Kasikas: Mga Balak Gikan sa Kasing-kasing

Pagbisita

Niadto ko, nibisita sa lugar 
Kung asa mi una nagkita;
Mao ra japun, 
Ang mga kahoy ug mga bulak
Nagasambit sa among gugma
Nga hain pa man dili jud mawala.
Siya akong kalipay
Sa pagmata ko matag-buntag,
Tunhay nga kasingkasing
Sa iyaha, akong ginapamatyag.

Nikuha ko ug papel,
Aron magsulat ug balak para kaniya;
Maot man paminawon, apan
Akong buhaton nga patsyada.
Nitan-aw ko sa blanko nga papel,
Naghuna-huna,
Ug sa dihang nakahinumdum hinuon ko,
Unsaon man diay nako pagsulat sa balak;
Nga ang bolpen iya man diay'ng gidala,
Adtong minglakaw na siya ug una.