أميرة الفهد

البارت الرابع عشر

بدأ فهد يفتح عينوا براحه ، حاسس بألم فظيع في جمبوا ، حط أيدوا علي جمبوا بوجع وبدأ يفتح عينو بضعف شديد وتشويش ، شايف شخص قاعد قدامو بس بتشويش ، بدأ يدقق في الي قدامو لحد ما حدد ملامحوا وكانت الصدمه .
مجهول 3 : حمدل علي السلامه يا راجل ، كنا خايفين لتموت علطول ، بس كويس انك عيشت علشان نموتك احنا بقي بطريقتنا
فهد بصدمه شديده جداا : انت ؟!!!!! ، م...م.... مستحيل
مجهول 3 بغل وسخريه وهو بيحط رجل علي رجل : مستحيل ليه يا...يا ابن اخويا
فهد بصدمه وتقطع : ه..ه...هو انت الي جايبني هنا يا عمي ، وانت الي مخليهم يعملوا فيا كده ، ط..طب ليه ، أنا عملت فيك ايه ، ده انت كنت هتموتني ، دول ضربوني بالسكينه وانت واقف تتفرج عليا وانا بنزف وبموت
سالم بحقد وكره : ايوه انا الي عملت فيك كده وانا الي خليتهم يجبوك هنا ، ومش انا لوحدي ده انا عاملك مفاجاه حلوه اوي يا دودو
فهد بصدمه شديده وعدم استيعاب : ا..ا...أنا..أنا مش فاهم حاجه ، ط..طب أنا عملت فيك ايه لكل ده ، ده انا ابن اخوك ، وطول عمرك بتعاملني وبتحبني زي ابنك
سالم ضحك بكل صوته ضحكه كلها شر وغل وقال : كفايا عليك الصدمه الأولي ، وبعدين افهمك كل حاجه بس في الوقت المناسب
فهد بغضب وصدمه شديده : ا..أنا مش عارف ارد اقولك ايه ، ليه وعلشان ايه كل ده ، انت يا عمي انت !!!
سالم : اه أنا يا ابن حنان
فهد بغضب : ماتجبش سيرتها علي لسانك ، وانا اسمي ابن سليم مش ابن حنان ، والله لو مخرجتني من هنا لاطربق الدنيا علي دماغكوا
سالم بسخريه : طب استني لما جرحك يلم حتي وبعد كده ابقي طربقها
فهد بغضب : كنت متاكد ان الي بيتكلم حد اعرفوا بس عمر خيالي ما وصلني أنك أنت الي بتعمل فيا كده ، دي اسمها خيانه وغدر ولو أنا سكت ابويا مش هيسكتلك
سالم ضحك بسخرية : بص يا ابن حنان ، انا هسيبك مرمي كده زي الكلب من غير لا اكل ولا مايه ولا حتي هخليهم يدخولك علاج علشان الجرح ، هسيبك كده مذلول وقليل الحيله وحاسس انك هتموت في أي وقت ، هخليك تشوف الموت بعينك ميت مره وكل مره روحك تنسحب منك وانت حاسس انك هتموت ، هعمل فيك الي محدش عملوا يا ابن حنان
قال الكلمتين وساب فهد في صدمتوا وخرج ، كان مذهول مش مصدق ، بقي عمو هو السبب في كل الي بيحصل ده ، ازاي وليه وعلشان ايه ، طول عمروا بيحب عمو زي ما بيحب أبوه بالظبط ، يقوم يعمل فيه كده ، مش قادر يفسر ايه سبب الكره والغل الي جواه ده ، سبب نظره الحقد الي في عينيه ، ديما بيقول لفهد انو بيحبوا زي ابنوا يبقي ازاي يعمل كده ، وليه بيتكلم عن امو بالطريقه دي ، الصدمه مخليه مليون سؤال يدور جوا راسو ومش لاقي اجابه ، كتر الصدمات خلاه مش قادر يستوعب ومش قادر يتعامل مع الموقف .
فهد لنفسوا بتنهيده : ده انا كنت بتمني تعرف توصلي يطلع انت الي بتعمل كده
""""""""""""""""""""""""""""""""""""""★
في بيت مليكه السيوفي .
الكل متجمع هناك ، حازم ومالك وشهد وسيليا ومليكه وقاعدين مع بعض وبيتكلموا .
