Kasikas: Mga Balak Gikan sa Kasing-kasing

Na-Fall Tungod Sa Sungog-Sungog

Kining akong giilang
maidlot nga mga barkada,
usahay makalagot ni sila.

Maulaw na nuon
ko'g duol sa imoha,
kay sige ra ni sila'g
pachar-char ug istorya,
ako sad intawon,
taman ra's pahiyom,
padili-dili aron di mahalata.

Kada mulabay ka,
ug makit-an ka ning
akong gaheart-heart
nga mga mata,
musinggit ra sila'g kalit
"Oy! Regards daw!"

Letsi oy!
Ako sad galibog na
kung madaot ba
o makumpleto
akong adlaw.

Pero bitaw,
deep inside,
lami na kaayo muambak
ug musyagit ba,
samot na gani'g
mu-smile sad ka's akoa.

Kay lagi,
maypa'ng buhok mapugngan
apan akong pagkagusto
sa imoha, di jud,
hilabi na nga kini
gauros-uros.

Pero timing
katong panahona,
nagkauban
ug nagkaistorya
ra jud tang duha,
ako sad ka'ng napangutana
ug didto akong nahibal-an
ang tinuod,
ataya jud
aning sungog-sungog!

Daghan jud diay nasakitan
sa bikog ba?

Kana ganing
abikog mao na jud ni,
naa na'y chance
pero haskang layoa
pa ba diay sa kamatuoran
nga magkakita.

Kanang abikog ikaw sad
naay feelings para nako ba,
pasabta daw ko
atong mga sandig-sandig
nimo sa akong abaga,
wala diay to'y meaning!
Wala diay?!

Ug kanang mu-smile sad ka,
ang pangutana
mayla'g para na's akoa?
Sige na!
Ako na!
Ako na ang dakilang assuming!

Maypa'g gisunod ko na lang
ang syagit sa akong mama,
kaysa sa syagit
sa akong kasing-kasing.

Shet!
Na-fall ko's sungog-sungog.

Pero ang mas sakit
abi nako'g kaming duha,
ako ra man diay ang naninuod,
kay siya
gasabay-sabay ra's ulog-ulog.