😘😘😘
طلع لغرفة تاعو لقى مروى قاعد فوق السرير ودارت روحها تبكي ،،،،
مراد: مروى وشبيك شكون قلقك
مروى تفلقت بالبكا: روزا قلقتني وقالت عليا خاااينة 😭😭😭😭
مراد والشرر طلع في عيونو: وقتاه قاتلك
مروى :قبيلا كيما خرجت جابتلي لفطور وولت تسب فيا تطيحلي في لهدرة 😭😭😭😭😭
مراد ناض كيما الثور الهااايج : اليوم نوريلها بنت الكلب اما مشي توا بعدما يجي الضيف نتفااهم معاها
مروى ;😭😭😭😭😭
مراد وقرب منها ومسحلها دموعها وتحضنها وهي كي تحضنها مسحت دموعها وضحكت ههه في قلبها
مراد :اهدي خلاه توا نوريلها باه ماعادتش تدور بيك
وسمعو صوت الجرس تاع لباب :صاحبي وصل نوضي وجدي روحك ونا توا نروح نشوفو ونتي كي تكملي الحقيني
مروى:اوكي
######
كانت في الكوزينة وسمعت لجرس تاع لباب زعما راح تروح تفتح وبعد تراجعت وشافت مراد وهو هاابط ورايح يفتح لباب رجعت للكوزينة وقعدة
#####
مراد فتح لباب وشاف ادهم بكامل اناقتو ويضحك
ادهم :صباح الخير اصاحبي
مراد: صباح النور، ،،،تفضل تفضل ادخل
دخلو للصالة قعد هو وياه يحكو
مراد: واشكم شويا، ،،العيلة ياخي لباس
ادهم: مسلمين عليك وقالولك زورنا كاش نهاار مدامك مازلت هنا
مراد: نشالله في اقرب وقت نجيكم انا والمداام
ادهم: مبرووك عليك
مراد: الله يبارك فيك وشاف مروى كانت لابسة قندورة ميني المعري اكثر من المغطي حشم مراد مبعد مادارش للموقف اهمية وقالو
مراد :وهاي جت المدااام نعرفك عليها
ادهم وخزرلها
ومروى : السلام عليكم
كامل ;وعليكم السلام
مراد: مروي قربي جاااي نعرفك على ولد عمي لي كيما خويا ،،ادهم، ،
مروي وتخزر لادهم كي شغل ماتعرفوووش: تشرفت بيك سي ادهم بيك
ادهم: متشرف بيك يامدااام
مراد : وهدي مرتي مروى
ادهم :الله يبارك وربي يهنيكم اصاحبي
بعدها قعدو يحكو مع بعضهم ويتفاهم في امور الخدمة وكي كملو كل شي وتفقو
مراد :ايا نروحو نتغدو وغدوة نزيدو نكملو في الخدمة باقي التفااصيل تاع الشراكة متاعنا
راحو للصفرة لقوها معمرة من كل انواع الاكل وريحة المااكلة تشهي
ادهم ولاول مرة تعحبو ريحة الاكل كيما هكا :امممم ريحة تشهي شكون حظرة الماكلة ماتقولش ليا المداام مروي
مروى توترت ومراد خزر فيها وخزر في ادهم :لا خاطية مروي حضرتهم مرتي لخرى لي حكيتلك عليها ، روزا
ادهم في قلبو كان متشوق باه يشوفها شكون وكيفااش مدايرة: وويني مشني شايفها
مراد: في المطبخ ضرك ناديلها
عيطلها من خارج المطبخ روزا ارواااحي
روزا سمعاتو يعيطلها قلبها دق ربي تستر كانت كي غير بدلت روبتها بسبت تفسختلها من التطياب ولبست غوب حمراااا ناااار على شكل اغوب بلا اكمام وطويلة توصل لتحت الركبة بشوية وشعرها الاكحل خلاتو مفرود علي ضهرها عطاها منظر يهبل
كي سمعاااتو خرجت
روزا وماكانتش تعرف بلي معاهم حد راحت وقفة بعيدة شويا علي الصفرة ومابانتش لادهم
ومراد كان متلفت للجيهة لخري وموش شايفها
روزا بصوت مبحوح يذوب الحجر :وي حاجتك بحااجة
مراد ويتلفت ليها وهي قدمت لعندهم ووقفة كامل شافوها نبهرو من جمالها سيرتو ادهم ومراااد، ،،،اما مروى كانت بركااان راح ينفجر من الغيرة
روزا بحركة لا ارااادية رجعت شعرها لتاالي وخزرت فيهم في زوج واستغربت من ادهم لي كان اول مرة تشوفهم.. يتبع
