Dungan Ra Ta'g Move On

29 0 0

by lhordyx

by lhordyx

Kahayag sa bulan,
kangitngit sa dalan,
ang sauna nga grabe
mag-holding hands,
ilimnon na karon ang gigunitan.

Dandansoy inom tuba laloy,
dili kamo inom tuba pait,
pait kaayong kamatuoran
nga gihidlaw tika japun,
manghagad na la'g inom
sa barkada
aron maka-move on.

Si Pilemon, si Pilemon
namasol sa kadagatan,
nakakuha, nakakuha
ug isdang tambasakan,
ikaw pud si pilingon, si pilingon,
nangita pa'g laing isda,
abi ko'g contented na ka?
Wa ra ka gabai?
Naa ra man jud mabuyagan ba.

Leron leron sinta,
laro laro ra man diay ba,
dula dula lang gud
ako pud naninuod,
gipaasa ra diay sa wala,
tuo pud ko'g ma-forever na
diay, padung ra ma-hopia.

Pain pain de sarapen
de kutsilyo,
mura'g gidunggab ug kutsilyo
akong kasingkasing,
kay nibiya ka'g kalit
nga wa'y pananghid,
wa jud ko kasagang
sa imong pagyam-id.

Sayang pula, tatlong pera,
sayang puti, tatlong salapi,
sayang jud!
Sayang kaayo ang tanan,
sayang atong mga pangandoy,
maong mag-inusara'ng
kab-uton ko na lang.

Magdungan ra ta'g move on ninyo,
ayaw tawon mo pag-unauna
gibyaan na gani ko niya
kamo pud mawala pa.

Sa tanan nituo nga ang gugma
niya para's imo,
mura'g pusil nga wa'y bala,
kay di ma-bangbang,
magdungan ra ta'g move on ninyo.

Sa tanan nituo nga di na siya
kay matarong na siya'g eskwela,
kay lagi daw iyang motto,
"Study first before you enter
the kingdom of love",
apan pagkasunod semana,
naa nama'y lain ka-hughug sa kalsada,
magdungan ra ta'g move on ninyo.

Sa tanan nituo nga ikaw
iyang happy pill,
apan diay pain reliever ra ka,
ug siya toa na
happy meal na's uban,
magdungan ra ta'g move on ninyo.

Sa tanan nituo nga kamo
na jud hantod sa hantod
apan di diay ganahan
ang iyang ginikanan,
kay mahadlok,
unya kamo magminyo na,
naa pa ra ba'y mga manghud
nga paeskwelahon niya,
ug ikaw nga gugmaan,
apan angay na jud siya'ng buy-an,
kay gikapoy na ka'g sabot,
gikapoy na ka'g sambat,
gikapoy na ka'g away
kay sige'g pangaway iyang ginikanan,
magdungan ra ta'g move on ninyo.

Sa tanan gibinuangan ra
aning letsing gugma'ng ingon nila,
magdungan ra ta'g move on ninyo,
ayaw mo'g pamiya.