Kasikas: Mga Balak Gikan sa Kasing-kasing

Kon Wa Nay Gugma

Kon wa nay gugma nga mahikaplagan ko
nganha sa pagsubang sa adlaw sa kabuntagon,
dili angay gayud nga ikaw mao ang basolon
kay anaa man ang kasaypanan kanako.

Ako ang kapakyasan sa mga matam-is mong damgo
ug usab usa ka uyamot nga gani gipaminsar mo,
ang dila ko man nagasulapid sa imong gipamulong
kon mao na kini ang kaputlanan, ako nga dawaton.

Kon wa nay gugma nga mahikaplagan ko,
gikan sa kasing-kasing mong gayud mapaubsanon,
dili angay sa imo ibasol ang mga kaluhaan
kay ang kalipay wa mo natagamtaman.

Apan ang kagahapon pagahatagan ko sa pag-amping
aron di mawagtang, bidlisiw sa paghinigugmaay nato,
wala mo man namatyagan mga pag-antos ko karon
ikaw gihapon, bisan wa nay gugma nga mahikaplagan ko.