💎💎🥶🥶🥶
مراد : اهدر وش المفاجأة لي راك تحكي عليها
الشخص وجبد تيلفونو : جيبوه لهنا
ووصلت طونبيل بحذاهم وهبطو منها زوج اشخاااص وزااد طلع منها واحد من لتااالي راااجل كبير في العمر يشبهلو خلااااه
مراد ملي شاف اك الشخص تسمر في بلاصتو وتصدم وبقا واقف في بلاصتو لا تحريكة لين فااق علي صوت اك الشخص وهو ينااديلو بولدي مرااد
الشخص : ولدي مراااد واخيرااا
مراد جا يتحرك مانجمش وبعد قوا روحو وراحلو يتحرك بالعقل حتي لين وصل لعندو وبقى يتأمل فيه وفي الشيب لي غطالو الرااسو موش مأمن بلي هداك هو بوه
مراد: باابا هدا انت مشني مصدق
بو مراد: لا لا صدق ياوليدي انا بوك واني حي نرزق والحمدلله
مراد :بصح انا شفت جثتك بعيني وانت محروووق كيفاااش هدي ماتتدخلش لعقلي ،،
بو مراد: اصبر واهدى خليني نفهمك في كل شي صري بالضبط.
مراد :وش لي صري احكي يابابا احكي وش لي صاار كيفاه اك النهار واليوم مشني مامن بلي انت بابا
بو مراد : انا بوك وعندي ضروف خلتني نختفي للاسف مانجمتش نبقي معااكم لاسبابي باسكو كنت كنت مهدد من طرف جماااعة من المااافيا ،،،هددوني وقالولي ياتخدم في الماافيا معانا ياعيلتك نذبحوها كامل ،،،انا مالقيتش حتى حل غير هدا الحل اضطرييت نعمل روحي مت باه هوما يبعدو عليا وينسو حكااايتي واليوم رجعت عخاااااطر وليت قوي واصبحت نجم ندافع عليكم
مراد موش مستوعب حتي كلمة من لي قالها غير يسمع وهو مدهوووش من الشي لي يسمع فيه: وبعدها نطق :والجثة المحرووقة والطونبيل هديك شني وش معنتها
بو مراد :هذيك خطة درتها انا وواحد صاحبي الشخص لي كان في الطونبيل مكانش انا ومكانش شخص حقيقي كان دمية تشبه لللانسااان في كل شي تحرقت ونا قلت للطبة باه ينعتو غير وجه الدمية باه تباان انسااان محرووق صح، ، واما بخصوص الطونبيل ،،،،زرعتلها جهااااز تاع تحكم من بعد وكنت نتحكم فيها من بلاصتي وخليتها تتقلب من خلال جهااازز التحكم وصري لي صري وبعدها انا سااافرت لايطااليا مع وااحد صاحبي وبدلت هويتي وكل شي وهدم الثلاثة يكونو لبودي قااارد واما باقي الحرااس خليتهم في قصري في ايطااليا لي بنيتو خلال الفترة لي غبت فيها عليكم علبالي بلي راك مدهوش من الشي لي سمعتو بصح هدي هي الحقيقة
مراد :وكيفاااش حتي ضهرتي توا وش السبب ياك انت مهدد ولا لا
بو مراد :وي انا مهدد اما لي هددوني سمعت بلي قضو عليهم كل ومابقاااش منهم حتي حد عااايش واما الزعيم تاعهم حكمو عليه في المانيا بالشنق ومات شنقا وانتهت مشكلتي وقررت بعدها اني نضهر ونرجع ليكم ونعيش عادي كيما ايها الناس
مراد وبدا يتفكر ةيستوعب ويربط في الاحداث في بعضاااها وبعدها خرج بإستنتاااج وقبل ما يكمل : تسما بو محمد مشو هو السبة لي في قتلك
بو مراد: لا شكون لي قالك بلي هو لي قتلني ،،،،ديجا هداااك حبيبي وهو لي كان يساااعد فيا في كلش من اول مابديت بشركتي، ،،،كانو نعم النااس معايا هدوك وزيد انت شكون هدا لي لعبلك بمخك وقالك بلي هو
مرااد وزاااد تصدم صدمة اخرى وبجرعة اكبر من لي قبلها، ،،،،حكم راسو بتعب بيديه في زوج وهو يدوور وينفث كيما الثور الهااايج تسمي انا ضلمت وحدة علجااال كذبة ،،،كلش كذبة كلش. ،،،،: بعدما سمعنا بموتك بنهاارات جاني اتصاال من رقم خاااص وقتها ماكنتش علبالي بشي وكي قالي الشخص هداك بلي عايلة بن سلطان هوما السبة انا الجنون ناضولي وماعتش نفرز بين الحق والبااطل وماتحريتش علي الشخص وصدقتو فورا ومن فم بدت رحلة انتقااامي من عاايلة بن سللطاان
بو مراد وهو مصدوووم من الشي لي عملو ولدو موش مصدق اللي هدا هو ولدو: اهدر وش عملت ليهم اتكلم
مراد: انا صدقت بلي هوما السبب في موتك وعملتلهم خطة في راااسي وبديت ببنتهم تزوجة بيها ووو
بو مراد :كمل ومبعد وش عملت للطفلة
وكمل مرااد حكاالو كلش وكيفااش تزوج بصحبتها باه يحرقلها قلبها وكيفاااش كان يتعامل معاها والضرب وختمها باخر نهااار كيما قالهم دخلوها للحبس
بو مراد: انت حمااااار مشك عبد وغبي كبيير ،،،،جامي توقعت تعمل كيمن هكا وتضيع بنت الناس من يدك اه ياربي علاه المسكينة ضلمتها مسكينة عادي بيها بريئة صغيرة ماتخبش مادبش حد ماتجرحو كنت متمنيها ليك صح مي توا ندمت علخاطر تزوجااتك ندمت بزاااف ياخسااارة رباايتي فيك والمشكلة زت دخلتيها للحبس
علاه دخلتيها للحبس
مراد: انا ماننكرش لي ضلمتها في اللول في كلش اما كي سجنتها ماغلطتش باسكوو هي ضربت مرتي بسكينة كانت تحاول تقتلها وللاسف قتلتلي ولدي ،،،،تستااهل
بو مراد: راك غاالط راجع حساااباتك وعااود فكر ملييح في كل شي درتو من اول نهاار معاها لاخر نهار حطيتها فيه في السجن وراجع مرتك لي خدعت صحبتها وتزوجاااتك خدم مخك ملييح وموش كل حاجة تشوفها لازم تكون صح
مراد ' : بصح هي كانت بصماتها في السكينة وهدا وحدو دليل قاطع عليها
بو مراد: اني قوتلك موش اي حااجة تشوفها لازم تكون هي الحقيقية وزيد ثبت من جديد في الحكاااية لأنورانا مستحييل نصدق بلي هديك البراءة الكل تنجم تقتل ،،هديك ذبااانة وماتقدرش تقتلها خلي يا انسااان
وعلبالي بيها بريئة وراح يجيك نهار وتندم وتكون وقتها خسرتها ووقتها موش راح ينفعك شي
مراد: وش نعمل انا توا راسي راح ينفجر من التفكيير مشني قادر نخمم في شي وانا صحبتها كنت راح نتزوجها نهارات ونطلقها مي كي شفتها متعلقة بيا وتحبني مانجمتش نخليها وقررت نكمل معاها
