أميرة الفهد

البارت العاشر

هي علمتني كيف يكون الحب وأنا سأعلمها كيف يدوم ♥🌎
فضل يتكلم بعياط شديد علي حبيتو الي ضاعت منو ، وفجاه تليفونوا رن .
فهد بضعف وصوت مبحوح من العياط : مين
الشخص : قولتلك مش هخليك تتهني بيها يا فهد يا سيوفي
فهد وهو قايم من مكانو بسرعه : انت مين ، اقسم بالله العظيم لاوصلك ، انت مفكر اني هصدق الفيلم الي انت عملتو ده ، بص ، انت اكيد عرفني كويس وعارف أنا مين ، اقسم بالله العظيم أنا يوم ما هعرف انت مين ماهخليك تعيش ثانيه زياده
اتكلم بقوه وجبروت عكس الضعف الي كان فيه .
حازم : مين ده وفيلم ايه انا مش فاهم حاجه
فهد : أنا هفهمكو
وحكالهم فهد كل المكالمات الي كانت بتجيلو من المجهول .
فهد : ممكن يكون هو الي مرتب ده كلو علشان يبعدني عنها صح
حازم : بقي فهد السيوفي هو الي بياخد رأينا وبيسالنا كمان
فهد : هههه ، فهد السيوفي وقع ، حصونو انهارت
حازم : لا مانهارتش ، هترجعلها ، اكيد في لعب في الموضوع ده وهنوصل للحقيقه في اسرع وقت
فهد : طب والتحاليل يا حازم
حازم : ايه يا فهد انت ايه الي حصلك ، ده انت دماغك ذريه يا اخي بقي انت الي بتقول كده ، تحاليل ايه يا فهد ما ممكن تكون مزوره او ملعوب فيها
فهد وهو بيرجع راسو لورا : مش عارف افكر أنا حاسس اني تايه
حازم : ساكت ليه يا مالك
مالك : معاكو اهو ، بسمعكو
فهد : هعمل مكالمه بره وجاي
مالك : ماشي
وخرج فهد يتكلم بره .
حازم : انت مسهم كده ليه ياض
مالك بتعب : مش عارف ، حاسس اني تعبان ، مش عارف اخد نفسي
حازم : لا وحيات امك امسك نفسك شويه ، هو مش ناقص ، انت لو حصلك زي الي حصل المره الي فاتت وربنا هيموت فيها ، فهد بيخاف عليك لدرجه متتخيلهاش ، امسك نفسك شويه علشان خاطرو حتي ، انت شايف اهو الي هو فيه
مالك بتعب : ياعم ماتقلقش مش هبينلو حاجه علشان مايقلقش
حازم : وبعدين تعالي هنا ، انت اول مره تقعد يعني وفهد متضايق ، ده انت مكنتش بتقعد وهو متعصب تقوم تقعد وهو بيعيط
مالك : لازم نبقي جنبو في شدتو حتي لو هنأذي نفسنا
حازم : امممم ، معني كده انك تعبان علشان شايفو بالمنظر ده
مالك : بصراحه اه وفي نفس الوقت مش هاين عليا اسيبو كده وامشي
حازم : ربنا يعدي الايام الجايه دي علي خير علشان شكلها ايام سوده
مالك : ربنا يستر
حازم : يارب
"""""""""""""""""""""""""""""""""""""★
عند فهد .
واقف فهد بيتكلم في التليفون .
فهد بهدوء : فاقت يا سيليا
سيليا : ايوه يا فهد فاقت ، وروحنا البيت كمان ودخلت نامت علطول واحنا قاعدين معاها
فهد : ماشي ، خدوا بالكو منها والنبي
سيليا : ماتخفش دي اختنا ، بس هي هتتجنن عليك ، كل الي شغلها انت عامل ايه وكويس ولا لا
فهد : قوليلها اني كويس ومتخليهاش ولا تعيط ولا تزعل ، والله العظيم لادفن الي ورا اللعبه الوسخه دي بحق كل دمعه نزلت من عينيها وكسره فرحتها يوم فرحها
سيليا : فهد هو انتو فعلا اخوات
فهد : معرفش يا سيليا ، بس الي متأكد منو أن في حد ورا الموضوع ده علشان يبعدنا عن بعض ، وانشاء الله هعرف مين وهجيبو
سيليا : ممكن مايبقاش في حد ورا الموضوع وتكونوا فعلا اخوات ؟!!!