حازم وهو بيتكلم في التليفون : يعني ايه مش عارفين تحددوا المكان
الشخص علي الطرف الآخر : يا حازم باشا اول ما المكالمه خلصت الشخص الي كنت بتكلمو تقريبا كده كسر الخط ومش عارفين نحدد المكان
حازم بغضب : امال انت لازمتك ايه يا اخويااااا ، غووور
وقفل حازم التليفون بعصبية .
مليكه والدموع علي وشها : ايه يا حازم
حازم بتنهيده : مش عارف
مليكه : يعني ايه مش عارف
حازم : اووووف ، اول مره احس اني عاجز بجد
شهد : وانت يعني في ايدك ايه تعملوا
مالك وهو بيحاول يرن علي تليفون فهد : بردو التليفون ماتفتحش ، اكيد وخدينو منو
مليكه : طب واخرتها ، هيفضل مرمي كده ومحدش عارف هو فين
مالك : خير انشاء الله
مليكه بعياط : يارب
""""""""""""""""""""""""""""""""""""""""★
في الملجأ .
سلمي وحبيبه بقو أصحاب وقربوا من بعض جدا وبدأو يعرفوا حاجات كتير عن بعض .
سلمي بعياط وهي في حضن حبيبه : مخنوقه اوي
حبيبه بحنيه : يا حبيبتي انتي بقالك ساعتين بتعيطي وانا مش عارفه مالك
سلمي بعياط : مخنوقه وحاسه أن قلبي مقبوض ومش مطمنه ، خليني في حضنك بس
حبيبه : اهدي بس وانشاء الله ربنا هيريح قلبك
سلمي بعياط : يارب
""""""""""""""""""""""""""""""""""""""""★
في المحزن .
كان تعبان ، جرحو لازم يتعقم ، ولازم ياخد الادويه بانتظام ، بس مفيش في قلوبهم رحمه محدش بيدخلوا حتي كوبايه مايه ، وهو قاعد في الأرض مصدوم مش مستوعب الموقف وفي نفس الوقت بيتألم بشده .
فهد بتعب وتنهيده وهو بيبص علي جرحوا : علي قد ما انت بتوجعني علي قد ما قلبي واجعني اكتر
فضل قاعد بالساعات وجرحوا بينزف ومحدش دخلوا وبعد شويه دخل سالم .
سالم باستغراب : ايه الدم ده
فهد بغضب : مايخصكش ، عاوز ايه
سالم بخبث شديد : كنت عاوز اعرفك علي حد كده هتفرح اوي لما تشوفوا
فهد : حد مين
ودخل حد فهد عرفوا كويس اوي ولتاني مره بيتصدم ، بس الصدمه المره دي اكبر .
فهد بذهول : سهيله ؟!!!!!!
سهيله ( كانت مجهول 2 ) بغل وشماته : ايوه سهيله يا فهد ، امال كنت مفكر مين الي هيخليك مذلول كده
فهد بغضب شديد : ده انتوا عصاااابه بقي ، مش حته حشره زيك الي تعمل كده يا زباله
سهيله ببرود : تؤ تؤ تؤ تؤ تؤ ، ليه الغلط ده بقي
فهد بغضب شديد : انتي واحده حقيره وزباله وخاينه ، والله لاعرفك أنا مين
سهيله بسخريه : مش لما تطلع من هنا الاول يا ابن السيوفي
قربت سهيله من فهد واتكلمت بكل غل وكره وشماته .
