💎💎❤️❤️
في اليوم الثاني
كان مراد ناض بكري، ،لبس البدلة متاعو الرماادية لي عطااتو وساامة اكثر وسرح شعرو لفوق وريقل روحو بيا وبعدها هز مفتااحو وهبط، ، لقى كامل عايلتو مجتمعين علي سفرة لفطور.
شمسو: صباح الخير بخويا العرييس
مراد خزرلو بغضب وراح لبلاصتو وقعد: صباح النور صباح الخير الغالية
امو: صباح الورد اوليدي، ،،،
منى : وقتااه راح تروح تخطب
مراد: لعشوة شرب رشفة تاع قهوة بسرعة وبعدها شرب كاس ما وهز مفتااحو. وقبل مايخرج وجدو رواحكم لعشوة تمشو تخطبولي
امو: باهي اوليدي راني واثقة فيك علي ديكا ماسقسيتكش شكوون تكون
مراد: ايه المهم انا لازمني نمشي عندي خدمة ضرورية لازمني نقضيها فيسع
امو: باهي طريق السلامة وربي يكون في عونك اوليدي
خرج من فيلتو ورااح طول للطونبيلتو الكحلة ام دبليو ركبها وديرااكت راح لشركة بن سلطان
#$####
روزا: ماما اني حابة نمشي للشركة ماعليش
فوزية ; باهي روحي وادي الغدا معااك لبوك
روزا: اوك
راحت لغرفتها فيسع لبست روبا بالسيورا من لفوق كحلة وصندالة بيضا ومشطة شعرها كوتشوفال لفوق ودار قصة هبطتها علي جبهتها ودارت شويا روج علي شفايفها وبارفان وهزة صاكها وخرجت راحت للمطبخ هزت العلبة تاع الغدا لي كانت بورتمونجي هزتها في فيلي زرقة وخرجت رواحت للشوفاار قاتلو باه يوصلها للشركة تاع بوها
ركبت معاها ومكانش ربع ساعة وصلها دخلت بكل وهرة وشموخ وصوت طاالوها عامل رنة خاااصة في وسط الشركة مشيتها متنااسقة خلاه تالمو الصندالة عالية اما هي كانت تمشي بيها بكل رشااقة كالفرااشة، ،، عدت على سيكريتيرة بوها مالقتهااش
روزا: افف ويني هدي توا، ،،توا انا ندخل ولا خلي حتى تجي، ،اففف 🤔🤔🤔🤔🤦♀️خلاه توا ندخل والعمال على ربي
طبطت لباب ودخلت طوول
روزا: هااي باباتي توحشتك وجبتل وقبل ماتتكلم خزرت لقت بوها موشو وحدو وكان معاه مراد
روزا كي شغل بلعت لسانها كي شافاتو في قلبها : يايما خيتي وش الزين هدا الكل، ،مروا عندها حق بقلاوة صح فاقت من شرودها على صوت بوها
محمد هادي عادي وماتولهش: اهلا ببنتي وش لي جابك
مراد كان يخزرلها ويتبسم ليها ضحكتو سحرتها
روزا: انا اا ونست علاه جت وبقت تفكر حتي شافت الصاشية لي في يدها وتفكرة: ماما ماما قاتلي نوصلك الفطور ادا ماكان اسمحلي باباتي دخلت بلاما مستاذن باسكو مالقيتش السيكريتيرة
محمد ضحك: ماعليش اما اخر مرة تدخلي كيف هكا وخزر لمراد: اعذرني هدي تكون بنتي روزا ديما هكا
مراد خزر لروزا وخزرلو: عادي ماعنديش مشكل نا
روزا مشي فاهمة شي
مراد ونااض: المهم كيما تفاهمنا العشوة راني نجيب الدااار باه يكون في علمكم
محمد: مرحبا بيك اوليد ومرحبا بالعايلة الكريمة
مراد: بارك الله فيك ياعمي كي جا خارج خزر في روزا.خزرة غريبة مافهمتش وش يقصد بيها خزرتو وهو خرج وهي راحت قعدة في الكرسي لي كان قاعد فيه وبقت تشم في ريحتو في نفسها: يا ماما شكلي عشقتو البقلاوة هدا
محمد بإبتساامة ماحبش يخبرها بوالو: اسس روحي توا روحي وقولي لمك توجد الدار وتريقلها ملييح باسكو العشية جايينا ضياف
