في بيت فهد السيوفي .
قاعد فهد وحازم ومالك ومليكه مع بعض بيتكلمو .
مليكه : جايبني علي ملي وشي ها في ايه بقي
فهد : عاوزكو تسمعوني كويس ع........
سلمي : فهد ، احضرلكو الغدا دلوقت ولا شوية
فهد : لا احنا اتغدينا بره يا سوسو
سلمي وهي ماشيه : خلاص ماشي ، انا في اوضتي بقي لو احتاجت حاجه انهدلي
فهد بابتسامه : ماشي يا حبيبتي
مالك : ماتقول يابني في ايه
فهد : بصوا بقي ، طبعا انتوا عارفين الي حصلي وفهمتوا مين الي ورا الموضوع ، واكيد عرفيني كويس وعارفين اني هاخد حقي ، انا بقالي فتره كبيره شغال علي الموضوع ده من تسجيلات وفيديوهات ماتنحوش كده هفهمكوا بعدين ، المهم اني اشتغلت علي الموضوع جامد وحطيت خطه ، الخطه الي هاخد بيها حقي تالت ومتلت بس انتوا هتبقوا معايا فيها وهتساعدوني ، وهنبدا في الخطه دي من النهارده ، هقولكوا تعملو ايه وازاي وامته
مليكه: طب انا ايه علاقتي بالموضوع ده
فهد : ماهو انتي هتساعديني علشان ليكي دور كبير في الي هيحصل
مليكه بعدم فهم : ازاي ، يعني هعمل ايه مش فاهمه
فهد : عاوزكوا تفهمو الي هقولوا ده و تنفذوه من غير غلطات علشان الغلطه بموته لينا كلنا تمام
حازم : تمام ، قول هنعمل ايه
فهد : انا الي هعمل اول خطوه اما الباقي لو سمعتو كلامي ونفذتو الخطه صح هقدر اخد حقي كويس اهم حاجه تنفذو من غير ولا غلطه
مالك : هتعمل ايه
فهد وهو بيبصلهم الثلاثه :..................
الكل بصدمه شديده : اييه؟!!!!!!
حازم بعصبيه : انت اتجننت ولا ايه لا انا مش موافق
مالك بزعيق : لا طبعا مش هيحصل الي انت بتقولو ده ، انت كده مش هتاخد حقكك انت كده هضيع نفسك
مليكه : اكيد لا طبعا ، انت يابني عاوز تحرق قلبنا عليك
فهد ببرود وهو بيرجع لفهد السيوفي القديم : خلصتو هري ، انا قولت الي عندي وده الي هيتعمل واظن انتوا فهمتوا ، وكل واحد فهم دورو كويس ، وكمل وهو بيبصلهم بحده شديده : الي قولتو يتنفذ بدل ما اوريكو وش عمركوا ماشوفتوه فاهمين
مالك : يا بني انت ا.......
فهد ببردو : تؤ تؤ تؤ انا مابحبش الكلام الكتير ، انا شرحتلكو الي هيحصل وشرحت لكل واحد فيكو دورو تمام ، يلا سلام وركزو كويس
ومشي فهد .
مليكه : حازم ، مالك ، الحقو المجنون ده
حازم : مدام رجع لطبعو الاولاني يبقي الي جاي خراب
مالك : ده اتحول ، لما حب مليكه اتغير ايه الي رجعو لطبعو ده تاني
حازم : انا قلقان لو عمل الي في دماغو ده هيضيع نفسو
مليكه : ده ممكن يجرلو حاجه ايه الجنان ده
وبعد شويه تليفون حازم رن .