سهيله بكره : زمان لما خليتك تحبني ، كنت عاوزه اوصل لحاجتين ، أولهم روحك والحاجه التانيه بقي فلوسك بس طلعت ذكي وكشفتني ، بس المره دي بقي يا دودو هتمنعني اموتك ازاي
فهد بغضب : موتك علي ايدي يا بنت ال........ ( شتيمه ) ، بتتفق معاها يا عمي ، علشان الفلوس ، عاوز تموتني علشان الفلوس ، طب هي واحده حقيره وخاينه ومتوقع منها أي حاجه ، إنما أنت بقي ، اذيتك في ايه علشان تعمل فيا كده
سالم بغضب : لا أذيتني يا روح امك ، بس دلوقت خلاص انت تحت ايدي واقدر اعمل الي انا عازوا فيك
فهد بغضب شديد : ولا تقدر تعمل اي حاجه ، وهخرج وهوريك يا سالم ، خساره فيك كلمه عمي ، أما انتي بقي ، زمان اختفيتي علشان خوفتي اموتك ومعرفتش اوصلك أما دلوقت أقسم بالله العظيم أخرج بس وانا هوريكي ابن السيوفي هيعمل فيكي ايه
سهيله وهي بتقرب منو وبترفع التيشيرت بتاعو بشماته : تؤ تؤ تؤ تؤ تؤ ، ايه كل الدم ده يا بيبي ، ازاي تسيبوه كده يا عمي
سالم بقرف : خليه مرمي كده غرقان في دمو لحد ما يغور في ستين داهيه
فهد بغضب : ابعدي يا بت من وشي ، أنا الي هخليكي غرقانه في دمك قريب
سهيله بضحكه سخريه : ههههه ، متغيرتش يا دودو ، طول عمرك مغرور وشايف نفسك
سالم وهو بيشد الكرسي وفي أيدوا ورق : بص بقي يا ابن حنان ، انت هتمضيلنا علي الورق ده من غير شوشره
فهد : ورق ايه ده الي عاوزيني أمضي عليه
سهيله وهي بمسك الورق : تحب تاخد تقرا بنفسك ولا اقولك بلاش انت مش قادر ، ده ورق تنازلات عن كل ثروتك وعن كل حاجه تخصك انت بتملكها ، تمضي عليها من سكات
فهد بقرف : مش همضي علي حاجه
سالم بغضب : لا هتمضي يا روح امك بدل ما ادفنك مكانك
فهد بغضب : لو عملت ايه والله ما همضي علي حاجه ، موتي اهون من اني أديكوا مليم واحد من فلوسي
سهيله بغل : حتي وانت بتموت بتكلم بجبروت انت ايه يا اخي
فهد بغضب ونظرات قاتله : اقولك أنا ايه ، أنا الي هيموتك علي ايدوا يا سهيله الكلب
سهيله وهي بتطلع المسدس وبتقعد قدام فهد : تحب اوريك مين الي هيموت علي ايد مين
فهد بغضب شديد : مابخفش حتي لو هتموتيني ، اصل هما العبيد ديما كده بيبصوا لاسيادهم في كل حاجه
سهيله بغضب وهي بتوجه المسدس ناحيه فهد وبتضرب رصاص : هموتك يا ابن السيوفي
قام سالم بسرعه ورفع ايديها لفوق وخرجت الرصاصه في الهوا .
سالم : انتي بتعملي ايه ، انتي اتجننتي
سهيله بغضب : سبني اموتوووو
سالم : مش دلوقت ، يلا بره
وخرجوا هما الاتنين بره .
قاعد في حالة ذهول وعدم استيعاب ، عمروا ما كان يتخيل أن سهيله ليها يد في الي بيحصلوا ، هي اخر حد كان هيشك فيه ، عمروا ما توقع أن عمو هو الي يعمل فيه كده ، الصدمات نازله علي دماغوا واحده ورا التانيه ، وجع قلبوا بيزيد والجرح الي في قلبوا بيزيد ، صدمتوا كانت مخلياه مش عارف يتصرف ولا عارف المفروض يفكر ازاي ، اطعن من اقرب الناس ليه ، اطعن من اهلو الي المفروض يحموه ، ولما الطعنه تيجي من القريبين يبقي فاضل ايه تاني .
""""""""""""""""""""""""""""""""""""""""★
في بيت مليكه السيوفي ، كانوا قاعدين بيشوفوا حل وفجاه تليفون حازم رن برقم غريب فعرف أنو حد تبع الي خطفوا فهد .
حازم بهدوء تام : الووو
سالم : ايه يا زوز ، مالك كده مابتزعقش النهارده ليه
حازم بهدوء : قولي طلباتك وانا هعملك الي انت عاوزوا
سالم : بس الي انا عازوا مش انت الي هتقدر تعملهولي
حازم : امال مين
سالم : صاحبك يا عيني الي مرمي في الأرض غرقان في دموا ده ، بقولوا طلباتي مش راضي ينفذها
حازم بغضب : غرقان في دمو ؟!!! ، انتوا عملتوا فيه ايه يا ولاد الكلللللب
سالم : ايوه كده يا زوز ، اهو ده بقي حازم الي اعرفوا
حازم : قولي عاوز منو ايه وانا هخليه يعمل الي انتوا عاوزينوا دلوقت حالا
سالم : مفيش يا سيدي ، بقولوا يمضي علي شويه ورق صغيرين مش راضي
حازم باستغراب : ورق ايه
سالم : ورق تنازل عن كل ثروتوا ، وهو بقي مش راضي يمضي يرضيك كده يا زوز
حازم : طب لو خليتوا يمضي هتقولنا علي مكانوا
سالم بخبث شديد : طبعا
حازم : طب خليني اكلموا
سالم بقرف : طيب خليك معايا يا اخويا
ودخل سالم لفهد .
