كان مقاري بطونبيلتو لفيمي قدام الجامعة هبط بكل وهر وشموووخ وكبرياء ...وهبطت اختو من الجيهة الاخرى
منى كانت لابسه روبا روز ميني فوق الركبه بشوية وشعرها كانت طالقاتو من مورا ظهرها ...منى تشبه لخوها مراد سيرتو في العيون ولون لبشرة ...كانت بيضة وناعمة كيما لي بيبي عيونها كبار ومعسلين يدو لعقل ...لطاااي رشيقة بيسك هي تكره السمن تحب تكون رشيقة ديما وديما تبع في حميات
....
مراد كان لابس بدله كحلة ولينات كحلة وكل شي اكحل غير القميص لي تحت الجاكيت كان اكحل ومفتوح على صدرو شويا ومكانش لابس كرافط
....
مراد بصوتو الجهوري :اسمعي ماكلاه الخلط من ومنا اكي في جامعة جديدة اعرفي شكون تخالطي تفاهمنا ..
منى تهز في راسها بايه
مراد يلا نا نمشي مبعد كي تكملي عيطيلي ولا عيطي لشمسو توا يجي يديك
منى : اوكي سوق بعقلك يعيشك توا قريب تتقلب بينا
مراد قبل مايركب في طونبيلتو نحى لينات متاعو وقالها ادخلي عقبي وماتخافيش عليا اني موالف نسوق كيمن هكا
منى : باهي باهي يلا باي
منى دخلت للجامعة
ومراد لبس لينات تاعو على الشمس وركب في لوطو متاعو وقبل مايديماري .....شاف روزا وهي خارجة مع صحبتها ورايحين للكاافي لي بحذا الجامعة ....بقى يتبع فيها بعيونو كالصقر ...كان في قلبو يرحي كيما الرحاااية كره وحقد تلمولو لكل في قلبو ....تفكر بوه
مراد : ولله غير نشويلكم كبدتكم كيما حرقتولي قلبي ولا مانكونش مراد ولد منصور الابراهيمي ...
بعدها شعل طونبيلتو وراح بسرعة كبييرة قريب يطير لين دار صوت فرا كي ديما وتاع الجامعة كامل لقو يخزر للغبار لي طالع بسبت طونبيلة مراد
.......
في الكافي
مروى : وشبيه البقلاوة متغشش ....
روزا : اخطينا منو ...وطلبيلنا كاس ما نبردو بيه قلوبنا ريقي شااح من الطريق
مروى : هههه ونتي علاه ماتجيش في طونبيلتك لي شراهالك بوك في لبااك
روزا : نسيتي بلي ماعنديش بيرمي ...مالقيتش لوقت باه نتعلم نسوق خلاه
مروى : مدامك تقري على تجاارة اعمال لازمك تتعلمي كل شي يا لالة ...
روزا : توا كي نكمل لكونترول ...نديرو اما توا ياربي نتولها مع لي كونترول ...مزالت سمانتين على طولهم وش راح يكملهم لينا
مروى : ايه عندك حق خيتي برشا ...ييي لحق الوقت اي التسعة ونص يلا نوضي خلي نمشو نعقبو
روزا :اصبري نجيب قرعة ما ونجيك
فيروزا راحت لمولا لكافي جابة من عندو قرعة ما ورجعت فيسع هزة صاكها ولحقت على منى لي كانت تسنى فيها قدام باب المدرج لي رايحين يعقبو فيه .....كان لغاشي كالنمل في الجامعة
