Kasikas: Mga Balak Gikan sa Kasing-kasing

Inday, Ikaw Akong Kalipay

Pirming paminawon mo
tagubtob ning dughan ko,
duyog sa mga bitoon
sa kalangitan,
inday, ikaw ra gayud
ang akong kahangtoran.

Sa imong kiliran,
dili gayud ako mahanaw,
bisan mukalit ug kadulom
ang bidlisiw sa adlaw,
inday, sa imong gugma,
diha ra gayud ako natagbaw.

Magkuyog kita nga magbaklay
padulong sa atong kaugmaon
bisan maagian ang mga pagsulay,
magpabiling mahigugmaon
ug andam mubarog,
inday, dili ko mubuhi
kay kung wala ka, dili ko mabuhi,
maningkamot nga mulahotay,
kay sa imo ra gayud
nakaplagan ang tunhay
nga kalipay.