(( لين ))
استيقظت صباحا على صوت طرق باب الجناح ... نهضت من على السرير بنعاس وخرجت من غرفتي لأفتح باب الجناح ... فتحتها لأجدك .. قلت لي : مسافرة عشان تنامين ؟.
- شنو شسالفة ؟.
- الكل طلعوا .
- هففف شفيكم علي انتوا كله تطلعون وتهدوني .
- اكاني ماطلعت يالخبلة .
قلت بفرح : صج صج يعني مابتهدني .
- بهدج لو تأخرتي يلا دشي غيري ثيابج .
فتحت الباب اكثر وقلت : حياك .
دخلت للداخل وانا دخلت لغرفتي كي اغير ثيابي ... خرجت بعدها وانا متحمسة : يلا يلا وين بنروح ؟.
- بنروح نسوي شوبنق .
- واااو يلا يلا يلا قووم قوم .
- هههههههه .
خرجت انا وانت الى ( Via Condotti ) حيث يوجد به العديد من المتاجر الشهيرة لجميع الماركات ... دخلنا الى متجر ( valentino ) اردت ان اشتري حذاء كانت جميعها رائعة ولاسيما انني احب تصميم احذية فالنتينو سألتك : اي واحد اخذ ؟.
- كيفج .
- لو كيفي ماكنت سألتك .
- انزين خذي كل الي يعجبونج .
- امممممم اوكيه قوله ابي قياس 35 .
رفعت حاجبك وقلت : طفلة تلبسين خمسة وثلاثين !.
- هههههه شسوي قياسي جي .
اخبر البائع ولكنهم لا يملكون قياسي .. قلت : خلاص ابي 36 .
لحسن الحظ وجدت .. هذه هي مشكلتي في اختيار الاحذية قياسي السنفوري ..
... بعد ذلك دخلت معك لتختار ثياب لك من ( Hermes ) .. قلت لك : دش قيسيه وانا بنطرك .
دخلت وانا انتظرتك على كراسي الانتظار القريبة من غرف القياس .. خرجت وانت ترتدي قميص لونه اسود مع بنطال لونه بني .. نهضت ونظرت لك باعجاب ..
سألتني : شرايج ؟.
- حلو بس شوف وطي شوي .
اخفضت نفسك قليلا بدأت افتح ازرار قميصك قليلا ..
- يبيلك تشتري سكارف بربري ونظارة بربري .
- حبيت .. ماقلتي لي انج تهتمين فالمودا .
- ماسألتني .
ابتعدت عنك وانا احاول ان اقاوم نفسي كنت حقا جذاب ... خرجنا من المتجر وقمنا بجولة واخذنا مانشاء ..
دخلنا لمقهى ( Caffe Grecco ) الذي يقف من المدرج الاسباني الشهير ... جلست على الكرسي وقلت بتعب : اااه تعبت .
وضعت الاكياس على احد الكراسي وقلت : انتوا ماتتعبون من الشوبنق .
- لا هالمرة صج تعبت .
لم تجلس نظرت لك وقلت : انا بروح اتمشى شوي .
- وين تروح تونا كنا نتمشى !.
- بكلم سحر عندج مانع .
خيبت املي ظننت انك بدأت تفكر بي .. ولكنك دائما تتلذذ ببتعذيبي ...
تظاهرت بعدم المبالاة وقلت : خذ راحتك .
تركتني وخرجت من المقهى ... طلبت لنفسي فطيرة سيينزو وسبريسو ... الصور التي كانت معلقة على الجدران كانت صور مشاهير قد اتوا لهذا المقهى .. ايضا يوجد على جدرانه تاريخ تأسيسه عام 1760 ..
الان انت تحادثها تخبرها انك اشتقت لها .. تعبر لها عن حبك .. بدأت أأكل الفطيرة بقهر سمعت صوتك : شوي شوي مب جذي الناس ياكلون .
رفعت رأسي ونظرت لك بحقد .. جلست امامي ووضعت الكيس الصغير الذي كنت تحمله اخرجت منه علبة صغيرة من ) cartier ) فتحته كان به خاتم به فص الماس وخاتم ثاني بدون فص ..
سألتني : شرايج ؟.
اشتريته لها وتسألني عن رأيي !.. قلت : مب حلو .
- خلاص روحي غيريه انتي انا تعبت لين ماخترته .
قلت بغضب : انا شدخلني ؟.
- خاتمج .
قلت بصدمة : حقي !؟.
- نسيتي اني ماشريت لج خاتم .
ابتسمت لك ( فديتك ) : مشكور وايد وايد حلو وايد .
اخذت الخاتمان من العلبة وقلت : يلا عشان تلبسيهم .
اشتقت لملمس يدك .. وضعتهما في اصبعي وحقا اصبحت زوجتك ... ابتسمت بخجل وبقيت انظر للخاتم بفرح ... عدنا انا وانت للفندق حيث اوصلتني لجناحي .. وضعت الاكياس في الداخل .. قلت : انا بروح ارقد حدي تعبان .
- مشكور وايد تعبتك .
اقتربت منك رفعت نفسي على اطراف اصابعي اغمضت عيني وتجرأت وقبلتك ... فتحت عيني على صفعة منك على وجهي !!... امسكتني بقوة من ذراعي وانت تقول بغضب : مب معناها اني اسويلج كل هاي احبج قلت لج مرة والحين برد اقولها مستحيل افكر فيج وانا احب سحر افهمي عاد ماتغيرتي !.. بتمين بدون كرامة !.
سحبت ذراعي منك بقوة وصرخت : انا الي حسبتك تغيريت صرت انسان بس بتم جي عمرك ماتحس ... اكرهك .
امسكت بفكي بيدك القوية وقلت لي : ولا انا صدقيني كل الي اسويه لانج بنت عمي وخلاص .
ضربت صدرك وقلت : طلقني .
خلعت الخاتم ورميته عليك بقوة : طلقني .
- مابطلقج وبسج عاد اكبري لمتى بتمين بزر .
دفعتك بقوة : الله ياخذك انت وهي ان شاء الله .
صفعتني بقوة على وجهي وشديت شعري قائلا : لسانج بقصه لو ماسكتي .
انهرت وبدأت ابكي بقوة .. تركتني وخرجت جلست على الارض ابكي بقوة .. امسكت بوجنتي اتحسس مكان صفعتك ..
شكرا لقسوتك .. شكرا لأهانتك لي .. شكرا لكلامك الجارح .. شكرا لأنك تجعلني اكرهك ربما بسبب قد انساك لأنني اكرهك ...
او كما قال الشاعر محمد جار الله ( كرهني اكثر فيك بحاول ان اكره .. عندي شعور اني مع الكره بنسى .. )
