သောက်ရင်းစားရင်းနဲ့ ခနဆိုပြီး အိပ်ပျော်သွားကြတာ ဦးလေးကြီးနှိုးမှသာ နိုးကြသည်။
"သားတို့ ရေထဲဆင်းကြတော့လေ အိပ်လှချည်လားကွ"
"ဟင်....ဟုတ်......ဘယ်အချိန်ရှိပြီလဲ"
ဇင်ဇင်ကအရင်ဆုံးနိုးသည်။
"၄နာရီခွဲနေပြီလေကွ ဦးလေးကြီးကထမင်းသွားစားလိုက်ဦးမယ်နော်"
"ဝါး...... ဟုတ်ကဲ့...."
ဇင်ဇင်က သမ်းနေရင်းပင် ဖြေလိုက်သည်။ ထို့နောက် လူသူဇင်ဇင်တို့ကိုပါ နှိုးလိုက်သည်။
အဲ့တော့မှ အကုန်လုံး အကြောဆန့်ကြ၊ ဇက်ချိုးကြလုပ်နေကြသည်။
"ကဲ ဘောကွင်းငှားပြီး ဆင်းကြမယ်ဟေ့"
စားပွဲပေါ်ကရေဗူးကိုယူသောက်ရင်း သူသူကပြောသည်။
"အဝတ်မလဲကြတော့ဘူးမို့လား"
ဇင်ဇင်လေးကမေးလည်းမေး သူရဲ့အပေါ်ထပ်ရှပ်အင်္ကျီလက်တိုကိုလည်း ချွတ်နေသည်။
"လက်ပြတ်နဲ့ရေထဲဆင်းမှာလား မင်းက"
"အေးလေ ဘာဖြစ်လို့လဲ အသားမဲမှာကြောက်နေတာလား"
"နည်းနည်းပေါ့ ငါကတော့ ဒီအတိုင်းပဲဆင်းမယ်"
"လူလူရယ် မင်းကဖြူပြီးသားပဲဟာ"
"ဘာဖြစ်ဖြစ်ကွာ လာ...ဒိုးကြမယ်"
သူသူဇင်ဇင်က ဘောကွင်းသွားငှားနေသည်မို့ ကိုယ်ရယ်ဇင်ဇင်လေးရယ်က ရေထဲဆင်းရင် သောက်ဖို့ဘီယာယူနေလိုက်သည်။
ချောင်းသာမှာ လူအများဆုံးအချိန်လို့ ပြော၍ပင်ရသည့် သင်္ကြန်ကာလ။
မနက်မိုးလင်းကနေ ညမိုးချုပ်အထိ လူကပါးမသွား နေ့လည် ၁၁နာရီကနေ ၃နာရီလောက်အထိ လူပါးပေမဲ့ လုံးဝမရှိနေတာမျိုးတော့မဟုတ် ရေထဲဆင်းနေသည့်လူများ ရှိနေတာပဲပင်ဖြစ်သည်။
အခုလည်း နေကတော်တော်ပူနေတုန်းပင် ဒါပေမဲ့ ရေထဲဆင်းလိုက်ရင် ပူတယ်ထင်တော့မှာမဟုတ်။
ကမ်းခြေဆိုသည်မှာ ဒီလိုပဲမဟုတ်လား နေပူလေပူအဲ့တာကိုမှ ရေငန်နဲ့တွေ့ အသားတွေမဲပြာလာရော။
YOU ARE READING
fan boy's idol clone
Romanceidol နဲ့ဆင်လို့ သတိထားမိရာကနေ အချိန်ခနလေးအတွင်း သဘောကျမိသွားတာမျိုး... ဇူဇန် ရင်းနီးခါစတုန်းက ကိုယ့်စကားနားထောင်လို့ ရိုးရိုးလေးသဘောကျတယ် နောက်တော့ခံစားချက်တမျိုး ပြောင်းလာပြီးသဘောကျတယ်...
