Kasikas: Mga Balak Gikan sa Kasing-kasing

Dakong Balay

Hahay...
anaa lagi koy dakong balay
apan wala gayud tawoy
bisan jutay'ng kalipay,
walay oras nga dili
maglantugi
hiniktan ang kalinaw
ug dili gayud makaipsot
sa pisi

dako lagi ug balay
apan wala gayud gugma,
dako nga balay
apan ang kagubot
dili gayud
mahilona,

daghan lagi nga kwarta
nga natagamtaman
ning mga kamot
apan pubri ra gihapon,
magasige lang sa mug-ot
daghan lagi ug suga
nga makit-an
apan kung tarungon
ug lantaw
ngit-ngit pa sa alkitran

maypag wala nalay
dakong balay,
kung ing-ani man galing
maypag wala nalang,
kung mao ra kini ang
makasamad sa akong
kasing-kasing.