#නිල්වලාවට_ආදරෙන්...
පළමු දිගහැරුම
ගිනි මද්ධ්‍යහනේ ලොකු සී.ආර් පොතක් ඔළුවට උඩින් තියාගන තඩිම තඩි ස්කූල් බෑග් එකක් කරේ එල්ලගන පොත් දාපු තව කාඩ්බෝඩ් පෙට්ටි දෙකක් කකුල පාමුල තියාගන පැයක් විතර තිස්සේ මේ බලාගන ඉන්නෙ මගේ අපාය සහාය මිත්‍රයා වීල් එකක් හොයන් එනකම්...........බාටා දෙක නිසා කකුල් පවා පිච්චෙනවා... ඔළුවටත් රස්නෙ හොදටම දැනිලා
ඇදලම පාට ගෙවුනු අළුපාට ඩෙනිමේ ඉස්සරහ සාක්කුවට අතදාලා ගත්තේ පතුරු ගිහිපු මගේ රාජකීය බටන් ෆෝන් රාජයා.... අරුගේ හතර වරිගයම මතක් කරලා කොටන්න හිතුනත් මැසේජ් එකක් ඉවසා දරාගන
'පැටියෝ ඉක්මනට වරෙන් බන්..තොට මාව රෝස් කරන්නද ඕන....'
දඩිබිඩියෝ කොටලා..හනිකට ෆෝන් එක ආපහු සාක්කුවටම දාගත්තේ කවුරුහරි දැක්කොත් ඇතිවෙන විලිලැජ්ජැවේන් බේරෙන්න...
............... ඇගම දෙදරුම් කවලා වයිබ්රේට් වුන ෆෝන් එක ආපහු අතට ගත්තේ රිප්ලයි එක බලන්න.
" ඉවසපන්...මේ මග ඉන්නෙ "
අනේ තොගේ පච සුවර් එකට මූ මලක මගේ හිත කිව්වේ ඒ කතාව..නැත්නම් හන්දියට ගිහින් එන්න විනාඩි පහක් ඇති
ගිනි අව්වෙ ඉදන් ආපහු පාර බලන් වුන්නේ ඌ එනකම්... ඈත දිහා බලාගන වුන්න මම පාරේ එහා පැත්තෙන් දැක්කේ කුඩයකුත් දාගන සාරියක් ඇදගත්තු අම්මා කෙනෙක් පොඩි එකාගේ ඉබි කට්ටක් සයිස් බෑග් එක කරින් දාගන උගේ අතිනුත් අැදගන රස්නෙන් බේරන් සාරි පොටොන් ඔළුවත් වහගන යන විදිය......
හිත කීරිගහගනම ඒ දර්ශෙනත් එක්කම මගේ මතකේ දිව්වේ අවුරුදු ගානක් ආපස්සට.... මගේ අම්මා ළගට.. මේ ජිවිතේ සැබෑම අයිතිකාරිය ලගට.......... මටත් මතකයි අපේ ස්කෝලේ පලවෙනි දවසේ අම්මා මාත් එක්ක ආපු විදිය.... පුංචි දුෂ්කර ස්කෝලෙක කට්ට කාලා ඉගනගන අදත් මහ පාරෙම ගිනි අව්වෙ කට්ට කනවා... තණමල්විල ඉපදුණ මට මේ රස්නෙ මොකද්ද ඊටත් වඩා මම ජිවිත ගින්න උහුලලා තියනවා....වේලක් නොකා වේලක් කාපු අපිට මේවා කටුද...
මම රුසිරිනි දහම්සා.. කියවගන්න පොඩ්ඩක් අමාරු නමක් මට දාලේ මම කවදාවත් දැකපු නැති මගේ අප්පච්චිලු... අදටවත් අපි දන්නේ නෑ අපෙ අප්පච්චිට මොකද වුනේ කියලා.... ගෙදරට ආවේ සීල් කරපු පෙට්ටියක් ඒකත් කකුල් දෙකේ කොටි නිසා...අහිංසක මගේ අප්පච්චිගෙ ජිවිතේම විනාසයි... අප්පච්චි නැතිවෙන කොට මම අම්මගේ බඩේලු...ඉපදුන දවසේ ඉදන්ම ඒ නිසාම මට උරුම දුක ඒත් මහ ගොඩක් ආදරේත් එක්කම........අම්මයි අක්කයි මගේ ලෝකේම.. එයාලගේ එකම පැතුම මම.... ඒත් මගේ පිස්සු වැඩ.....ඒව පස්සට..
ŞİMDİ OKUDUĞUN
නිල්වලාවට ආදරෙන් || G×G
Romantizmවිටෙක ප්‍රේමය නම් ජීවිතයම වේ නමුත් යතාර්තය ඇස් කෙවෙනි අගට කදුළු එකතුවන සත්‍යය වටහාදෙන කල ප්‍රේමය ජීවිතයම කරගැත්තැවුන්ගේ ශෝකාන්තය ඔවුන්ගේ ආත්මයම විනාශ කර දමයි නමුත් ප්‍රේමය සැමදාමත් සැමකල්හිම කොහේ හෝ හදවතක ලැගුම්ගන අවස්ථාව එනතෙක් බලාසිටිනු ඇත. " මේ...
