وركب فهد العربيه وجمبو مليكه وسيليا ورا لحد ما وصل بيت مليكه .
مليكه بابتسامه : عاوز حاجه
فهد وهو بيدقق في ملامحها كأنو بيحفظها : عاوزك تخدي بالك من نفسك لحد ما نجيلك بكره
مليكه باستغراب شديد : هو في ايه انت مش طبيعي نظراتك ليا مش طبيعيه حتي وانت بتمسك ايدي ، في حاجه غلط ، مالك يا فهد
فهد وهو بيبوس ايديها : مفيش يا روح فهد يلا اطلعي علشان ترتاحي بكره اليوم طويل
مليكه باستسلام : حاضر
سيليا وهي ماشيه جمبها : انتي يا بت غاويه قلق نظرات ايه خليكي في المصيبه الي هتبقي فيها بكره
مليكه باصرار : وانا متاكده ان في حاجه غلط وكملت وهي بتفتح الباب بالمفتاح : هعرف بردو في ايه ، ادخلي ادخلي ا........ وكملت بصدمه : انت؟! ، ا.. ا.. انت دخلت هنا ازاي
اسماعيل : انا ادخل مكان ما احب يا قطه
مليكه بصريخ : الحقوووووووووني الحقوووووووووني
اسماعيل وهو بيمسكها بقوه وبيحط ايدو علي بوقها : اخرسي يا بتتتتتتت
مليكه بعياط شديد : ممممم ممممممم
سيليا وهو بتمسك السكينه الي كانت علي التربيزه الي جمبها : سيبها بدل ما هموتك
اسماعيل بسخريه : سيبي الي في ايدك يا شاطره
سيليا بصريخ : الحقوناااااااااااااااا
اسماعيل : اكتمي يا بت
سيليا وهي بتقرب منو بالسكينه : قولتلك سيبها بدل ما اموتك
وعلي الناحيه التانيه كان قاعد في عربيتو سرحان وفجأه سمع صوت صريخ طلع جري شقة مليكه .
فهد وهو بيدخل بسرعه : مليكه في ا...........
اسماعيل ومازال كاتم نفسها : اهلا اهلا بطلك جيه المنقذ بتاعك جيه اهو
فهد وهو بيقرب بهدوء مخيف : سيبها
اسماعيل وهو بيطلع مسدس وبيوجهو ناحية فهد : ابعد وكمل وهو بيسيب مليكه ومازال موجه المسدس علي فهد : ها يا حلوه تختاري ايه ، تيجي معايا ولا اموتلك حبيب القلب
فهد وهو بيقرب بهدوء ما قبل العاصفه : وانت بقي مفكر اني هخاف من البتاع ده
اسماعيل وهو بيرجع لورا : ا...ابعد هموتك
فهد وهو بيقرب اكتر : ما انا كده كده ميت ، يعني مش فارقه
مليكه بعياط ورعشه : ه...هاجي معاك مكان ما انت عاوز ب...بس بس ماتعملش فيه حاجه
اسماعيل : يبقي تمشي معايا من سكات
فهد وهو بيقرب اكتر : مين الي بعتلك بقي
اسماعيل وهو بيرجع لورا : قولتلك ابعد وكمل وهو بيضرب طلقه جنب رجل فهد وسط صريخ مليكه وسيليا : التانيه في دماغك
فهد وهو بيقرب اكتر وسط صريخ البنات وماتهزش من ضرب النار : ما احنا قولنا مره بقي انا كده كده ميت يعني اللعبه الي في ايديك دي مابتخوفنيش
مليكه بعياط شديد : و...والله هاجي معاك مكان ما انت عاوز بس ابعد المسدس عنو
فهد وهو بيقرب اكتر وبقي قريب جدا منو : هااا هتقول ولا ، وكمل وهو بياخد منو المسدس وبيقعدو في الارض وبيوجه المسدس علي دماغو : اموتك انا
اسماعيل برعب : ص...صلي علي النبي يا فهد باشا
