❤️❤️❤️❤️
في القصر
روزا كانت مازالت قاعدة في بلاصتها وهدرتو غير ترن في وذنها لضرك مشي مستوعبة لي قالهولها وتفكرة كيما قالها على المدام تاعو :تزوج عليا انا علاه علاه يعمل معايا هكا ياربي وش عملتلو طول عمري مانخبش ماندبش هو علاه جرحني علاه شعندي عملتلو انا ...اه يارب يارب فرج عليا بعدها مسحت دموعها بكف يديها ونااضت روزا كوني قوية واصبري بلاك ربي يفرج بلاك يكذب وموش متزوج عليا ايه باينة يكذب علبالي دايرها بلعاني فيا باه نتقلق منو ناضت ريقلت قندورتها وتبسمت تبسيمة تاع امل على امل انو مايكونش متزوج وراحت بدت في حملة التنظيف من الفوق للتحت كانت تنظف في القصر وهي ببطن فاارغ وتسمع في مصاارينها ترغي وهي تمسح في الدنيا
روزا : اه ياربي ماش نمووت من الجوع لازمني نمشي نطيب ونوكل قبل مانمووت من الجوع
بعدما كملت ادت ادوات التنظيف وحطتهما في المخزن وبعدها راحت ديراكت الكوزينة ...حوست في الثلاجة كاشما تلقئ ولقاتو معمر لحم وديسير وخضرواات جبدت جبدت شويا خضرة واللحم وبقت تخمم وش طيب
روزا : افف وش راح نطيب انا توا خلاه توا نطيبلو اي حاجة وهو دبر راسو
##$$$
في دزااير في فيلة بن سلطان ❤️❤️
محمد كان قاعد مع فوزية
محمد : خلاه ماتبكيش سير يكون الريزو مكانش عندهم ماتخاافيش
فوزية : قلبي قلبي حاس بلي بنتي مشي مليحة
محمد : اهدي اهدي مكان شي اصبري للعشوة توا نعيطلها ونخليها تحكي معااك
محمد هز تيلفونو وجبد رقم بنتو وعيطلها
في الجيهة لخرى
روزا كانت في المطبخ وتسمع في تيلفونها يصوني ورااحت تحوس عليه لين لقاتو في الصالة وين ظربها مرااد راحت رفدة تيلفونها فيسع ولقاتو بوها هزة فيسع
روزا : الو مساء الخير يابابا
محمد وهو يخزر لفوزية بفرحة : واخيرا يابنتي حكمتك وينك تقلقت عليك
روزا : ماكنتش هازة تيلفوني معايا وزيد التغطية ضعيفة لهنا برشا
محمد : ماعليش المهم راكي لباس برك
روزا وتفكرة مراد كيما قالها مانحبكش : ايه الحمدلله يابابا راني في نعمة تخصوني غير نت وماما
محمد : هاهي امك احكي معاها
روزا : ا كي
فوزية ؛ مساء الخير باكبدتي توحشتك الغالية ياخي لباس عليك مشك مريضة
روزا : لباس عليا ماتقلقيش روحك امي وزيد حتئ انا توحشتك امي
فوزية : راجلك وينو
روزا : راح يخدم امي توا مبعد يجي
فوزية : باهي باهي يابنتي المهم مانطولش عليك وتهلي في روحك ملييح اوكي
روزا : باهي ياماما مع السلامة
وكبت وتفلقت بالبكا وبعدها مسحت دموعها وراحت للمطبخ تكمل طبيخها
#####
في الفندق من افخم الفناااادق في امريكااا
تخزرلو من البرا برك تتسحر من شدة جمال تصميمو انا من الداخل تحفة ذهبية صح يجو ليه من كل بلدان العالم
في غرفة كبييرة كانت قاعدة فوق السرير وهي لابسة غير لبرنس تاع الدوش ومراااد قاعد قدامها
مراد : صح الدوش مرتي الغالية
قربت منو خلاه وهي تخزرلو بكل اغرااء وقعدة على حجرو : يسلمك حبي
مراد : راكي واجدة باه تمشي لدارك الجديدة
هي : بيانسييغ حبي حابة نكون قربك في أقرب وقت
مراد كان يحكي ويخزرلها في شفايفها وهي تخزرلو قربت منو وحطت شواربها على شواربو وباادلها القبلة وبعدها مين كانت قبلة ولت حواايج اخرين حكملها الحزاام تاع البرنس ونحاااهولها وهي حكماتو نحتلو قميصو ووووقبل مايروح فيها فااق مع روحو وبعدها عليه
مراد : تفكرة حاجة لازمني نروح نكملها ونتي وجدي روحك مبعد نعقب عليك نديك معايا للقصر تاعي
هي : اوكي حبي براحتك
نسنااك الليلة
مراد : نشالله بااي
هي : ههههههههههه واخيرا وليت ملكي يامرااد بيك جيتني بسهولة جيتني على طبق من ذهب وسهلتي عليا المهمة يعطيك الربح .....راح نولي غنية وراااح نولي أغنى سيدة على الارض بصح لازم نلعبو شويا نضربو عصفورين بحجر واااحد ياعيني على تفكيرك يامروى
😂😂😂😂😂😂
