Kasikas: Mga Balak Gikan sa Kasing-kasing

Pangga

Pangga,
ikaw pagaampingan ko,
ang pirming ginahunahuna
sa pagmata sa kabugnaw
sa kabuntagon,
ug sa dayong
pagtulog sa gabie,
ikaw ra pirmi.

Pangga,
wa na akoy lain pa'ng
gihandom nga makauban
hantod aa mapanaw
ning kalibutan,
ikaw ra gayud,
ikaw ra pirmi.

Apan pangga,
kung imo man
ganing tapuson
ang atong gianam-anam
ug panday nga haligi
sa atong mga pangandoy,
maypa'g iingon mo
na lang daan
aron di ra dugay
nga ako masakitan
ug ikaw dayon
akong makalimtan.

Busa pangga,
adisir nimo
ihatag ang tigayon
nga mag-ambit kita
sa atong gugma,
hunahunaa usa'g tarong
kung ikaw andam na ba
sa akoa muuban
hantod sa atong mga buhok
mapuno na's mga uban.