Kasikas: Mga Balak Gikan sa Kasing-kasing

Gibuhat Ko Ang Tanan

Gibuhat ko sauna
ang tanan
mapaako ka lang.

Apan sa wa damha,
nausab ug kalit
imong tinagdan.

Nibiya ka
sa akong kiliran,
imo kong giilisdan.

Kulang pa diay
ang ipailaila ka
sa akong ginikanan?

Hain naman
imong mga saad
nga di ka mubiya?

Apan di nako
mamugos sa imoha,
kung di na jud ka.

Kay buhaton ko
na lang usab ang tanan
makalimtan ka lang.