكوووو ، انت عارف انا دافع كام في تأسيس المصنع ده اقفلللل
عبد الرحمن : يا فهد باشا احنا ملناش ذنب ولا احنا ولا الحراس
فهد بعصبية وزعيق جامد : غور في داهيه أنا جااااي وبعدين بص لمليكه واتكلم : كنت عارف اني مش هقولهالك كده بالساهل لازم حاجه تحصل
مليكه : هو في ايه
فهد : أنا لازم امشي في مشكله كبيره في الشغل ، أنا آسف والله لكن مقدرش استني
مليكه بابتسامه : ولا يهمك ، يلا روح انت علي شغلك وانا هروح
فهد : لا هوصلك الاول
مليكه بكسوف : طب يلا
وخدها فهد وركبوا العربيه علشان يوصلها ، وكان سايق وهو بيتكلم في التليفون .
فهد : انت فين
مالك : بوصل سيليا
فهد : تعلالي علي المصنع الجديد بسرعه
مالك : ليه
فهد : المصنع اتحرق
مالك : اييييه ؟! اتحرق ازاي وأمته
فهد : مش وقته وصل سيليا وتعالي علي هناك علطول وكلم حازم يجيلنا
مالك : ماشي سلام
فهد : سلام
"""""""""""""'""""""""""★
مليكه : بحس انك بتتحول
فهد باستغراب : بتحول ازاي يعني
مليكه : يعني من شويه كنت مبسوط وبتضحك ، ودلوقت متعصب ومش طايق حد
فهد : أنا حياتي الشخصيه الحاجه والشغل حاجه تانيه
مليكه بابتسامه : ماشي
فهد : يلا وصلنا
مليكه : ماشي أنا هطلع انام بقي تصبح علي خير
فهد : وانتي من اهلوا
مليكه بكسوف : ا..ابقي طمني عليك لما تخلص شغل
فهد : ماشي
مليكه بكسوف : سلام
فهد بابتسامه : سلام
ومشي فهد بعربيتوا وغضب الدنيا فيه وراح عند المصنع واول ما وصل لقي حازم ومالك واقفين بيزعقوا ومالك ماسك راجل من الرجاله من قميصوا .
مالك بزعيق وصوت عالي : وانتوا كنتوا فييين ، بنديكوا فلوس علشان اييييه ، علشان نيجي نلاقيه علي الارض ده انا هوديكوا في ستين داهيه
فهد : سيبوا يا مالك
حازم : لا مش هيسيبهم ، دول لازم يتربوا ، احنا خسرنا كتير جدااااا
فهد بهدوء ما قبل العاصفه : أنا قولت سيبهم
مالك وحازم سابو الرجاله ووقفوا جنب فهد ، فهد قرب خطوتين من الرجاله الي كانت واقفه مرعوبه من منظر فهد ، الكل عارف ان الهدوء ده بعدو عاصفه وشديده كمان .
فهد بهدوء وهو واقف قدام راجل من الرجاله : هاا هتقول علطول ولا اخليك تقول بطريقتي
"""""""""""""""""""""""""""""""""""""""""★
في مكان شبه مهجور واقف مجهول 3 مع شخص هو عارفوا كويس .
مجهول 3 : ها حصل ؟!!!
الشخص بثقه : طبعا حصل وهما دلوقت هناك عند المصنع مش عارفين يعملوا ايه في المصيبه الي هما فيه
مجهول 3 : ورجالتوا ؟!
الشخص بثقه : مش هيتكلموا لو عمل فيهم ايه ، أنا متفق معاهم انهم يقولوا أن في ناس اتهجمت عليهم وضربوهم وبعد كده دخلوا حرقوا المصنع واداتهم مبلغ كبير علشان لو ضربهم ولا عمل فيهم حاجه مايتكلموش
مجهول 3 : طب وانت مخلتش رجالتنا يضربوهم بجد ليه
الشخص : دول رجاله فهد السيوفي يعني رجالتنا ولا حاجه قصادهم ، فقولت أمن نفسي احسن واخليهم يدخلوا يولعوا في المصنع من غير ما حد فيهم يتأذي
مجهول 3 : برافو عليك عجبني تفكيرك روح انت دلوقت ولو في جديد كلمني
الشخص : تمام
""""""""""""""""""""""""""""""""""""""""★
في محزن كبير جدا ، قاعد فهد وحاطط رجل علي رجل بثقتوا وهبيتوا المعتادة وحازم ومالك واقفين جنبوا .
