❤️❤️❤️❤️
من بعدما هبطت اختو ودخلت الجامعة ...هو بقى واقف من البعيد ..وهو يخزر معاها ومع عيونها كان لابس بدلتو لبلون وي وقميص ابيض من تحت لبدلة وماشط شعرو لفوق بالجاال ...مع مدااير الحية تاعو مطراسيها ....ولابس ساعة من افخم الماركات في يدو ...بقى يخزر معاها تقريبا ثلاثة دقائق مام هي بقت تخزرلو وهو فاق مع روحو بدل نظرتو وودور جا راح يركب في طونبيلتو وخزر فيها مرة اخرى وفي نفسو :قربت ساعتكم استنوني برك الما ندفعكم الثمن غااالي يااااقتاالةة
بعدها في كرهبتو ودار الصوت بسبت السرعة تاعو لكبيرة .....مشى ديراكت للشركة تاعو
####
هي استغربت من نظرتو ليها وبعدها مادارتش ليه حساب
مروى : راح لغالي رااح وادى قلبي معااه
فيروز: ابنتي ايا ندخلو وفكك من قسامو هو وين ونتي وين
مروى : وش. قصدك ..اه قصدك انا فقيرة مايخزرش فيا هكا قصدك اه اهدري
فيروزا :نتي مجنونة مكانش قصدي كيف هكا ...كنت تقصد بلي هو باين عليه وااعر ونتي عااقلة وزيد نتي ماتعرفيشو مليح ماكلاه تبني عليه احلام فارغة
مروى : اييه صح عندك حق
فيروزا : ايا ندخلو لا يقصونا
دخلو للفاك وكان شباب وبنات مختلفين حتى من البرى كانو كاينين في الجاامعة ...
كانت مزالت نص ساعة ويدخلو يعقبو
روزا راحت تحت شجرة وقعدة هي وصحبتها كانت قايلة تنحر ......
روزا : ميمي اني عطشت
مروى : ونا تاني مت شكون باش يجيبلنا نشربو
روزا : هههههه انتي
مروى : علاه نا علاه مشك انتي
روزا باهي باهي اني ماشية اقعدي هنا ماتتحركيش
مروى : جيبيلي معاك حاجة تتكل ولله كرشي فارغة طبطب من لبارح ماكليت والو
روزا : باهي
راحت روزا للفوايي تاع الجامعة باه تشري تلقاه معمر غااشي وخزرة تحوس كاشما تلقى واحد يبعلها حتى سمعت صوت واحد يعيطلها تلفتت ويايما عيون زرق بحر كان وشعرو مدايرلو الكيراتين ومطلعو لفووق مداير لحية خفيفة مع هو روجي يهبل في الزين
فارس : اختي تسحقي حااجة
روزا : وي نحب على قرعة ما ووحدة كرواصو ووحدة فيطاجي
فارس : اوكي راح جابلها وش قاتلو وجت خارجة لحقها
فارس : اسني دقيقة
روزا : وي خويا حاجتك بحاجة
فارس : ايه حاجتي بيك انتي
روزا : وتعرفني انا
فارس : باينة هذي فيها هدرة نعرفك اكثر مما تعرفي روحك وغمزها
روزا : ازرب قول وش تحب
فارس : اسمك فيروزا على ما اظن ولا راني غالط
روزا : ايه مشك غالط ازرب اختصر وش تحب
فارس : بصرااحة بصراحة من اول ماشفتك في الجاامعة عجبتيني وحاب ...
قصت عليه الهدرة : كملت هدرتك ...ايا بالسلامة واعتبر الموضوع هذا منهي ماتزيدش تعاودو اوكي يلا بااي
راحت
فارس : اسني فيروزا اسني
حبست ودارت ليه وشاافت البنات الكل يخزرولهم
روزا ؛ اه ربي سيدي وش تبغي مني اني قوتلك لا لا وشبيك ماتفهمش
فارس : علاه لا ...انتي مازلتي حتى ماتعرفينيش جربي وشوفي وش خسرتي
روزا : علاه فار تجارب انت حتى نجرب عليك ....شوووف حمبووك اخطااني مشني ناقصة وتزيد تحكي معايا مانتفاهموش فهمت وراحت
فارس كان باقي كالمخذر في بلاصتو لا تحريكة لين جاه صحيبو
امين ؛ وشبيك ارااجل ...اهااااو فيق وين رحت
فارس : دتهولي دتهولي يخرب بيتها
امين موش فاهم والو : شكون وزيد وش لي دتهولك
فاارس وهو يحط يدو على جيهة قلبو : قلبي قلبي كلماتو هي مكاش غيرها .....سحرتني بنظرة عيونها حتى من البراااءة بريئة مهما تحاول تعلي صوتها البراااءة هي هي عندها
امين : راك طااايح فيها غير شوفلك حل اصاحبي امين خزر مع ساعتو يياااا بدا الكونترول ايا نمشو وقص عليك من التخماام
فارس : روح توا نلحقك نجيب صاكوشتي من للفوايي ونلحقك
####
نعرفكم على فارس شاب مزياان وبقوص على اللخر تشوفو تقول موش دزيري تحساابو تركي يقرى في الجاامعة وفي نفس الوقت يخدم في الفواي تاعو لي في الجاامعة وحاط فيها خدامين غيرو يخدمو في بلاصتو كي يكون يقرى ويخلص فيهم بالطبع.. يتبع