حازم : الووو مين
الشخص علي الطرف الاخر : صاحب التليفون ده عمل حادثه علي الطريق السريع ، ووديناه المستشفي ، فخدنا تليفونو ورنينا علي اخر رقم كان متصل بيه ، انت تعرفو
حازم : ايه؟!!! ، طب هو مستشفي ايه
الشخص : مستشفي....( وقال اسم المستشفي )
حازم : ت..تمام سلام
مالك باستغراب : في ايه يا حازم
حازم بصدمه : فهد في المستشفي
مليكه وهي بتقوم بسرعه : نعم؟!!! ، طب حصلو ايه
حازم : مش وقتو يلا بينا علي المستشفي بسرعه
سلمي : هو في حاجه يا حازم
حازم بتوتر : ا...ا ، ل.. لا مفيش حاجه ، بصي يا سوسو في عربيه هتيجي تاخدك كمان ساعه علشان تروحي المدرسه الداخليه الي فهد قالك عليها
سلمي : هو عاوزني اتعلم واخد شهاده بس انا مش عاوزه انا عاوزه افضل معاه وخلاص
مالك : هو عاوز يعوضك عن الي فات وعاوزك تتعلمي وتاخدي شهاده عاليا ، وماتخفيش هتبتدي من الاول خالص
سلمي : ازاي هبدا من الاول ده انا عندي 30 سنه
حازم : فهد ليه علاقتو الخاصه الي هتخليكي تدخلي الجامعه في اي سن ماتقلقيش
سلمي : طب والمدرسه دي فين
حازم : في اسكندريه ، العربيه هتيجي تاخدك ، جهزي نفسك وخدي معاكي الي تحتاجيه علشان هتقعدي هناك فتره كبيره
سلمي : طب هو فهد فين اسلم عليه قبل ما امشي
مالك بتوتر : ف..فهد في اجمتاع مهم ومش هيعرف يجي
سلمي : خلاص ابقوا سلمولي عليه ، انا هطلع اجهز بقي
حازم : ماشي وكمل وهو بيبص لمالك ومليكه : يلا
وركبو العربيه وراحو المستشفي .
"""""""""""""""""""""""""""""""""""""★
في ڤيلا محسن الدمنهوري .
محسن : ايه؟!!! عمل حادثه
الشخص علي الطرف الاخر في التليفون : ايوه يا محسن باشا وفي ناس ودوه المستشفي ، كان غرقان في دمو
محسن : طب عرفتو مات ولا لسه عايش
الشخص : لا معرفناش ، الناس ودتو المستشفي محدش شاف هو مات ولا لا
محسن : طب روح المستشفي وهاتلي كل الاخبار من هناك فاهم
الشخص : تمام يا باشا سلام
محسن : سلام
سهيله : في ايه يا بابا
محسن : فهد عمل حادثه بالعربيه
سهيله بفرحه : بجد ، مات صح
محسن : لسه مش عارف ، شويه وهنعرف
سهيله بفرحه : يارب يكون مات خلينا نخلص بقي وتبقي جيت من عند ربنا
محسن : يارب
سهيله : الا قولي يا بابا ، لو فهد مات هتظهر بهوية سليم السيوفي تاني
محسن : اه طبعا ، هاخد كل الفلوس وبعد كده نسافر ونبني احنا امبراطورية الدمنهوري
سهيلة بحماس : ياااه ، يارب قرب عزرائيل منو
"""""""""""""""""""""""""""""""""""""""""★
في المستشفي .
مالك بقلق شديد : من شوية جية شاب في الثلاثينات عامل حادثه علي الدائري هو فين
الممرضه : اه يا فندم في اوضه 303 الدكاتره معاه فوق
مالك : شكرا
أنت تقرأ
أميرة الفهد
Romansأحبته بل عشقته وعشقت غروره الذي يكرهو الجميع وأدمنت غموضه وأحبت ان تعرف الكثير والكثير ، اصبحت هي ملجأه وأمانه ومصدر قوته ونقطة ضعفو وفتحت قلبه بعد ما اقسم ان لا يفتحه مرة أخري ويذوق من نفس الكأس مرة أخري ولكنها فتحته واصبحت تسكنه ولكن سيظهر شئ سيغ...