فهد : هاااا تتكلموا دلوقت ولا أخليهم يكملوا عليكوا
عبد الرحمن ( واحد من الرجاله ) بتعب من الضرب : يا فهد باشا أنا مليش ذنب والله أنا جالي تليفون من شخص وقالي ان المصنع اتحرق فكلمتك يا باشا ، هو ده الي حصل والله
فهد : وانا بقي عيل علشان اصدق الكلام ده ، ده انا فهد السيوفي فووووق يالاااااااا
عبد الرحمن : يا فهد باشا اديك جيت وشوفت بنفسك الرجاله وهي مرميه علي الارض
فهد بسخرية : يا حرااام ، وهوووو الي مرميييييي علي الارض يا روووووح اممممممك بيبقوا مرمين ومفيش في جسمهم خدش ، اييييييه اغمي عليهم من الصدمه ، ولا ايه يا محمود ، اغمي عليك من الصدمه يا حبيبي لا سلامتك
محمود برعب وتوتر : ي..ي...يا فهد باشا ا...........
فهد وهو بيقف وبيتكلم بصوت جوهري : اييييييه هتقووووول ايه ، حفظكواااااا ايه يا ولااااااااد الكلللللب ، ادوكوا كام علشان تدخلوووووهم المصنع ، ده انا هدفنكوااااا هنا
احمد بخوف وترتر : ي..ي..يا باشا احنا اتغفلنا
فهد : واتغفلتوووو ازاي بقي يا روح ماما ، ده انتوا جسمكوا مافيهوش خدش يعني لو قولنا مثلا جم وضربوكوا ودخلوا ، كنا قولنا ماشي غفلووووهم ، إنما محدش لمسكوا يبقي داخلين بمزاجكووووو
الرجاله كلهم أتوتروا وخافوا ، فعلا محدش لمسهم وهما كانوا مرمين علي الارض مجرد تمثيل مش اكتر ، بس نسيوا أن ده فهد السيوفي .
فهد : هاااا هتنطقواااااا ولا لا ، بدل ما اقسمممم بالله هدفنكوا هنا ومحدش هيعرفلكوا طريق ، انطق يااااااض منك ليه
شادي بتعب وخوف : ا..انا هقولك يا فهد باشا
فهد قرب ناحيه شادي ( واحد من الرجاله ) ومسكوا من هدوموا
فهد : قوووم اقف قدامي كده واسترجل وقولي ايه الي حصل
شادي بخوف وتعب من الضرب : بص يا فهد باشا احنا كنا واقفين بنحرس المصنع زي كل يوم ، وفجأه دخل علينا واحد مانعرفوش وعرض علينا اننا نسمح لرجلتو يدخلوا المصنع مقابل مبلغ ، في الاول كلنا رافضنا خوفا من حضرتك ، وبعد كده فضل يعلي المبلغ ف...ف....
فهد بزعيق : ف اييييييه ، انطق
شادي بخوف : فضعفنا بصراحه قدام الفلوس لانو قال مبلغ كبير جدا ، وقال انو هيدي كل واحد فينا شقه غير المبلغ ، ف..فوافقنا ودخلنا الرجاله المصنع وبعد كده قالنا اترموا علي الارض علي اساس انكو اتضربتوا واتغفلتوا علشان حضرتك ماتعملناش حاجه ، بس حضرتك طلعت اذكي منو وعرفت أننا كنا بنمثل ، بس ، والله العظيم هو ده كل الي حصل ، والنبي يا باشا ماتأذينا
فهد : الراجل ده لو شوفتوا تعرفوا ؟!!!!
شادي : ا..ا..اه ب...ب...ب..بس مش هنعرف نوصلوا
فهد : ليه يا اخويه ، مش في زفت كاميرات متركبه قدام المصنع
شادي بخوف شديد : م..ماهو ا..اصل.....
