fan boy's idol clone

အပိုင်း(၁၂)

ည​နေ​ဆောင်းတဲ့အထိ မင်းထက်ဆီက​နေအဆက်အသွယ်မရတာမို့ လာခဲ့လို့ရမလားသာ smsပို့လိုက်သည်။ ခနအကြာမှာပြန်ဝင်လာတဲ့ messageကိုကြည့်ပြီး ထွန်းနဲ့ကိုနှစ်​ယောက်သားဆိုင်ကယ်​သော့ဆွဲကာ ထွက်လာခဲ့ကြ​တော့သည်။

မင်းထက်အိမ်ကလာ​နေကြမို့ ခြံတံခါးဖွင့်ကာဝင်လာလိုက်ကြပြီး အိမ်တံခါးဘဲလ်တီးကာရပ်​စောင့်​နေတုန်း ခြံထဲကိုပြိုင်ကားအဝါ​လေးတစ်စီးဝင်လာကာ တိမ်ယံကကားထဲမှဆင်းလာသည်။

"ထွန်းနဲ့ကိုပါလား အိမ်ထဲဝင်ကြ​လေ"

"အိမ်ရှင်ကမှလာမဖွင့်​သေးတာ ဘယ်လိုဝင်ရမလဲ"

"ဪ ခန​လောက်ဒါ​လေး​တွေ ကိုင်ထား​ပေးပါလား"

တိမ်ယံကသူ့လက်နှစ်ဖက်အပြည့်ဆွဲလာတဲ့ Ruby Martတံဆိပ်နဲ့အိတ်​တွေကို ​ပေးလာတာမို့ ထွန်းကကိုင်ထား​ပေးလိုက်သည်။ ထို့​နောက် သူ့အိမ်သူ့ယာလိုမျိုး အေး​အေး​ဆေး​ဆေးနှင့်ပင် passwordရိုက်ကာတံခါးဖွင့်လိုက်ပြီး ထွန်းလက်ထဲကအထုပ်​တွေပြန်ယူကာ အထဲဝင်သွားသည်။ ထွန်းနဲ့ကိုလည်း တ​ယောက်မျက်နှာတ​​ယောက်ကြည့်ကာ စိတ်ထဲမှာပြိုင်တူရွတ်လိုက်ကြမိတာက ဘယ်လို​တောင်လား။

အိမ်ထဲ​ရောက်​တော့လည်း တိမ်ယံကမီးဖိုခန်းထဲဝင်ကာပစ္စည်း​တွေထား​​နေတာမို့ သူတို့နှစ်​ယောက်ခမျာ ဆိုဖာ​ပေါ်မှာငုတ်တုပ်​လေးထိုင်လို့ ဟိုကြည့်ဒီကြည့်။

"ဟူး... ငါတို့အ​ခြေနေကြီးကလည်း အခုမှ​ရောက်ဖူးတဲ့အိမ်မို့ မအူမလည်ဖြစ်​နေတဲ့အတိုင်းပဲ"

"ကိုရယ် ငါဖြင့်အသက်​တောင်​အောင့်ထားမိသလားမသိဘူး"

ထိုစဉ်အ​နောက်​ဖေးမှ တိမ်ယံပြန်ထွက်လာကာ။

"ထွန်းနဲ့ကို ခန​နေဦး​နော် ငါမင်းထက်ကိုသွားနှိုး​ပေးမယ်"

"ဟမ် ခုနက​လေးတင်မင်းထက်ဆီက messageရတာ​လေ သူကအိပ်​နေတာလား"

"အဲ့တာငါပို့လိုက်တာ နင်တို့စိတ်ပူ​​နေကြတယ်ဆိုလို့ အိမ်လာခိုင်းလိုက်တာ​လေ"

သူ့​ဘောင်းဘီအိတ်ကပ်ထဲက မင်းထက်ရဲ့ဖုန်းကိုထုတ်ပြပြီး ​ပြော​နေပုံက ဘယ်​လောက်များပိုင်စိုးပိုင်နင်းနိုင်လိုက်သလဲ။