شفتهم خلوها دير وش تحب وتفرغ قلبها وهوما من كثرة ماشافتهم الدمعة هبطتلهم من عيونهم ....
روزا وهي تقرب من حبيبها لي كان مزال مربوط بالاجهزة ومانحوشهملو ......:حبــيبي ....نوض احبيبي ....نوض نوعدك نسااامحك نوض خلينا نعيش مع بعضنا ونجيبو ولاد ونربوهم نا ونت خلينا نبدو انا ونت من جديد ماتموتش وتخليني انا ولله نمووت بلابيك نحبك اقلبي نحبك ورقدة على صدرو وهي تبكي وتضرب في صدرو نوووض احبي نوووض اربي رجعهولي ياربي رجعهولي .......ناضت من فوق صدرو وهي تشهق من البكاااا وجها تعمر بالدموووع مستلو وجهو تلقااه بااارد : حبيبي ردي عليا مرااااااااااد هاااااااااااااااااااا ماااااتموووتش ....انت وعدتني تفرحني كي تروح انت تروح فرحتي ....ارجع فرحني بيك ماتخلينيش وحدي في الدنيا نعاني ولله نلحقك
الممرضة قربت منها باه تهدئه وتخرجها بيسك كانت تشوفيها وهي تهدر بلا وعي وبهستيريا
وهي حطات يديها عليها ورزا صرخت عليها بقوة وبعدها عليها لين رجعت على لحيط وهي رجعت لمرااااد حطت راسها على صدرو العرياااان : حبيبي اك تسمع .توا علبالي راك تسمع فيا وبلي راك متغشش مني سامحني ورجعلي وروحك علبالي بيها راهي هنا دور بحذااايا ورااهي معااايا في قلبي .....ادخل لقلبي وشوووف شحااال عندي حب في قلبي ليك وهزت رااااسها وقربت منو وباااساتو من شفايفو وفجأة حست بيديها مست حاجة سخونة كانت يدوووو بعدة شويا وزيد سمعت الجهااااااز رجع صون بصح مشي كيما لاصونات لي فاتت هذي كانت اصونات منتضمة دليل على انو قلبو رجع ينبض الممرضين تصدمو وخرجو يعيطو الدكااترة وجو يجرو دخلو لعندو شااافو الجهااااااز تاع القلب رجع النبض فيه معتدل كامل تصدمو الدوكتور قرب منو وهو في حالة صدمة فتحلو عيونو وهو مشو مصدق لي رآه يشوف فيه بعينو لقاه رجع كل شي فيه طبيعي نبضو قلبو ضغطو وبلي رجع للحياااة وتخطى مرحلة الخطر
الدوكتورة : ياسبحاااان الله هذي معجزة بلحق ....ملي دخلت نخدم جامي صرت حالة كيمن هكا ....الحمدلله يارب وخزر لروزا لي كانت فرحااانة بالخبر وفي نفس الوقت دموعها هااابطين يلمعو كيما الشمس من الفرحة قربت منو وهي تبوس فيها وتتتحمل : نحبك ...نحبك .....ياروحي نحبك الحمدلله يارب على فضلك لي رجعتهولي
وخرجو الدكااترة والقو عليهم الخبر كان غير ناصر محمد وفوزية ومنى وسيتو كانو قاعدين في حالة صدمة اما شمسو كان مع امو في غرفة اخرى حطوها تتعالج بسبت الصدمة لي تلقتها
الدوكتوووور : نبشركم ببشااارة ...مراد بيك رجع للحياااة وهذي معجزة ....وانا رغم اني عندي تقريب ثلاثين سنة ونا نخدم هنا بصح جامي صادفتني حالة كيما حالة وليدك ....حط يدو على. كتف منصور وطبطب عليه : بالبراااك عليكم ....وشكرو ربي ليل ونهااار على لي رجعلكم ولدكم من المووت وممكن يكون الفضل للمداام روزا بفضل حبها ليه وتمسكها بيه قدر هو يسمعها ويرجع من الموت للحياااة والحمدلله تفضلو شوفوه توا يزيد شويا ويفيق
محمد والبقية كانو في حالة ذهوول ممزوجة بفرحة وصدمة ومخلطة
منى وقربت من باباه وهي تضحك والدموع من الفرحة
منى : باباا خويا عااايش مشني مصدقة هو عاايش رجعلنا خويا الحمدلله يارب عل. فضلك
ناصر : الحمدلله يارب ودخلو عندو لقو روزا متحضناتو وتبكي من الفرحة وبحذاها الممرضة
ناااصر ومحمد وفوزية ومنى دخلو عندو يطمنو عليه وناااضت روزا كي شافتهم وهي في عيونها بفرحة ومبسوووطة على اللخر خزرت في امها وبوها وناضت تحضنتها وهي تبكي من الفرحة
روزا : شفتي ياماما هو عااايش ماماتش حبيبي ماماتش ماراحش عليا ورجعلي
وتحركت يدو بالعقل وبدا يفتح عيونو بالشوية مكانش شايف شي بالدنيا مضبب
روزا بعدة عليهم
ناصر وقرب من وليدو : اه ياوليدي الحمدلله لي رجعتلنا ياوليدي وفتح عيونو وبدت تتوضح ليه الرؤية
روزا : تلفتت من وراه شافت في مراااد تلقاه فتح عيونو وهو يخزر فيها قربت منو بلهفة وكامل قربو منو والممرضة خرجت نادت على للدوكتوور بسرعة باه يجي يفحصو
روزا : الحمدلله لي رجعتلنا ....خوفتنا عليك كان ماعلابالكش
مراد بابتسااامة باهتة مكانش منجم يحكي بيسك مزال تحت تأثير المخذر من العملية
ناصر : الحمدلله على سلامتك ياوليدي .....قلقتنا عليك ...ومك مسكينة قريب ماتت علجالك ماعتش تخوفنا كيما هكا ياوليدي راك انت اغلى ما عندنا
مراد هز راسو بأيه وتبسم بألم
فوزية قربت منو : علبالك كي قالولنا بلي متي قلوبنا حبست ومابقاااش فينا كلنا تصدمنا وبالاخص امك المسكينة اول ماسمعها بالخبر دااخت .......يعيشك ياوليدي عود استحفظ على روحك وخمم في لي يحبوك ماتحرقش ليهم قلوبهم عليك