فهد وهو بيغمض عينو : ساعتها هتبقي مصيبه وهيبقي في سر كبير وكمل بتنهيده : المهم خدو بالكو منها وخليكو معاها اليومين دول
سيليا : حاضر ، يلا أنا هقفل بقي ، سلام
فهد : سلام
وقفل فهد مع سيليا ودخل لحازم ومالك .
فهد : أنا هطلع اوضتي بقي تصبحو علي خير
حازم : وانت من اهلو
فهد بملاحظه : انت كويس يا مالك ؟!!!
مالك بتعب : اه يا حبيبي كويس ، أنا هقوم أنام بقي انا كمان
حازم : وانا كمان هقوم انام
فهد : ماشي
كل واحد فيهم دخل اوضتو وفضل قاعد يفكر .
""""""""""""""""""""""""""★
في اوضه حازم ، قاعد بيكلم شهد في التليفون .
حازم : طب بتعيطي ليه دلوقت
شهد بعياط : .....................
حازم بضحك : طب بتعيطي علي الي حصل ولا علشان الفرح باظ
شهد بعياط : علشان الاتنين
حازم : طب بطلي عياط طيب علشان نعرف نتكلم
شهد بهدوء : ماشي سكت اهو
حازم : مليكه عامله ايه
شهد : بقت احسن الحمد لله
حازم : طبعا عامله مناحه
شهد : يااااختي مناحه واحده بس دي الف مناحه في بعض ، بس عندها حق يا حازم دي حاجه صعبه اوي
حازم : فعلا حاجه صعبه ربنا يعديها علي خير
شهد : يارب ، امال فهد عمل ايه
حازم : ولا حاجه ، كلنا دماغنا واقفه مش عارفين نفكر
شهد : بس قولي ايه الهدوء الي فهد كان فيه ده ، كأنوا واحد تاني خالص غير فهد السيوفي الي نعرفو
حازم : اه ، ده احنا كنا بنتمني يزعق ولا يتعصب
شهد باستغراب : ليه
حازم : علشان السكوت ده انيل من الزعيق والعصبيه
شهد : اممم ، صاحبك بقي وانت عارفو
حازم : ده انا حافظو ، يلا أنا هقفل بقي علشان في حد بيخبط علي باب الأوضه
شهد : ماشي سلام
حازم : سلام
وقفل حازم التليفون .
حازم : ادخل
فهد : صحيتك ولا ايه
حازم : لا لسه مانمتش تعالي اقعد
دخل فهد وقعد علي السرير قدام حازم .
حازم : خير في حاجه ولا ايه
فهد بتنهيده : مكتبتوش الكتاب ليه
حازم : انت مجنون ولا ايه ازاي يعني في الظروف دي
فهد : كان ممكن اروح بيها المستشفي ، وكنتو كتبتو انتوا الكتاب ، علشان زمانكو زعلتو أن الفرح باظ والبنات كمان زمانهم زعلو
حازم : اه واسيبك في المستشفي انت وهي بعد الكلام الي اتقال ده واقعد في القاعه واكتب الكتاب واعمل فرح لا طبعا ، انت اخويا يا فهد ومعاك علي الحلوه والمره ، أما البنات بقي ف مليكه اختهم يعني عمرهم ما كانو هيوافقو يسبوها
فهد بتنهيده : ماشي يا حازم ، أنا بس حاسس بالذنب اني بوظت فرحتكو
حازم : طب ما انت كمان فرحتك باظت وبعدين احنا الثلاثه واحد ولا ايه
فهد : اكيد
حازم : احنا المثلث الي ماينفعش ضلع فيه يبقي عكس التاني
فهد : ربنا يخليكو ليا
حازم : ويخليك لينا وتفضل سندنا وضهرنا
فهد : معرفتش في وسط كل الي حصل ده تمسك الولد ولا حتي تاخد منو التحاليل
حازم بغمزه : عيب 😉 ، ده انا تربية فهد السيوفي
فهد باستغراب : مش فاهم !!!
حازم بابتسامه : الواد في المخزن من ساعت ما روحنا المستشفي
فهد : ازاي
حازم : لما مليكه اغمي عليها في القاعه ، أنت قولتلي انزل افتح العربيه ، وانا نازل خليت الحراس يطلعو يخدوه بعد ما انت تنزل ، اول ما شافوك نزلت وانت شايل مليكه ، طلعو خدو الواد بالتحاليل ورموه في المخزن ، علي ما انت تفوق كده وتشوف هتعمل ايه
فهد بابتسامه : تسلم يا اخويا ، اسيبك تنام بقي ، تصبح على خير
حازم : وانت من اهلو
وخرج فهد من اوضه حازم وكان هيرجع لاوضتو بس للحظه افتكر مالك ، وحس انو مكنش كويس فقرر يروحلو اوضتو .