فهد : اصل ايه يااااض ما تتكلم
شادي بخوف : اصلو خلانا نعطل الكاميرات قبل ما ندخل
فهد : خلاكو تعطلوها قبل ما تتدخلوا ، معني كده أن الكاميرات جابتوا وهو واقف بيتكلم معاكو
شادي بخوف شديد : ا..ا..ايوه بس احنا ادينالو هاردات الكاميرات كلها قبل ما يدخلوا
فهد بغضب شديد : ده انا هدفنكو صاحين يا ولااااااد الكلللللب
حازم : اهدي يا فهد ، حد فيكو معاه نسخه تانيه من الهاردات دي
الرجاله : .............
حازم : ماتنطقوا بدل ما اخليه يخلص عليكوا
حسن : ف..فهد باشا
فهد بعصبية : يادي فهد زفت ، نعم ، ماتنطقوا علطول انتوا ايه مابتجوش غير بالتهديد
حسن : ب..بصراحه انا عارف رقم عربيتوا
فهد بغضب : نعمممم وساكت ليه كل ده ، قول بسرعه
حسن : الرقم ......... ( وقال الرقم )
طلع فهد تليفونوا بعصبيه شديده واتكلم .
فهد : 10 دقائق وتقولي العربيه دي فين
الشخص علي التليفون : حاضر يا فهد باشا
وعدي 10 دقائق وجيه لفهد اتصال .
الشخص : ايوه يا باشا العربيه دي موجوده في.... ( وقال المكان )
فهد : طب ده مكان عام ولا بيت
الشخص : علي حسب الي وصلنالو هي ڤيلا والعربيه مركونه فيها
فهد : تمام سلام
الشخص : سلام
فهد : يلا يا حازم
حازم : عرفت مكانها
فهد : ايوه ، يلا
مالك: استنوا هاجي معاكو
فهد : لا خليك انت مع الزباله دول وبعدين وجه كلامو للرجاله بغضب : اعرف بس مين الي ورا الموضوع ده وبعدين هوريكوا النجوم في عز الظهر علشان تعرفوا ازاي تخونوا فهد السيوفي
وخرج فهد ومعاه حازم وأصر أنو يروح من غير حراسه وساب مالك مع الرجاله .
مالك بضحك : عجبكوا منظركوا كده 😂
شادي بخوف : ه...هو ممكن يموتنا
مالك : لا بص انت المفروض تكون اذكي من كده شويه ، انت شغال مع فهد بقالك كتير يعني المفروض تكون عارف انو هيدفنكوا صاحيين علشان انتوا عارفين مين فهد السيوفي وعارفين انو اكتر حاجه بيكرها في حياتو هي الخيانه
شادي : يا باشا والنبي ماتخلهوش يأذينا أنا عندي ابن عاوز اربيه
مالك : وابنك بقي عارف ان بابا خاين ، ايه يا حوده ساكت ليه يا حبي ده انت هيتعمل منك بطاطس محمره ، يالهوي علي منظرك وهو بيقولك اغمي عليك من الصدمه ، ياااختي كنت مسخره 😂
محمود بخوف : احنا عارفين انناا غلطنا ، بس والله غلطه ومش هتتكرر تاني
مالك بضحك : لا ماتقلقش انت كده كده مش هتلحق تكررها تاني 😂
"""""""""""""""""""""""""""""""""""""""★
في شقه مليكه كانوا البنات بايتين مع بعض .
