Kasikas: Mga Balak Gikan sa Kasing-kasing

Para Sa Gibulagan Ug Uyab

Maypa'g magtarong
na'g skwela,
gibulagan na gani,
mabagsak pa jud ka.

Ayaw sige'g paminaw
sa mga kanta'ng
makapahinumdon ra
sa inyong kagahapon,
ayaw na i-torture
imong kaugalingon.

Limti na siya, bogo to,
gibayloan niya,
ang tao'ng grabe mahigugma.

Ana man gyud na,
kung kinsa pa'ng nagtinarong,
mao pa'y binuangan.

Ayaw palabi'g
padungog-dungog
ug mga quotes,
sa imong mga post,
move on in silent mode.

Pasagdii na to siya,
iya na kang gipasagdaan,
ayaw palabi'g stalk,
ikaw ra'y masakitan.

Ayaw pahalata niya
nga bitter ka,
ipakita nga
mabuhi ra ka'ng wala siya,
ipakita nga
kaya ra, bisan sakit pa.

Muabot ra lagi ang panahon,
maka-move on ra ka,
nilung-ag gani malimtan,
siya pa kaha.