فهد : صاحي يا مالك
مالك : اه تعالي ، في حاجه ؟!!!
فهد : جاي اطمن عليك ، لما كنا تحت كنت حاسس انك تعبان
مالك : لا ماتقلقش أنا كويس
فهد : طب الحمد لله ، طبعا مضايق مني صح
مالك باستغراب : أنا ؟! ، اضايق منك ليه
فهد : يعني علشان بوظت فرحتك بعروستك والفرح باظ ، أنا والله لسه قايل لحازم دلوقت ماكتبتوش الكتاب ليه
مالك : قبل ما تكون صاحبي فأنت ابويا وأخويا ودي تبقي قلة اصل مني لما اسيبك في موقف زي ده واقعد أنا افرح واتبسط
فهد : ماشي يا مالك ، علفكره أنا معنديش اي مانع انكو تعملو فرح تاني وتجوزو أنشلا حتي بكره ومش هزعل
مالك : طب وبكره ليه ما احنا نقوم نروح للمأذون دلوقت ، فهد احنا هنفرح مع بعض وفرحنا كلنا هيبقي في نفس اليوم
فهد : ماشي يا مالك ، أنا في الأوضه الي جمبك لو احتاجت حاجه تعلالي
مالك : ماشي تصبح على خير
فهد : وانت من اهلو .
دخل فهد اوضتو وهو حزين علي الي حصل النهارده ، عاوز يكلمها يطمن عليها بس متردد ، هيكلمها ازاي وبأنهي وش ، هو مستني يثبت أن كل الي اتقال ده غلط وبعد كده هيكلمها ، بس خوفو عليها منعو وطلع تليفونو وكلمها .
فهد بتقطع : ا..ا..الوووو
مليكه بمحاولة كتم العياط : ايوه
فهد : بصي من غير دخول في أي تفاصيل ، أنا عاوز اطمن عليكي بس
مليكه : احم الحمد لله أنا كويسه ، انت كويس ؟!
فهد : اه انا كويس ، بقيتي احسن
مليكه : اه
فهد : ماشي أنا هقفل ولو عوزتي اي حاجه في أي وقت كلميني ، وبوعدك الي حصل النهارده ده هخلي الي وراه يدفع التمن غالي اوي
مليكه : يعني الكلام الي اتقال ده غلط
فهد : مقدرش اقول غلط ومقدرش اقول صح ، بس وحيات الوجع الي في قلبي لاعرفهم مقامهم
مليكه : طب انت كويس ؟!!! أنا قلقانه عليك
فهد : أنا كويس ماتقلقيش مفيش فيا حاجه
مليكه : قالولي انك كنت ساكت النهارده ومحدش سمعلك صوت
فهد بمحاوله أنو يضحكها علشان مايحسسهاش بحاجه : الله الله ، ده انتي ليكي مخابرات بقي بتوصلك الاخبار
مليكه بضحك : ايوه امال ايه ، اتعلمت منك
فهد : ماشي يا ستي ، اهم حاجه عاوزك ترتاحي ومتفكريش في أي حاجه
مليكه : طب والي حصل ده
فهد : أنا هتصرف ولو في جديد هقولك
مليكه : ماشي يا فهد ، ربنا معاك ، أنا هقفل سلام
فهد : سلام ...... وكمل باستغراب : ماقفلتيش ليه
مليكه : اول مره ماتقوليش سلام يا ملاكي
فهد وهو بيغمض عينو : اتاكد الاول أن الكلام ده غلط وبعد كده اقولك الي انا عاوزة
مليكه : ماشي سلام
فهد : سلام
""""""""""""""""""""""''''★
عدي الليل علي الكل ، كان اسوء ليل يعدي علي الكل ، فرحة الكل ضاعت والفرح باظ ، الكل كان مضايق وبالاخص فهد ومليكه ، عاملين زي التايهين ، مش عارفين يستوعبو الي حصل ، ومش قادرين يتخيلو لو فعلا اخوات هعملو ايه .
""""""""""""""""""""""""""★
تشرق الشمس تعلن عن قدوم يوم جديد .
صحي حازم وبيدور علي فهد .
