😘😘😘😘
راحت فوزية للكوزينة باش تعيط لفيروزا
فوزية ; روزا ايا عيش بنتي هزي السنيوة تاع لقهوة وخشي عندهم
روزا :اوكي امي
راحت للمراية لي في الكوزينة ريقلت عليها روحها بلخف وبعدها راحت هزت السنيوة تاع لقهوة وامها خرجت وهي لحقتها تمشي بالعقل ،،، كانت حاشمة ومتوترة خلاه ملاحظة (هي الصباح كيما مشت لبوها في الشركة ماسمعتش مراد مليح كيما قال لبوها انا جايين وهي توا ماعلابالهاش بلي هو شوفو معانا وش راح يصرى )💎
راحت دخلت عندهم واول ماشاافتها ام مراد ناااضت
وهي تقول ماااشاء الله قمر الله يبارك
قربت منهم روزا وحطت السنيوة فوق الطابلة بلعقل وراحت سلمت علي ام مراد
ام مراد: ماشائ الله عليك يابنتي الله يحفظك من العين ياارب
روزا بخجل: يعيشك خالتي ربي يخليك
وراحت لمنى سلمت عليها وبعدها جت راح تقعد وتنخزها امها باه تروح تسلم علي عريس الغفلة لي ماتولهتش ليه من كثرة التوتر مام هو مكانش علبالو بيها اصل حتى فيقاتو امو بيسك كان مع تيلفونو
ام مراد: مراااد شوف ياااوليدي نوض سلم علي مرتك
مراد رفد عيونو من التيلفون يلقاها قدامو واقفة ياااي مانحكيلكمش مراد دااخ في زينها كي شاافها مي مابينش وقف مدلها يدو خمس معاها
وهي كي شافاتو تصدمت في نفسها معقوووول يكون يااه ربي في قلبها ضحكت وش الزهر الواقف لي عندي خمست معاه وتبسمتلو لين بانو غمازاتها لي في خدها وهو ذاااب مهما يكون قااسي وقلبو حجر بصح مستحيل يشووف براااءة روزا ومايلينش قلبو لاشتا طرف لازم قلبو يلين مام هو بلاما يحس ضحك لا اراديا
وقعد وهي راحت راح تقعد بحذا امها وام مراد نطقت
ام مراد: اقعدي بحذا خطيبك يابنتي
ياك علبالك بلي جينا باه نخطبوك اليوم لولدنا
روزا بصوت شبه واطي: ايه عبالي قاتلي ماما
ام مراد: هاوش راايك يابنتي موافقة
رزوا بخجل: رايي من راي بابا وجدي ولي يقولوهاانا موافقة عليه
ام مراد بفرحة: الله يبارك بنتي
محمد بفرحة: امالا من ضرك نقولكم كل شي مبرووووك
ام مراد: الله يبارك فيك
تنجم تخليهم يقعدو شويا وحدهم كشوفة شرعية من بعد اذنكم
الجد: ماعليشو نورمال وين راه لمشكل، ،،روزا روحي انتي وهو علي لجنينة واحكو مع بعضاااكم وحدكم شويا
روزا بخجل: حاضر جدو
وخزرت لمراد لي نااض وجاتها ريحتو خرجت وهو لحقها
وخلوهم هوما يحكو في باقي التفاصيل مع ام مراد
####
في الجنينة 🌸🌸
روزا بصوت مبحوح: تفضل اقعد
مراد كان يتصنع الطيبة وبلي راه حنين مي في قلبو كان مادذابيه مي في عقلو لا كان غير نار الانتقااام توكل فيه وتزيد تكره فيه فيها
مراد : ميرسي وقعد تفضلي ختى انتي اقعد
روزا قعدة بعييدة عليه
مراد رفع حاحبو: شبيك قعدتي فم
روزا: اه
مراد: شبيك مبعد تقول راح نوكلك قربي اني راح نولي راجلك ماكلاه تحشمي ولا تخافي مني
روزا ناضت وهي وجها احمر خلاه من الحشمة وراحت قعدة بحذاه
مراد وهو يمتع في عيونو فيها في نفسو : ولله وظهرت حلوة بنت الذين ههه راح نتسلى اكثر
مراد : طالعة شابة الله يبارك
روزا: يبارك فيك
مراد: تحبي تسقسيني على حاجة تفضلي