فهد بصوت جوهري : عليه الصلاة والسلاااااام مييييين الي بعتكككككككك
اسماعيل برعب : م...م...م...محسن محسن الدمنهوري
فهد وهو بيغمض عينو بغضب شديد وبيضرب طلقه من المسدس في فازة الورد : محسن الدمنهوري ، وبعتك ليه بقي محسن الدمنهوري ويعرفك منين اصلا وايه علاقتو ب الي بينك وبين مليكه والي انت عملتو زمان في ابوها
اسماعيل برعب : ل...ل...لما جيت هنا اول مره م...مكنش في حد في الشقه ف...ف...فجيت انزل لقيت واحد وقفني وقالي انو عاوزني ر...ركبت معاه عربيتو وسألني انا مين حكتلو كل حاجه ف...ف...فقالي ا...ا...انو ع...عاوز ينتقم من مليكه وخطيبها ف...ف...فعمل قسيمة جواز بين مليكه وابني وقالي اروحلها تاني يوم واوريها القسيمه وبكده هعرف اخدها غصب عنها وكده هتكون تحت ايدو ب...بس القسيمه مزوره اقسم بالله مزوره ا...انا م...معرفش ايه الي بين الراجل ده وبينها او بينو وبينك كل الي قالهولي انو عاوز ينتقم منكو وان علاقتكو وقتها مكنتش كويسه بسبب حاجات عرفتها عنك فإداني فلوس علشان اعمل كده و...و...وهو الي قايلي اجي هنا النهارده اقسم بالله ا...انا ماكنت عاوز منها حاجه ا..ا..انا كنت جاي اول مره علشان ابتزها واخد فلوس بس والله
فهد بغضب شديد وصوت جهوري : تختفي من البلد وماشوفش وشك فيها انت فااااااهم لو لمحتك في حته تاني مش هتردد ثانيه اني اقتلك غوووووور
اسماعيل وهو بيجري بره الشقه : ح...ح...حاضر يا باشا
فهد وهو بيقرب من مليكه الي كانت بترتعش بسرعه : حبيبتي انتي كويسه
مليكه برعشه ودموع وهو بتهز راسها بأيوه : ..........
فهد وهو بيقعدها : اقعدي طيب خدي اشربي مايه وكمل وهو بيوجه كلامو لسيليا : اقعدي يا سيليا اهدو خلاص مفيش حاجه وكمل وهو بيطلع تليفونو : انا هكلم محمود اقولو يلغي كل حاجه
مليكه وهي بتمسك ايدو : لا لا لا اوعي تعمل كده
فهد وهو بيوجه نظرو لمليكه : لا لازم اعمل كده مش هتقدري يا مليكه بصي انتي عامله ازاي ده علشان سمعتي بس ضرب نار ، اسمعي كلامي مره واحده وبطلي عند
مليكه : اسمع انت كلامنا مره واحده ماتكلمش محمود انا كويسه انا بس اتخضيت مفيش حاجه
فهد : انا هكلم رجالتي يجو يقوفو تحت البيت لحد ما نجيلك بكره بدري
مليكه بابتسامه من وسط دموعها : ماشي يا حبيبي اعمل الي يريحك
فهد وهو بيقوم : انا همشي ولو حصل حاجه كلميني علطول فاهمه
مليكه بضحك علي حدته حتي وهو قلقان : حاضر
أنت تقرأ
أميرة الفهد
Romanceأحبته بل عشقته وعشقت غروره الذي يكرهو الجميع وأدمنت غموضه وأحبت ان تعرف الكثير والكثير ، اصبحت هي ملجأه وأمانه ومصدر قوته ونقطة ضعفو وفتحت قلبه بعد ما اقسم ان لا يفتحه مرة أخري ويذوق من نفس الكأس مرة أخري ولكنها فتحته واصبحت تسكنه ولكن سيظهر شئ سيغ...
