بعد مرور اسبوع على موت ناصر
مراد كان في شركتو. ،،،،مكبوب على مجموعة تاع ورق يقرى فيها ...وفجأة يسمع صوت لباب يطبطب
مراد : تفضل
السيكريتيرة : سيدي فم واحد ..حاب يشوف حضرتك
مراد : شكون هذا ماقالش ليك على اسمو
السيكريتيرة : لا ياسيدي هو ماحبش يقولي ..نخلي يفوت عندك
مراد :وي خليه يدخل ورحي جيبي زوج فناجل قهوة
السيكريتيرة : حاضر سيدي
خرجت السيكريتيرة وقفلت الباب بالعقل من موراها
السيكريتيرة كانت لابسة جيب ميني وبدي مفصللها كامل جسمها ....كي خرجت بقى يخزرلها من الفوق للتحت بنظرة شهواانية ....
السيكريتيرة : تفضل سيادتك ..ادخل
الشخص : ههه مبعد عندي معااك هدرة ياحلوة..اسنيني
السيكريتيرة : هههه اوكي مبعد يلا فوت السيد يسنى فيك
الشخص :اوكي
دخل اك الشخص لعند مراد
مراد كان مهبط راسو ويقرى في الورق طلع راسو ..
مرااد :هذا ضراهو انت ...كالسبة خويا جيتنا ماك مقاطعنا ماظاهرلي
ادهم : هههههه خسارة عليك ياوليد عمي ....ولله الدم عمرو مايصير ماا كيما تعرف ونحن مهما بعدنا عليك مانجموش نبعدو ...الدم يعمل في مفعولو
مراد : يزي برك ما تتفلسف وانطق برك وش لي جابك
ادهم : تحب الصراحة ..توحشتك جيت نطل عليك وزيد سمعت بعمي ماات سامحني ..على كي ماحضرتش لجنازتو وربي يصبركم نشالله
مراد : نشالله ..اييه قولي واشو عمي لهاادي ..صحتو بخير برك موشو مريض
ادهم في قلبو كون جا يهمك راكم ماحرمتوش من الورث ياطحاحنة : ولله الحمدلله في الساعة لباس عليه مايشكي من شي ...وراه يسلم عليكم
مراد :ونتم لتوا مشكم مقررين ترجعو تسكن معانا ..اصلا وش السبة لي خلتكم ترحلو فجأة
ادهم في نفسو ماعلابلكش بلي انت وبوك حرمتونا من حقوقنا ياكلاب ؛ ولله ياولد عمي مانعرف ...انا كيما تعرفني مانحبش نربش برشا في الاموور هدو ..انا بخلاف شركتي ماعلاباي بشي اخر ...
مراد : وش شركتك راهي طالعة شويا ولا ناقصة
ادهم جبد تيلفونو وورالو نسبة النجاااح تاع شركتو كانت 66٪ طالعة
مراد : الله يبارك راكم متقدمين ياسيدي
يتبع ....
