❤️❤️❤️
مراد شافها عيطلها بأعلى صوتو كي شافها وهي طيح
مرااد: روزااااااا
روزا زلقت اما جاب ربي ماطاحتش في لبحر بقت متشبثة بالحافة تاع الجبل بيدها وهي خايف راح تموووت من الرعب
روزا: مراد بليييز بلييز طلعني راح نطيح ازرب
مراد راحلها يجري بسرعة وهبط على ركايبو ومدلها يدو
روزا كانت رجليها في الهوا حاكمة روحها بالسيف وتعض على شواربها من شدة الوجيعة :اييي خف خف اني راح نطيييح
مراد :ماتخافيش وهاتي يدك
روزا كانت تحاول تطلع يدها ماقدرتش :ااه ماقدرتش ،،،خايفة خايفة اه اه راح نموووت
مراد قلبو صايي طار من بلاصتو واك الاهتمام المزيف كامل رجع حقيقي ليها كان خايف عليها بلمجد
مراد : ماتخاافيش عمري تشجعي تشجعي اني معااك مدلها يديه وقربها منها
روزا عضت على شفاايفها من الوجيعة وبقت وتشجعت مدت يدها وخلت يد خاكمة بيها طلعتهالو بالعقل وهي جت راح تطيح ومراد يحكمها من يدها بسرعة ويجبدها عندو لصدرو كانت ترعش مسكينة راح تمووت من الخوف والدموع كانو مغطينلها وجها
مراد مام هو ولاول مرة حس بالخوف عليها حكمها من وجها وقربها منو
مراد : اشش خلاه خلاه ماتبكيش اروحي، ،،،
روزا وهي تبكي: كنت راح نمووت هنا وخزت للصخرة لي كانت لتحت وتخيلت روحها وهي تطيح عليه وحكمت جاااكات مراد وكبشت فيه ودفنت وجها في صدرو بخووف وهو مابيدو حيلة بادلها التحضينة وبقى يطبطب عل ظهرها بحنانة ويهدر معاها بالعقل باه يهديها لين حس بجسمها ترخف عرف بلي هدت بعدها عل صدرو شويا وخزر معاها مع عيونها ومع الدموع لي كانو هابطين ليها مع خدها
في قلبو: ياربي وش الشعووو ،،علاه راني خايفة عليها علاه نورمالمو نفرح كي نشوفها تتعذب
قرب من وجها ومسحلها الدمووع من عل خدودها باطراف صباعو: ماني قوتلك ماتقربيش زعما علاه ماسمعتيش لهدرة ،
روزا : ماكنتش نعرف لي راح نتعكل ويصري لي صرى توا اما خلاه توا صاايي ماعتش نعاااودها، ،،،ايا نروحو حاسة روحي تعبانة حابة نرتااح
مراد قودها من يدها :ايا نروحو نتغدو وبعدها نمشو نروحو
روزا :اوكي كيما تحب
مراد اداها لاقرب مطعم كان بالقرب من شط لبحر، ،،،كان يبان عليه من البرا تاع ناااس اكااابر يعني غير الاغنياء والناس لي تجي من الخاارج دخلو ليه عرضتهم ريحة المااكلة لبنينة
مراد:تفضلي سحبلها الكرسي وقعدة وهو راح للجيهة لي مقابلتها وقعد يخزرلها
بعد شويا جاهم القرصون وفي يدو كرني وقلم
مراد قالو وش يجيب وراح بعدها جابلهم كل شي طلبوها
روزا كانت حاشمة وكانت غير تمننقش من السلاطة خزرلها مراد ورفع حاجبو
مراد: كولي ماعجبتكش الماكلة تحبي نجيبلك غيرها
روزا :لا ولله تهبل هذو فيها براكة وعجبتني الماكلة خلاه
مراد : علاها راكي تاكلي مراد وقف من بلاصتو وراح قعد في الكرسي لي كان بحذا روزا
مراد:اسمحيلي نوكل مرتي بيدي ه
روزا حشمت خلاه ;لا خلي برك توا ناكل وحدي ماتعبش روحك
مراد: مكان لا تعب لا والو وايا حلي فمك ااااااام
براااافو شطوورة
روزا تاكل وحطت يدها عل فمها وتتبسم ليه بخجل
مراد مسحلها على جنب شفايفها نتشه تاع ماكلة بيدو وبعدها خزرلها في عيونها: وقتااه تولي عندي ونولي نوكلك كيمكا ااه ماعادش عندي صبر. ،،
روزا :مابقااش او قريب مي خايفة ترجع في رايك بعدما نولي مرتك
مراد في نفسو هههه راني متلهف غير على النهااار لي نشوفك فيه ونتي مذلولة نهاااار لين نشوفك صايي تذليتي وتكسرتي ومابقاااش فيك نرميك لبوك وجدك باه نحرقلهم قلبهم عليك كيما حرقولي قلبي عل بويا
مراد: ماتخاافيش راح تبقي طول عمرك في عينيا يا عينيا انتي