حازم وهو بيفتح اوضه مالك : مالك فهد جالك
مالك : لا انا لسه صاحي اصلا
حازم : هيكون راح فين
مالك : هو مش في اوضتو
حازم : لا ، روحت اصحيه علشان نفطر مالقتوش
مالك : هتلاقيه في مشوار ولا حاجه
حازم : ممكن ، يلا فوق كده وانزل
مالك : ماشي
""""""""""""""""""""""""""""""""""""★
في نفس المكان شبه المهجور ، قاعد الثلاثة أشخاص بغلهم وحقدهم المعتاد وقدامهم رجاله .
مجهول 1 بزعيق : مسكووووو ؟!!! ، ازااااي ، أنا مش منبه عليه يقول الكلمتين وينزل علطول قبل ما حد فيهم يمسكوو
واحد من الرجاله : يا باشا الحراس الي مسكوه مش فهد ولا حد من الي كانو قاعدين
مجهول 3 بزعيق : واحنا ايه يضمنلنا أنو مش هيتكلم ، ده فهد السيوفي مش اي حددد ، زي ما خلا رجالتو تتكلم هيخلي حسام يتكلم
واحد من الرجاله : يا باشا متقلقش مش هيتكلم ، احنا مأكدين عليه مايقولش حاجه حتي لو هيموتو
مجهول 2 : هيخاف وهيتكلم ، هي دي الطريقه الي هنحرق بيها قلبهم علي بعض ، التربيزه هتتقلب علينا لما يعرف أننا الي ورا الموضوع ده وورا كل الي بيحصلو
مجهول 1 بخبث : طب وفيها ايه ، مايعرف
مجهول 3 : لو فهد عرف أننا ورا الي بيحصل هنروح احنا الثلاثه في ستين الف داهيه
مجهول 1 بخبث : خلاص كده مفيش وقت لازم ننفذ
مجهول 3 : ننفذ ايه انا مش فاهم حاجه
مجهول 2 : ولا أنا
مجهول 1 بخبث شديد وغموض : قريب اوي هتفهمو
""""""""""""""""""""""""""""""""""""""★
في محزن كبير جدا قاعد فهد وحاطط رجل علي رجل وقدامو الشاب الي كان في القاعه مربوط ومفيش فيه حته سليمه من كتر الضرب .
فهد بثقه وغرور : أنا خلتيهم يفكروك بس مين فهد السيوفي ، قولي يا روح امك بقي مين الي وراك ، اصل انت شكلك صغير اوي علي اللعب معايا
حسام بتعب من الضرب : قولتلك أنا مش كداب والتحاليل معاك اتأكد ولو لقيتها غلط ابقي اعمل فيا الي انت عاوزو
فهد بصوت جوهري : دي مش إجابه علي سؤالي يا روح امك ، أنا بسألك مين الي وراك
حسام بتعب وكحه من الضرب : كح كح ياعم ابعد عني بقي انت وشوية التران دول ، هتموتوني
فهد بصوت عالي : هو انت لسه شوفت مووووت ، ده انا هخليك تتمني الموت وماطولوش ، قولي مين الي وراك بدل ما أقسم بالله العظيم هوريك النجوم في عز الظهر
حسام بتفكير وخبث : طب لو قولتلك مين الي بعتني ليك هتسبني
فهد : اه هسيبك ومش هأذيك ، انطقققق مين
حسام بخبث شديد : واحد كده اسمو حازم ، جالي واداني فلوس كتير واداني التحاليل دي وقالي ادهالك قبل كتب الكتاب ، ولما سألتو التحاليل مزوره ولا لا علشان لو اتمسكت اتكلم بقلب جامد ، قالي اتكلم بقلب جامد وقول أن التحاليل سليمه ومتخافش ، بس الغريبه أن لما جيت القاعه لقيتو هناك ، بس هو ده الي حصل يا فهد باشا
فهد وقف زي الصنم ، كأن حد كب عليه مايه ساقعه مش عارف ينطق من صدمتو ، الصدمات نازله علي دماغو ومش قادر يستوعب ، مستحيل ، ازاي حازم الي ورا كل ده مع انو قال لفهد أن هو الي قال للحراس يمسكو حسام ، مليون سؤال في دماغو ومش لاقي إجابه .
فهد بتقطع وصدمه : ح..ح..حازم ، مستحيل ، م..متأكد ؟!!!
حسام بخبث شديد : ايوه متأكد ، الشاب الي نزل يفتحلك العربيه لما البنت اغمي عليها
فهد بعد استيعاب وتقطع : ح..ح..حازم ؟!!!