ومكنتش اعرف قلبي هيحبك كده ❤🌎
واقفه بتسمع كل كلمه منو بدموع وتأثر ، قد ايه هو شاف في حياتو ، قد ايه اتعذب ، وعرفت سبب قسوتو
مليكه بدموع : وانت استحملت ده كلو ازاي ، وازاي عايش عادي كده
فهد بابتسامه : علشان أنا فهد السيوفي عمري ما أبين ضعفي لحد
مليكه بدموع : مش قادره اصدق ، انت لسه 30 سنه وشوفت كل ده ، ط..طب ويوم الحادثه لما كنا راجعين من الاجازه ، كانت حادثه عاديه ولا حد السبب فيها
فهد : يعني نقدر نقول عليها حادثه بس هي مش حادثه ، دول ناس كانو بيضربو عليا نار
مليكه بصدمه : ليه
فهد : لوكه ، انا ليا أعداء كتير اوي ، طمعانين فيا فطبيعي هيحصل اي موقف زي ده
مليكه بتقطع : ب..بس انا كده عمري ما هكون مطمنه عليك
فهد بابتسامه : أنا ديما معايا حراسه شخصيه ، ولما حصل الي حصل كنت لوحدي ، يعني طول ما حراسي معايا محدش يقدر يقربلي ، وبعدين ده انا الفهد مش هعرف احمي نفسي ولا ايه
مليكه بدموع وابتسامه : ربنا يحميك من الاذي ويبعد عنك اي حاجه وحشه
فهد بابتسامه : طب ايه ؟! ، أنا لسه قايلك بحبك وطلبت ايدك مش هتردي عليا ولا ايه ، وماتقوليش هفكر بقي وحركات البنات دي ، انتي اصلا هتموتي عليا
مليكه وقفت قدامو بعند وتحدي : وانت جايب الثقه دي كلها منين
فهد بعشق : منك يا ملاكي ، من عشقي ليكي
مليكه بحب : وانا بموت فيك
فهد بابتسامه : يعني موافقه
مليكه بكسوف : ايوه
فهد : خلاص احنا نكتب الكتاب علطول مفيش بقي جو الخطوبات ده ، وهعملك فرح ماتعملش في مصر كلها
مليكه بسرعه : لا كتب كتاب ايه ، احنا نتخطب الاول
فهد : ليه يا مليكه ، أنا بحبك وانتي بتحبيني ما نتجوز علطول
مليكه : أنا أقصد يعني نتخطب فتره علشان نعرف بعض اكتر
فهد بغضب : هو انتو كلكو حافظين نفس الكلام
مليكه باستغراب : كلنا مين
فهد بغضب وعصبيه : انتوا البنات ، قالتلي كده بردو نتخطب يا فهد الاول علشان نعرف بعض اكتر ، انتيلنا اتخطبنا بس هي كانت عاوزه الخطوبه لحاجه تانيه
مليكه : انت بتقريني بيها يا فهد ، متخيل اني ممكن اعمل زيها
فهد وهو باصص في الأرض : أنا مابقرنش حد بحد براحتك يا مليكه اعملي الي انتي عاوزاه
حست بوجعو ، عرفت انو خايف أنها تبعد عنو زي البنت التانيه ، وقررت انها مش هتضغط عليه .
مليكه بابتسامه : انت راحتي ، خلاص ماتكشرش كده بيبقي شكلك وحش ، خلاص انا موافقه يا عم نكتب كتب الكتاب علشان احصل عليه
فهد باستغراب : تحصلي علي ايه
مليكه بغرور زي فهد : لقب حرم الفهد
فهد بعشق : انتي خلاص اخدتي لقب أميرة الفهد ، بحبك يا أميرتي
مليكه بحب : وانا كمان بحبك اوي
فهد : طيب ، تحبي بقي تباتي النهارده هنا والصبح نرجع مصر ، ماتخفيش لو حابه تباتي هنا هحجزلك فندق كامل ليكي لوحدك
مليكه : معليش عارفه اني هبقي غلسه لو طلبت منك كده ، بس معليش عاوزه ارجع مصر النهارده ، ماينفعش ابات بره البيت
فهد بابتسامه : خلاص ياستي انتي حره ، كلها اسبوع وتبقي مراتي واخدك معايا في كل مكان
مليكه بصدمه : ايه ؟! اسبوع ، انت مستعجل اوي كده ليه
فهد : ايوه مستعجل اوي ، كتب الكتاب والفرح الاسبوع الجاي هااا قولتي ايه
مليكه : ب.......
فهد وهو حاطط إيدو في جيبو وبيبتسم : بس ايه يا ملاكي
مليكه بضحك : أنت بتثبتني يعني ؟! 😂
فهد : ها قولتي ايه يا عروسه
مليكه بكسوف : موافقه
فهد : ايوه كده ، انا عارف أن باباكي ومامتك متوفين الله يرحمهم ، علشان كده طلبت ايدك منك انتي ، لو ليكي اي حد كبير عم أو خال مثلا قوليلي علشان اطلب ايدك منو
مليكه وهي حاطه رأسه في الأرض : لا مليش حد
فهد وهو بيرفع رأسها : ليكي فهد السيوفي ، أبوكي وامك واخوكي وحبيبك صح ولا ايه
مليكه بابتسامه : صح ومليون صح كمان
فهد : طب يلا ، هاخدك بقي علي مكان كده لحد ما الطياره تجهز
مليكه بفرحه : هنروح مكان حلو زي ده ؟!!
فهد بابتسامه : اه يا ملاكي
مليكه بفرحه : ماشي يلا
فهد : يلا
أنت تقرأ
أميرة الفهد
Romansأحبته بل عشقته وعشقت غروره الذي يكرهو الجميع وأدمنت غموضه وأحبت ان تعرف الكثير والكثير ، اصبحت هي ملجأه وأمانه ومصدر قوته ونقطة ضعفو وفتحت قلبه بعد ما اقسم ان لا يفتحه مرة أخري ويذوق من نفس الكأس مرة أخري ولكنها فتحته واصبحت تسكنه ولكن سيظهر شئ سيغ...
