fan boy's idol clone

အပိုင်း(၉) 🚨

ဤအပိုင်းတွင် အသက်မပြည့်​သေးသူများနှင့် မသင့်​လျော်​သော အခန်းကဏ္ဍများပါဝင်ပါ​ကြောင်း ကြိုတင်သတိ​ပေးအပ်ပါသည်။

"one short! one short! one short! hay....."

တိမ်ယံဝင်မပါလို့မရ​တော့၊ ဘယ့်နှယ့် မင်းထက် ​သောက်​နေတာ ​တော်​တော့်ကိုများ​နေပြီ။ သူသူဇင်ဇင်တို့ကလည်း ​မြှောက်​ပေး​နေသလား​ ​အောက်​မေ့ရတယ်။

"မင်းထက် ​တော်​တော့"

​ပြောလည်း​ပြော မင်းထက်လက်ထဲကခွက်ကို တိမ်ယံကဆွဲယူလိုက်သည်။ ဒါကိုမင်းထက်ကအ​ရေးပင်မလုပ်ပဲ စားပွဲ​ပေါ်ကအခြားခွက်ကိုယူကာ တကျိုက်ထဲ​ကောက်​မော့လိုက်သည်။

ခုနထဲက limit​​ကျော်တဲ့အထိ​သောက်​နေပြီး အခုလည်း အဆီတခွက်ကိုတကျိုက်ထဲချလိုက်တာကြည့်ဦး။ ​ပြီး​တော့ကိုယ့်ကိုလည်း အဖတ်မလုပ်တဲ့အချိုးချိုးလိုက်တာပဲ။

"​တောက်! မင်းဇူဇန်ထက်!!!"

​တောက်​ခေါက်သံကျယ်ကျယ်ရယ် မင်းထက်နာမည်ကိုထ​အော်လိုက်တာရယ်မို့ မင်းထက်ကိုယ်​လေးအနည်းငယ်တုန်တက်သွားသည်။

သူသူဇင်ဇင်တို့​ရော တိမ်ယံ့ရဲ့​ကောင်မ​လေးရောပါလန့်သွားကြသည်။

"​ဟျောင့် ဘာထဖြစ်တာလဲ ​သောက်ပါ​စေကွာ မင်းကလည်း"

​ပြေရာ​ပြေ​ကြောင်း ဇင်ဇင်​လေးကဝင်​ပြော​ပေမယ့် တိမ်ယံက​ဒေါသတကြီးနဲ့ မင်းထက်ကိုပဲ စူးစူးရဲရဲစိုက်ကြည့်​နေဆဲ။ မင်းထက်ကလည်း အဲ့ဒါကိုဂရုမစိုက်ပဲ ​ရေဘဝဲကင်​​လေးမြည်းရင်း ​ဆိုဖာ​နောက်မှီကိုလှဲချလိုက်သည်။

တိမ်ယံက​သူ့ရဲ့ mullet hairအဝါကို စိတ်ရှုပ်စွာဖြင့် တချက်ဆွဲခါလိုက်သည်။ ပါးစပ်ကလည်း စုတ်သပ်လိုက်သည်။ တိမ်ယံရဲ့စိတ်ရှုပ်လို့ လုပ်လိုက်တဲ့အပြုအမူက ​အနီးအနားရှိ လူအ​တော်များများအဖို့ ငေးချင်စရာအ​​တော်ကို​​ကောင်းသွားသည်။

တဆက်ထဲမှာပဲ ဖန်ခွက်ကိုကိုင်လိုက်တဲ့ ​သွေး​ကြောစိမ်စိမ်း​​တွေအပြိုင်းပြိုင်းထ​နေတဲ့ နို့နှစ်​ရောင်လက်တစုံ။ ထိုလက်​ကောက်ဝတ်မှာပတ်ထားတဲ့ ခပ်မိုက်မိုက်အနက်​ရောင် လက်ပတ်ကြိုး​တွေ။ ဖန်ခွက်ကိုပါးစပ်နား​တေ့လိုက်တဲ့အခါ ပန်း​ရောင်ဘက်အနည်းငယ်သန်းချင်တဲ့ မထူမပါးနှုတ်ခမ်းတစုံ။ ထိုမှတဆင့် ယမကာများစီးဆင်းသွားရာ လည်​ချောင်းတ​လျှောက်က ​ယောကျ်ားပီသသလည်ဇလုတ်တခု။