سيليا بفرحه وجنون : قالي بحبك اااااااااه مش مصدقه ، وعدني انو مش هيسبني ابداااااا ، أنا بموووت فيه
شهد بفرحه : قالي بحبك يا جدعااان يالهووووي قالي بحبك اااااااااه م........ ، ماتركزي معانا يا زفته انتي وسيبي التليفون ده من ايدك
مليكه وهي ماسكه الفون وبتتصل بحد : هشششس اسكتي بقي انتي وهي صدعتوني
سيليا : انتي بتكلمي مين ياختي شاغلك أوي كده
مليكه : بكلم فهد
شهد بغمزه : ايوه بقي 😉 ، هو قالك بحبك انتي كمان ولا ايه
مليكه : لا ياختي الحظ ليه ناسو ، وانا نحس اصلا ، كان لسه هيقولها تليفونوا رن وتقريبا كده عندو مشكله جامده في الشغل اتعصب اوي ومشي وانا برن عليه من الصبح مابيردش
سيليا : يالهوي أنا حاسه اني هموت قبل ما الواد ده يقولك بحبك ، ده انتي حبتيه من اول يوم
شهد : فاكره يابت يا سيليا اول يوم شافتوا ، فاكره لما روحنا ودخلنا الاوضه قالت ايه
سيليا وهي بتقلد مليكه بحركتها وطريقة كلامها : بحبو يا ناس بحبو يا عالم بحبووووو ، هو اه بارد وانا مش طيقاه بس بحبووووو
مليكه بضحك : أنا بتكلم كده
سيليا : ايوه
مليكه : اه بحبو وبموت فيه كمان من اول يوم اتقابلنا ، كان هيقولها النهارده بس انا منحوسه
شهد بتوهان : اااااه ، اول مره احس اني محظوظه اوي كده ، معايا احن واحسن واحد في الدنيا
سيليا بتوهان : عوض ربنا ده حلو اوي
مليكه بغيظ : اسكتوا بقي عاوزه اطمن عليه ، اخرسوا شويه ، ادخلي حبي فيه جوه انتي وهي ياختي
شهد بضحك : مفروسه 😂
سيليا بضحك : ومتغاظه 😂
مليكه بغيظ : ناس يتقلها بحبك وناس هتموت من القلق رد يابني بقي ، وبعدين اتكلمت بحنيه : رد يا حبيبي
سيليا وشهد في نفس واحد بصوت عالي : العببببببب
مليكه : اخرسواااا
وفضلت مليكه ترن علي فهد كتير جدا لانها قلقانه عليه .
"""""""""""""""""""""""""""""""""""""""""★
عند فهد وحازم .
وصلوا قدام فيلا كبيره جدا .
حازم : هي دي
فهد : ايوه هو ده العنوان الي الواد قالي عليه
حازم : طب يلا
فهد : يلا
ودخلوا فهد وحازم الفيلا .
واحد من الحراس : نعم
فهد بغرور : فهد السيوفي
الحارس بتوتر : م..مين ؟! ، اتفضل يا باشا
فهد : الي مشغلكوا جوه
الحارس : ا...ايوه ، هديلوا خبر أن حضرتك عاوزوا
فهد : لا لا ماتديلوش خبر ، أنا هدخلو بنفسي ، يلا يا حازم
ودخلوا فهد وحازم جوه الفيلا لحد ما لقوا شخص واقف بضهروا وحاطط ايدوا في جيبه وبيتكلم في التليفون .
فهد بجده وصرامه : اهلا بالي عاوز يأذيني
الشخص وهو بيلف : م...... ، فهد
فهد وحازم بصدمه : انت ؟!!!!!!!!!!!!
الشخص بتوتر : ا...ا...انت بتعمل ايه هنا وعرفت عنواني منين
فهد : مش انت اسلام ، صاحب عمي سالم
اسلام بتوتر : ا..ايوه
حازم بصدمه : طب و..وانت ايه علاقتك بالي حصل في المصنع
اسلام بتوتر شديد : م..م..مصنع ايه ، أنا معرفش انتوا بتتكلموا عن ايه وبعدين لو سمحتو اطلعوا بره ماينفعش تتهجموا علي بيوت الناس كده
فهد بهدوء وهو بيقرب منو : هو انت لسه شوفت هجوم ، يعني انت الي ورا الي حصل في المصنع
اسلام بتوتر وخوف : م...مصنع مين أنا معرفش اي حاجه عن المصانع بتاعتك
فهد : وانت بقي يا حلو عرفت منين اني هكلمك علي المصنع بتاعي
اسلام بتوتر : م..ماهو انت الي قدامي يبقى اكيد المصنع يخصك
فهد بزعيق : ده انا هطلع عين امك ، بتحرقلي المصنع لييييه ، انت تعرفني منين ده انا مجرد ابن اخو صاحبك ، عاوز تأذيني ليه وايه الي يخليك تعمل كده .
اسلام بسخريه : هههه ابن اخوه ! ، بص يا عم الفهد أنا مابخفش ومابتهددش.......
فهد : لاااااااا ، ماتبقاش شرس كده اصل الي هوريهولك مش شويه ، حااازم
حازم : نعم
فهد : رن علي الرجاله يجوا يخدوه ويرموا في المخزن ويتمنع من الاكل والشرب لحد ما اشوف هعمل معاه ايه
حازم بصرامه : تمام يا فهد
ورن حازم علي الرجاله وجم وكتفوا اسلام وخدوه علشان يرموه في المخزن زي ما فهد أمر .