مالك : بيقولك ايه يا حازم
حازم : عاوزين فهد يتنازل عن ثروتوا ، ويمضيلهم علي التنازلات بس هو مش راضي
مالك بغضب : اه يا ولاد ال....... ( شتيمه )
مليكه بعياط : خليه يمضي المهم هو
حازم وهو بيتكلم في التليفون : هااا ، ماتدهولي
سالم : ما تهدي يا زوز ، اصلوا مرهق شويتين ، خد معاك اهو
فهد بألم و تقطع : ا..ا...الووو
حازم بلهفه : مالك يا فهد ، قولي عملين فيك ايه ، غرقان في دمك ازاي ، رد عليا
فهد بألم شديد وتقطع : م..متقلقش أنا كويس
حازم : أمضي علي الي هما عاوزينوا خليهم يقولولنا انت فين
فهد بوجع : ع..عاوزيني أتنازل عن كل حاجه يا حازم
مالك وهو بيشد التليفون : أمضي يا فهد ، ملعون ابو الفلوس
فهد بوجع : ل..لا م..مش همضي علي حاجه ، دول عاوزين ياخدوا كل حاجه
حازم : ياخدو الي يخدوه مش مهم ، أمضي يا حبيب اخوك خلينا نعرف انت فين ونيجي ناخدك
فهد : مش هضيع شقي السنين علي الارض ، وحتي لو مضيت مش هيقوللكوا أنا فين
مالك : هو قالنا لو انت مضيت هيقولنا انت فين ونيجي ناخدك
فهد بوجع شديد وتقطع : ك..ك..كدابين ، ه..ه..هيموتوني بعد ما أمضي
مالك بغضب : والله لادفعهم الثمن غالي اوي ، ط..طب قولي فيك ايه ، الكلب ده كان بيقولي انك غرقان في دمك ، هما معورينك
فهد وهو بيحط أيدوا علي جمبوا بوجع : ل..لا ، ماتقلقوش أنا كويس
سالم وهو بياخد التليفون : شوفت بقي يا زوز أن هو الي مش راضي
حازم بغضب : واخرتها يا ابن ال..... ( شتيمه )
سالم ببرود : اخرتها موت صاحبك ، سلام يا زوز
وقفل سالم مع حازم ووجهه كلامو للرجاله .
سالم بكره وحقد : شوفوا شغلكوا يا رجاله
قال كلمتوا وخرج ، ساب الرجاله مع فهد ، بيضربوه وهو متكتف ، بيضربوه في جرحوا المفتوح الي بقي بينزف اكتر واكتر ، واتفتح جرحوا زياده ، كلمة وجع وألم كانت أقل حاجه تعبر عن الي هو فيه ، كان بيموت من الوجع ، سواء وجع قلبوا من الصدمات ، ولا وجع جسموا وألم جرحوا الي بينزف ، دموا نازل بطريقه بشعه لدرجه انو خلاص قرب يتصفي ، كانوا بيضربوه وهو قليل الحيله ومتكتف .
""""""""""""""""""""""""""""""""""""""""★
في بيت مليكه السيوفي .
