أميرة الفهد

البارت الحادي عشر

وصديق يفهمني خير من مدينه بأكملها ♥🌎
مشي فهد من المحزن بعد ما سمع كلام حسام ورجع القصر ، دخل القصر بمليون شعور جواه ، ما بين غضب وصدمه وعدم استيعاب ، واول ما وصل لقي حازم ومالك قاعدين مع بعض ، مالك بيتفرج علي التليفون وحازم قاعد علي اللاب توب واول ما شافو فهد استغربو شكلو ، علي وشو علامات الغضب وعلامات كسره وحزن ، استغرو شكلو
جدا .
مالك باستغراب : في ايه ؟! ، مالك عامل كده ليه ، وبعدين انت كنت فين اصلا
ماردش علي مالك ، كان باصص لحازم ، باصصلو بتركيز ، ماشلش عينو من عليه ، حازم استغرب الطريقه الي بيبصلو بيها .
حازم باستغراب : انت بتصبلي كده ليه
فهد بغضب : يعني مش عارف ليه
حازم باستغراب : لا معرفش ، هو في ايه ؟!
فهد بغضب وزعيق وهو بيمسك حازم من قميصو : مش عارف ليه يا اخويااااا ، مش عارف ليه يا صااااحب عمرررري ، يوم ما تاذي تأذيني اناااا ، ليه يالااااا ، أنا عملت فيك ايييييه ، أذيتك في اييييه
حازم بزعيق و عدم فهم : ياااعم نزل ايديك ، أذي ايه وبتاع ايه ، أنا أذيتك في ايه
فهد بزعيق وعصبيه : مش عارف أذيتني في ايه ، لا عااارف وعاااارف كويس اوووي كمان
مالك بصوت عالي : بسسسس اهدوو ، انتو هتمسكو في بعض ولا ايه ، اهدي يا فهد وفهمنا قصدك ايه
فهد بزعيق وعصبيه شديده : هو عااارف انا قصدي ايييييه ، تبعتلي شاب قبل كتب الكتاب بتحاليل وتقولو تديهالو قبل ما يكتبو الكتاب علشان الفرح يبوظ واحرق قلبهم علي بعض ، لا واييييه جاي تقولي أنا مسكتلك الواد علشان تشوف هتعمل معاه ايه ، طب ومسكتووو ليه يا اخوياااا ، جزء من خطتك ولا علشان تخليني ما اشكش فيك ، ما تتكلمممم ساااااكت ليييييه

حازم كان واقف مذهول من الكلام الي فهد بيقولو ، ازاي يفكر مجرد تفكير بس انو ممكن يعمل كده ولا ممكن يأذيه اصلا ، اتصدم من كلامو كأنو شايف شخص تاني غير صاحبو الي يعرفو .

حازم بصوت عالي : واضح أن حبك لمليكه جننك ، ايه الهبل الي انت بتقولو ده ، تحاليل ايه الي انا بعتها ، انت اتجننت ولا ايه ، جبت الكلام العبيط ده منين
فهد بزعيق : الواد الي انت بعتوا هو الي قال كل حاجه ، طب يا اخي كنت نقي حد مسترجل مايعترفش من اول علقه ، إنما ده رخيص شبهك
حازم بزعيق : ولاااا ماتجننيش ، أنا مابعتش حد ، وانا هأذيك ليه واشمعنا دلوقت الي هأذيك ما احنا بقالنا سنين مع بعض هفكر أذيك دلوقت
فهد بزعيق : والله أسأل نفسك ، اصل الواطي وقليل الاصل مستني منو اي حاجه في أي وقت
حازم بصدمه وزعيق : واطي وقليل الاصل ؟!!! ، قولتلك كدب ، أنا مابعتش حد ومعملتش حاجه ، مش يوم ما افكر أذي حد أذيك انت
فهد بزعيق : وهو الواد هيستفاد اييييه لما يكدب مش هيستفاد حاجه ، إنما أنت هتستفاد كتير
حازم بزعيق وصوت عالي : وهستفاد اييييه بقي يا اخووويااا
فهد بزعيق وصوت جوهري : هتستفاد انك هتوقعني لانك عارف ومتأكد أن مليكه نقطه ضعفي ، فهقع فأههمل في شغلي ، فتزود أسمهك في الشركه ويبقي ليك النصيب الأكبر فيها أو تخرجني أنا منها خالص
مالك بصدمه : فهد
فهد بزعيق : بلا فهد بلا زفت ، مش ده الي انت عاوزو يا حازم
حازم بعد استيعاب : يا اخي ملعون ابو الفلوس علي ابو الشراكه الي تخليني اعمل كده واخون العيش الملح ، انا مش هرد عليك أنا هسيب الايام تثبتلك اني مظلوم وساعتها وجع ضميرك هيبقي اقوي من اي رد أنا هردو عليك ، ومن النهارده يا فهد ولا ليك دعوه بيا ولا عاوز اعرفك تاني ، أما بقي بالنسبه للشراكه الي بينا فهنفضها وهنصفي حساباتنا وكل واحد مننا في طريق ، أنا ماشي ومش داخل بيتك تاني ولا عاوز اشوف وشك تاني
مالك : يا حازم استني بس
سليم وهو داخل من الباب : في ايه صوتكو عالي ليه
مالك : احضرنا يا عمي سليم ، ماسكين الاتنين في بعض
سليم : في ايه ، ايه الي حصل
حازم : مفيش حاجه حصلت أنا ماشي
سليم : حازم استني ، ماتفهموني في ايه
حازم بصوت عالي : ابنك شكلو اتجنن ومبقاش عارف يفرق بين الي بيبحبو والي بيكرهو وعاوز يأذيه ، أنا ماشي ومش دخلهالك تاني
ومشي حازم .
سليم : أنا مش فاهم حاجه ، هو فهد مزعل حازم ولا ايه
مالك : اطلع انت يا عمي سليم ماتشغلش بالك
سليم : مالك يا فهد ساكت ليه ، ماتقولي في ايه وحازم مالو
فهد : مفيش حاجه يا بابا ، اطلع انت
سليم : ماشي ، أنا طالع
فهد : ماشي