قصه كلها تأليف وكذا بحكيها كأني اسولف معكم😭
ببدا القصه على طول (:
بالبدايه تعريف :
انا حور امي متوفيه كنت عايشه مع ابوي وتغيرت حياتي من توفى ابوي و صرت اعيش عند عمي اللي معذبني في حياتي وما عندي شي يسعدني بحياتي الا صديقتي ريم ):
المهم ببدا احكي لكم اللي صار
كنت اعيش عند عمي و زوجته كانت حياتي سيئه ما تنطاق عمي يضربني و زوجته تعاملني اسوء معامله بس مجبوره اعيش عندهم لأن ما عندي احد اعيش عنده المهم ريم صديقتي اهلها طماعيين قرروا يزوجونها شايب طمعانين بفلوسه طبعًا هي ما رضت فيه و رفضت بس اجبروها و غصبوها جاء يوم عرسها ورحت اقول ل عمي اني بروح للعرس رفض طبعًا انا مو رايحه للعرس عشان انبسط رايحه عشان احاول اساعد صديقتي و اتطمن عليها مابيها تدمر حياتها قررت اني اروح وما علي منه ما بترك صديقتي بأصعب يوم لها واقعد بدون ما اسوي شي واساعدها في مشكلتها رحت تجهزت و قررت انقذ نفسي معها من عذاب عمي و زوجته و لبست ساعة ابوي اللي بقت لي منه وانحشت من البيت و رحت مكان العرس دخلت على ريم كانت ريم ماسكه دموعها وغصتها وساكته جهزوها و بقى بس تلبس الفستان طلعوا اهلها والكل عشان تلبس وراحوا يقابلون الناس رحت قلت ل ريم
حور : ريم لا تسوين شي مو برضاك
ريم بصوت مكسور وماسكه دموعها : شسوي يا حور اهلي يبون كذا
حور : بس يا ريم ذا الموضوع من حقك ترفضين حياتك بتتدمر الزواج مو لعبه لا تمشين على رايهم عشان فلوس !
ريم : حور خلاص فات الاوان مقدر اغير شي
حور : الا تقدرين عندك فرصه و عندك وقت
ريم : وين الفرصه ومتى الوقت كلهم ينتظروني البس وانزف مافي امل
حور : انا فرصتك و الحين وقتك
ريم : وش بتسوين يا حور حتى الكلام معهم ما يفيد ابدًا بعد ذا الوقت
حور بسخريه : ومين قال لك اني بتعامل مع الكلام معهم او اني بتعامل معهم ؟
ريم : اجل شبتسوين ؟
حور : شوفي انا بعطيك فكره والقرار الحين لازم تاخذينه لأن الوقت يمشي
ريم : وش فكرتك ؟
حور : انا قررت اني اهرب من بيت عمي ما عاد اتحمل العيشه معه اذا تبين تعالي معي ندبر حالنا و تفتكين من هالعرس وانا افتك من الالم اللي كنت اعيشه يوميًا
ريم : لسه يضربك ؟ موقلتي لي انه تغير وصار ما يسوي فيك شي ؟
حور : ايه يا ريم بس ما بغيت اقول لك الفتره الاخيره عشان ما تشيلين همي فوق هم سالفة زواجك من ذا المهم يا ريم ما علينا يلا الوقت يروح علينا بتجين معي ؟
ريم : بس كيف بنطلع والناس موجودين ؟
حور : يا كثر اسألتك يا ريم معليك انا عندي الحل بس يلا قبل لا يجي احد
راحت ريم وخذت الذهب و الفلوس و الاغراض الثمينه حقت العرس و حطتهم بشنطه و راحت مع حور و طلعوا من مخرج الطوارئ و ركضوا لين وصلوا بوسط الحي فجأه شافت حور ولد عمها و سحبت ريم و نطت على سياره جنبها بالحوض هي و ريم و غطت نفسها في الاغراض اللي بالحوض الا سمعت صوت ولد يقول ل خويه
مصلح : يلا يا قحص ترى رشاش ينتظرنا
قحص : طيب دقيقه بجيب العده و المطرقه
توتروا البنات الا حسوا في اغراض تنحذف فوقهم و تألموا و ساكتين قالت ريم : ليه سحبتيني و ركبنا هنا
حور : ولد عمي هنا لو يشوفني بيذبحني اكيد درى اني انحشت و يدورني
ريم : طيب شنسوي الحين وش الح...
ما امدى ريم تكمل جملتها الا اشتغلت السياره و مشت
خافوا البنات و قالت
حور : الحل نقعد هنا لين الله يفرجها
مسكوا مصلح و قحص الخط رايحين للبر و البنات ناموا من التعب
وصلوا البر و نزلوا قحص و مصلح و نادوا رشاش و عمر و مهل و سلطان عشان ينزلون الاغراض
سحب مصلح الخيمه الا شاف البنات وصارخ....
____________________________________
شرايكم ؟ اكمل ولا اوفره بجيبي😭😭😭😭😭😭