مليكه : اديهم الرقم بقي يا حازم
حازم بغضب : كسر الخط ابن ال****
مليكه بعياط : يعني برضوا مش هتعرفوا توصلولوا
مالك : مفيش غير تليفون فهد الي ممكن عن طريقو نوصلوا ، لازم يتفتح ثانيه واحده حتي
مليكه بعياط : طب وبعدين ، أنا خايفه عليه ، خايفه يعملوا فيه حاجه
مالك : لو كانوا عاوزين يعملوا حاجه كانوا عملوها من الاول ، هما عاوزين فلوس
مليكه بعياط : طب خليه يمضي علي الورق الي هما عاوزينوا
حازم : ماهو مش سهل بردو يا مليكه ، دول عاوزينوا يتنازل عن كل حاجه ، وهو فضل سنين يشقي ويتعب علشان يوصل للهو فيه ده مش من يوم وليله هيسيب كل ده بالساهل
مليكه بعياط : تغور اي حاجه ، يعني هنستفاد ايه لما يحافظ علي الفلوس ويضيع هو
مالك : وبعدين يا حازم
سيليا : طب ما تخلوا فهد يلمحلكوا هو فين لما يكلمكوا تاني
مالك : بيبقوا قاعدين جمبوا ، ولما بنكلموا مابيقولش حاجه غير متقلقوش أنا كويس
مليكه بعياط : كويس ايه بس ، الله اعلم بيعملوا فيه ايه ومش راضي يقول علشان مانقلقش عليه
شهد : طب انتوا مش شاكين في حد يا حازم ، يعني في عداوه بينكو وبين حد
حازم بتنهيده : لو في عداوه فهي عداوة شغل ، يعني أخرهم ينفسونا في صفقات إنما دول عاوزين فهد نفسوا
مليكه بعياط : طب وبعدين هنسيبوا كده ، أنا حاسه بيه ، عارفه أنو مش كويس
مالك : اهدي يا مليكه ، خير انشاء الله
مليكه بعياط : يااااارب
شهد : طب وعمي سليم عرف
حازم : اكيد طبعا ، وهيتجنن ، وبيدور هو كمان مش ساكت
سيليا : اكيد هو يعرف ناس تقدر توصلوا لفهد
مالك : احنا قولنالو كل حاجه وحكينالو المكالمات الي بتجلنا وهو قال انو بيربط الخيوط ببعضها وبيدور ولو وصل لحاجه هيكلمنا
مليكه بعياط : ربنا يرجعهولي بالسلامه
مالك وهو بيقوم : طيب أنا هروح أنا بقي
حازم : ماتخليك قاعد معانا شويه
مالك : لا انا تعبان وعاوز استريح
حازم : عاوز تفهمني ان هيجيلك نوم
مالك بتنهيده : وهيجي منين النوم ، هروح البيت اطمن علي اخواتي علشان بقالي 3 ايام ماشوفتهومش
حازم بضيق : والله مايستهلو قلقك عليهم
مالك : اخواتي يا حازم ، ومش قادر ماحبهومش
حازم : بس هما قاسيين عليك ، يبقي تقسي عليهم زي ما بيقسو عليك
مالك بتنهيده وهو بيبصلو بضعف : انت عاوز ايه ، عاوزني اقسي عليهم زي ما بيقسوا عليه ، حاضر هقسي عليهم ، من كتر الناس الي حواليا هضيع دول كمان من ايدي ، أنا خلاص مابقاش ليا حد ، الي كان ليا راح ، الي كان معوضني عنهم كلهم ضاع في لحظه
حازم بندم علي الي قالو وهو بيقف قدامو : أنا آسف انا مكنش قصدي ، وبعدين أنا اهو مش مالي عينك ولا ايه ، وفهد هيرجع انشاء الله
مالك : انشاء الله ، أنا ماشي ، سلام
الكل : سلام
سيليا بدموع : هو ليه مش بيقولي علي الحاجات دي
حازم : حاجات ايه
سيليا بدموع : ليه مش بيقولي أن هما قاسيين عليه بالطريقه دي ، هو قالي بس أنهم بعاد عنو يعني عايش معاهم كأنو عايش لوحدوا ، ليه بقي مش بيقولي أنهم بيعملوا معاه كده
حازم بتنهيده : علشان انتي بتحبي مالك ياسر ، وهو ده طبع مالك
بصت شهد لحازم بحزن علي حالو وسكتت ، وحزنت سيليا علي مالك من الي شايفه من اهلو ، أما مليكه فهي قاعده معاهم جسد بس وعقلها وقلبها وروحها معاه ، يا تري هو فين ، يا تري بيعملوا فيه ايه ، يا تري سليم ولا متعور ، روحها معاه ، وفضلوا قاعدين شويه وبعد كده حازم روح بيتوا ، وقاموا سيليا وشهد يناموا وفضلت مليكه قاعده فاتحه صورو وبتتفرج عليها بعياط شديد وانهيار ، من يوم ما اتخطف وهي مابتنمش فاتحه صورو وبتتفرج عليها ، بتتفرج علي كل تفاصيلو الي وحشتها ، ضحكتوا حنيتوا حتي قسوتوا ، وفضلت قاعده طول الليل بتتفرج كالعاده .
