وصل الكل القصر ودخلو وكان فهد ومليكه ماسكين ايد بعض ومالك وسيليا ماسكين ايد بعض وحازم حاضن شهد ومحاوط رقبتها بإيدو وماجد ماشي بيتسند علي مالك بتعب لكن عقلو معها مع الي نفسو انها تكون معاه وجمبو في الوقت ده .
دخلو كلهم القصر بعد ما فتحلهم الحارس البوابه الخارجيه وفتح فهد الباب الرئيسي للقصر .
فهد لماجد : علي مهلك ادخل اقعد ع......... وكمل وهو بيبص للي قاعد علي الكرسي الهزاز بارتياح شديد وبيشرب قهوه : بابا؟!
محسن وهو بيحط فنجان القهوه بهدوء وبيقف وبيفتح ذراعو لفهد : وحشتني يا واد يا فهد
فهد وهو بيقرب بصعوبه وبيحضنو : وانت كمان وحشتني اوي يا ب..بابا كنت فين كل ده وليه لما فوقت من الحادثه مالقتكش معاهم
محسن بتمثيل : والله يا حبيبي ما اعرف حاجه ولا حتي فتحت سوشيال ميديا ، بكلم عمك بالصدفه قالي الي حصل رجعت علطول وعمك كمان رجع
فهد : يعني عمي كان عارف
محسن بتوتر : ل..لا مكنش عارف بس كان بيكلم صاحبو وحكالو الي حصل وقالي فرجعنا علطول من فرنسا
فهد : فرنسا طيب ، امال فين عمي
محسن : طلع يريح فوق شويه وانا قولت استناك هنا ايه يا واد انت مش مسبوط اني جيت ولا ايه
فهد بتمثيل وتحمل علي نفسو : لا ازاي ده انا مبسوط اوي
فهد وهو بيبص لمالك نظره فهمها : طلع ماجد في اوضتك وخليه يبات معانا النهارده علي ما يبقي كويس
مالك بفهم : ماشي يلا يا ماجد
ماجد بهمس : ايه الحكايه
مالك بخوف : امل اختي فوق في اوضة سلمي اكيد الوسخ ده فتش في القصر كلو يلا بسرعه يا ماجد وكمل وهو بيفتح الاوضة الي أمل فيها : ام......
وفجأه لقي ورقة علي السرير مسكها وبدا يقراها .
الرساله : طنط حنان قالتلي ان في ضيوف جايين لفهد القصر تبع الشغل واننا لازم نمشي فكلمت حنين واديتني عنوان بيتك وروحت هناك انا وطنط حنان كلمتك كتير علشان اقولك بس انت ماردتش ماتقلقش عليا يا حبيبي " امل"
مالك بارتياح : اووووف الحمد لله ، خليك انت هنا واستريح علشان جرحك واحنا هنشوف القرف الي تحت ده علشان شكل الايام الجايه دي سواد
ماجد بتعب : ط..طب انزل معاك طيب
مالكو: لا خليك انت مش قادر
ماجد : حاولو تخلو فهد يتعامل عادي ويهدي علشان مايشكوش في حاجه
مالك وهو بيخرج : ربنا يسهل سلام
ونزل مالك تاني .
محسن بشك كبير : وانتي مين بقي يا حلوه
فهد بغيظ وعصبيه لكن اتكلم بهدوء وتمثيل : دي مليكه صاحبت سيليا خطيبة مالك
محسن: وخطيبة صاحبك بتعمل ايه في بيتك
فهد بهدوء : اصل كلنا كنا في المستشفي علشان كنا بنزور ماجد فهي جيت معاهم وانا اصريت اننا كلنا نتعشي مع بعض
محسن بهدوء وبدأ يبعد عن الشك الي في دماغو وان فهد فعلا ناسي : اااه اهلا وسهلا ، طبعا اتفضلو تعالي اسمك ايه
مليكه بعصبيه شديده وقرف : مليكه
محسن بخبث : طب بما انك ضيفتنا بقي واول مره تيجي بيت السيوفي لازم تنورينا شويه
مليكه بقرف ونظرة استحقار : شكرا الوقت اتاخر يلا يا بنات
محسن بتمثيل : كده هتزعليني منك يا لوكه
فهد بعصبيه فشل انو يخبيها : مليكه قالت اسمها مليكه
محسن : يا سيدي مليكه لوكه اي حاجه المهم تنورنا ، وانت انا عاملك القهوه بتاعتك
فهد وهو بياخد منو فنجان القهوه : تسلم يا بابا
أنت تقرأ
أميرة الفهد
Romanceأحبته بل عشقته وعشقت غروره الذي يكرهو الجميع وأدمنت غموضه وأحبت ان تعرف الكثير والكثير ، اصبحت هي ملجأه وأمانه ومصدر قوته ونقطة ضعفو وفتحت قلبه بعد ما اقسم ان لا يفتحه مرة أخري ويذوق من نفس الكأس مرة أخري ولكنها فتحته واصبحت تسكنه ولكن سيظهر شئ سيغ...
