❤️❤️❤️💎💎
في الليل على السااعة ستة قبلما يوصلو دار مراد في بيت روزا
فوزية: روزا البسي اجمل روبا عندك اوكي ماتبهدلينااش قدام الضيااف
روزا بإستغراب: علاه شكون هدم امي
فوزية بضحكة: جاايينك خطابة يابنتي
روزا بصدمة:خطاابة خطاابة تاع شنوا امي
فوزية: البسي البسي الضيااف عدهم جو ونااضت امها وراحت للغرفة تاع الملابس وخيرتلها فستاان احمر يلمع يهبل
فوزية: هااكي البسي هدا يخرج معااك يهبل
روزا: باهي امي هزت الفستان وراحت للدوش بدلت ولبساتو وخرجت جت روعة 😍😍😍
خرجت وهي تريقل فيه: ماما زعما جيت باهية
فوزية: اللهم صلي علي النبي تبارك الله علي بنيتي زين وحطة راكي نواارة يابنتي
روزا: ميرسي امي
فستان لي كانت لابساتو روزا كان من لفوق مزير على صدرها وعلي جنب وصط خصرها كان في بروش على شكل فرااشة مصنوع من الكريستال ومن لتحت جاااي مفرش كيما لغووب
لبست طالون ابيض وسرحت شعرها ريقلت روحها بيا خرجت كيما لبرنسيسا وبعد كي كملت
روزا: كملت امي
وسمعو صوت طونبيلا حبسو قدام لفيلة
فوزية: ام جو روحي للكوزينة وابقي فما وابقي شويا وادخلي ودخلي معاك لقهوة فهمتي
روزا: باهي امي
فوزية هبطت وراحت مع راجلها باه يستقبلوهم
كانت ام مراد واختو ومراد برك لي جااايين شمسو ماجاش معاهم
محمد: مرحبا مرحبا بيكم زارتنا البركة
مراد بصوت جهوري: الله يسلمك اعمي
فوزية: تفضلو تفضلو اوليدي وراحت سلمت علي امو ; واشك اختي صفا
ام مراد: الحمدلله رانا في نعمة
وراحت سلمت علي منى وبعدها دخلو للمجلس في الصالة الكبييرة وين كان الخيير ،،، الصالة كانت كبيييرة ةفيها افخم الصالونات دخلو قعدو
وبقو يحكو حتى جا الجد والجدة
فوزية: هدا شيخي وشيختي
الجد: مرحبا مرحبا ياوليدي
مراد كي شاف حد روزا زير علي قبضة يدو ورص على سنونو جا راح ينوض ويدير فيها عركة مي في اخر لحظة حس على روحو وتفادا الغضب متاعو وناض سلم عليه
الجدة ; واشكم اوليد واشك اطفلة اكم متهنين
ام مراد: ولله الا بخير ياحاجة يعيشك
الجد: الله يرحم المرحوم كان بزاااف غالي على قلبي، ،،كان كيما وليدي محمد بالضبط وربي الشااهد عليا، ، الله يرحمك اناصر
مراد في نفسو عيلة شااطرة في التمثييل تستااهل جائزة علي ابدااعها
بقو يحكو حتي نطقت ام مراد
ام مراد: نحن رانا جاايينكم علي امر خير ونضن وليدي راه خبركم مسبقاا، ، نحن جينا ليوم راغبين تمدولنا بنتكم لولدي مرااد على سنة الله ورسوله
مراد في قلبو رقتااه تفض برك هدي
محمد وخزر لبوه: انا راو ماعنديش مشكلة ومن عندي راني موافق ونتشرف بنسبكم اما الرااي لول واللخر للطفلة
الجد: ونا تان رايي من راي ولدي كيما قالكم نحن موافقين اما لازمنا نشاورو البنية السحا
ام مراد: ماعليش تمادولنا للطفلة نشوفوها
فوزية: اكييد دقيقة توا ناديلها