""""""""""""""""""""""""""""""""""""""""★
في المكان المهجور .
مجهول 1 : ها مضي ؟!!!
سالم : لا ، مش راضي ، وبيقول لو هتموتوني مش همضي
مجهول 1 بخبث : كنت متاكد انو مش هيوافق
سهيله : طب وبعدين ، هنعمل ايه
مجهول 1 : هنحاول مره كمان لو مضي خلاص تمام ، مامضاش هنموتوا
سهيله : طب ما احنا كده مش هنعرف ناخد حاجه لو مامضاش
مجهول 1 بخبث شديد : لا هناخد وهناخد كتير كمان
سالم : طب ولو مضي هنسيبوا
مجهول 1 بضحك : لا هنموتوا بردو
ضحكوا الثلاثه بغل وحقد وخبث شديد ، وكملو .
مجهول 1 : ها بيعمل ايه
سالم : مرمي زي الكلب غرقان في دمو ، الرجاله قايمه معاه بالواجب وزياده
مجهول 1 : كويس
سهيله : وانت مش هتظهرلوا بقي
مجهول 1 بخبث : هظهرلوا ، وهيعرف كل حاجه قريب
سالم وسهيله بخبث : تمام
""""""""""""""""""""""""""""""""""""""""★
في اوضه فهد .
مرمي في الأرض متكتف وعينو متغميه غرقان في دموا ، ومازال بينزف ، بس الوجع مايتوصفش ، ضربوه بقسوه شديده ، بعدم رحمه ، وكانوا مركزين في الضرب علي جرحوا ، مرمي في الأرض محدش سامعلوا صوت ، ولما حد بيكلموا مابيديش اي رد فعل ، بقالوا ايام من غير اكل ومن غير علاج لجرحوا ومن غير مايشوف النور ، دخلولو الثلاثه لقوه قاعد وساند راسو علي الحيطه .
مجهول 1 شد الكرسي وقعد وحط رجل علي رجل واتكلم .
مجهول 1 : هتمضي ولا اموتك
فهد بألم شديد ووجع : ....................
مجهول 1 باستغراب : أنا بكلمك
فهد : .............
مجهول 1 باستغراب : هو اغمي عليه ولا ايه
سالم : لا فايق بس بيستهبل ، رد ياااض
فهد بألم شديد : ...............
مجهول 1 : اه يعني سامع ومش عاوز ترد
وقام مجهول 1 ورفع المسدس علي فهد ، ماتهزش فهد ولا اتحرك من مكانوا ، استغربوا رد فعلوا جدااا .
مجهول 1 : يعني مش فارق معاك اني اموتك
هز فهد راسو بأيوه .
سالم : طب يلا يا روح ماما أمضي وخلصنا بدل ما نسيبك تموت هنا
فهد بوجع : قولتك مش همضي حتي لو هتموتني ماتتعبش نفسك
مجهول 1 : يعني لو نفترض مثلا حطينا حياتك في كافه والفلوس في كافه هتختار الفلوس
فهد بوجع وهدوء : طب ومغير صوتك ليه ، خايف تتكلم بصوتك العادي اعرفك ولا ايه
ديما الشخص ده بالذات لما بيدخل لفهد ، فهد بيحس انو بيغير صوتوا وبيتكلم بصوت مش طبيعي ، عرف فهد انو الشخص ده اكيد حد يعرفوا بس بيغير صوتوا علشان فهد مايعرفوش .
مجهول 1 بغضب : هخاف منك انت يا اخويا
فهد : لو مكنتش خايف كنت عرفتني انت مين من الاول ، مكنتش تغير صوتك كل ما تتدخلي وتغمي عنيا
مجهول 1 بغل وغضب : عاوز تعرف أنا مين يا ابن السيوفي
فهد بوجع وهدوء : عاوز اعرف اخرة الي بتعملو ده ايه ، مش فارقه انت مين كده كده هموتكوا كلكوا
مجهول 1 بغل وغيظ وهو بيشيل الشريطه من علي عينوا : لا لازم تعرف أنا مين يا ابن حنان
فهد بذهوول وعدم استيعاب وصدمه شديده : .....................

رأيكو بقي في الكومنتات ❤ وتوقعو مين المجهول 🙃♥