روزا مخها حبس حتى ماعااادتش تنجم تقول شي من غير انا ولله بريىة .....انا مضلومة ولله مضلومة
المحقق : انتي قاااتلة وغدوة راح تتحاااكمي وأشر للبوليسية اديها للزنزانة وحبسيها
حكمتها من ذراعها وجبدتها معاها ودتها للزنزانة وحبستها وحدها بقت واقفة وهي تخزر المكاان لي ولت فيه ...قربت من السرير كان مصنوع من حديد وقعدة عليه وسمحت بدموعها باه اسييييل وفي قلبها : يااارب يااارب انصرني عليهم يااارب يارب ماليش غيرك يارب ...اظهر الحقيقة يااارب
وحطت راسها بتعب على السرير وغمضت عيونها وراااحت في الاحلام
#######
في القصر
صونا تيلفونو
مراد : الو
المحقق : مساء الخير يامراد حبيت نقولك برك باه غدوة تجي للمحكة باه تحضر محااكمة المداام تاعك
مراد : مشني جاااي بوغبار بيها ومن اليوم ماعادش عندي حتى صلة تربطني بيها كبا في نفسو : تستاااهل مجرمة كيما جدها
########
في النهاار الثاني جت وحدة من البوليسية فتحت الزنزانة لي كانة فيها روزا وكانت راقدة وقتها
الشرطية :نوضي نوضيييي
روزا ناضت مفجووعة : وش وش وش كاين
الشرطية : نوضي راح ندوك للمحكمة باه تتحاااكمي
روزا : تفكرة وناضت معااها ودارتلها الكلبشاات في يديها ومشت معاهم للمحكمة
وبعد نص ساعة وصلو للمحكمة ودخلت وهي تحس بشعوور الذل والاهااانة جامي توقعت راح يجي نهاار وتجي فيه البلاصة وتتحاكم على انها مجرمة
ادوها لبلاصة المجرمين وقعدة تستنى في قرار القااضي
تسريع في الاحداث
بعدما استجوب القاضي روزا وزيد شاف البصمات تاع صوابعها في السكينة وهي عيا يسقسي فيها وهي كانت غير ساااكتة وهذا لي زاد خلى لقاضي يتأكد.بلي هي مجرمة صح
#قرااار القااضي
حكم عليها القااضي ب15سنة حبس .....هي ملي سمعت قرار القاااضي فشلت خلااه رجليها ماعادتش قادرة تمشي عليهم وتشوفيهم جاايين لعندها حكموها زوج بوليسيات من يديها ودوها الكرهبة تاع السجنااا باه يدوها للسجن العاام
####
وبعد نص سااعة وصلوها للسجن ودخلوها في زنزاانة كانت كبييرة ومعمرة سجيناات وكانت مخصصة غير لنسااوين الزنزانة هديك ،
،،قبلما تخش عندهم نحولها لكلبشات وهي دخلت بعدها
وتشووف فيهم ويحكمها الرعب من نظرتهم ليها ،،،،،عندها حق حتي هوما مجرميين مخلطييين من كل الاشكاال ، ،،حتي شكلهم شكل مجرمين وسفاااحين ،،،،وحدة منهم كان باااين عليها هي لي تحكم فيهم ويترعبو منها ملي شااافت روزا ناضت وهي تمشي كيما الرااجل ،،،مسترجلة راحت لروزا ووقفة قدامها
السجينة: اهوووه شوفووو شكوون جتنا اليووم
وهي تأشر لروزا لي كانت واقفة وفجأة جتها القوة ونطقت : بعديني خليني نفووت
السجينة :ههههخ وكي مانخليكش وش راح تنجمي تعملي يعني
روزا: يابنتي فكينا من المشااكل وبعديني ولله ماني ناقصااتك لي فيا يكفيني هابعديني
السجينة: راكم تسمعو ياسااادة هدي مزالت ماتعرفنيش شكوون، ،،،،يلا عرفوها عليا ترا خلوها تعرفني انا شكووون ووش عملت ختي دخلت لهنا ووش عملت وانا هنا معاااكم
نطقت وحدة: قتلتي ربعة وخرجتيلهم مصااارينهم بالموس لبرا وزيد في السجن قتلتي ثلاثة وشوهتي لربعة بنااات وجووهم ويسموووك الجهنمية تاع السجن وتاع السجن كامل يطيعوك وينصااعو لامرك
الجهنمية: هااا وش توا سمعتي ،عرفتي انا شكوون ووش نجم نعمل اه قولي
روزا سيبون معاادش يهمها شي قررت تفرغ قلبها وتولي من ليوم وراايح دافع علي نفسها :ايه عرفتك ولعلمك مشك راح تنجمي تعمليلي شي بعديني توا خليني نمشي نرقد
روزا بكل برودة راحت حكمت بلاصتها كأنو ماصرى شي وتكسلت عل ظهرها وغمضت عيونها واك الشريرة بقت تخزرلها وهي معولة علي حاجة ،،في نفسها توا نوريك، ، انا لي جامي وحدة تحدتني تتحديني انتي ،،،،انتي لعبتي بالنااار اتحملي لي جاايك
