وسمع ريم تقول ل مهل ...
ريم : من اول يوم شفتك عجبتني شخصيتك واحس اني ..
ما امداها تكمل جملتها الا تنحنح سلطان عشان ينتبهون له وخرت ريم عن مهل وما قدرت تاخذ الساعه و راحت لخيمتها دخلت الخيمه وقالت
حور : ها بشري جبتي الساعه ؟
ريم بعصبيه : لا توني بفكها من يده الا جاء سلطان وخرب خطتي
حور : طيب شنسوي بعد شوي الكل بينام و صعب ناخذها وهو نايم
ريم : نحاول ما بنخسر شي
حور : بنخسر حياتنا لو صادونا
ريم : طيب شسوي بالمصيبه مهل
حور : ليه شفيه بعد
علمت ريم حور وش سوت عشان تاخذ الساعه ..
حور : ريم !!! منجدك سويتي كذا
ريم : شسوي ما جت فكره في بالي غير كذا
حور : مجنونه انتي كيف بترقعين الوضع اذا رجع مهل و قال لك تكملين كلامك ؟
ريم : اصلًا ما عنده وقت يرجع يناقشني في الموضوع حنا بنهرب وما بنقابلهم مره ثانيه
حور : ريم عندي خطه ثانيه
ريم : وش خطتك ؟
حور : بكرا نتفاهم معهم ونتفق انهم يرجعون اغراضنا وناخذ الساعه و بنص الطريق وحنا رايحين للحي نخليهم يوقفون عند اي مكان وننحاش
ريم : طيب
ناموا جاء الصبح و صحوا البنات لقوا ملابس عند خيمتهم اخذوها و طلعت ريم تنتظر حور تلبس خذاها عمر خيمته و دخلت لبست خلصوا جهزوا وطلعوا للعيال قال رشاش
رشاش : مين بيودي هالبنتين ؟
عمر : انا بوصلهم مو مشكله
تدخل مصلح
مصلح : انا بوديهم زي ما جبتهم بنزلهم بالمكان اللي جبنا منه الاغراض و يكملون طريقهم
عمر : بجي معك اذا تبي
قعد سلطان يطالع ريم بنظرات وهو معصب شافه مصلح وقال
مصلح : عمر انت اقعد هنا سلطان يجي معي
سلطان : لا ياخوي روحوا انتوا انا بقعد هنا
مصلح : سلطان تعال عشان لو الحكومه صادتني عمر ما بيعرف يتعامل مع الوضع انت تعرف
سلطان : طيب
حور : قبل لا نروح ابي اطلب منكم طلب
رشاش : وش طلبك ؟
حور : الساعه اللي بيد مهل مهمه بالنسبه لي ابيه يعطيني اياها
مهل : ساعه بتكون مهمه في ايش
حور : ساعة شخص عزيز على قلبي عطني اياها واخلص
رشاش : يا مهل عطها اخلص علينا
قط مهل الساعه وعطاها ، ركبوا السياره و مسكوا خط للحي والبنات يبون ينزلون عند المحطه شافت حور محطه وقالت
حور : مصلح وقف عند المحطه شوي
مصلح : شعندك
حور : لازم اعلمك كل شي ؟
مصلح : عجلي ورانا طريق
نزلت حور ولحقتها ريم
ريم : حور كيف بنهرب وهم ينتظرون
حور : نطلع و نروح ورا المحطه ونركض على طريق البر
ريم : يلا اجل
طلعوا و شافهم سلطان وهم رايحين من ورا المحطه نزل سلطان و ركض وراهم مسك ريم وهي تركض وقال
سلطان : على وين انتي وياها
توترت ريم وقالت
ريم : كنا رايحين من ورا ندور الحمام
سلطان : صاحيه انتي ؟ عقلك براسك ؟ الحمام داخل المحطه مو وراها
حور : ما شفناه اللي داخل المحطه
سلطان : تعالوا اوريكم وينه
راحوا معاه و دخلوا المحطه وراهم الحمام وانتظرهم يخلصون طلعوا و ركبوا السياره ومسكوا الخط قالت
حور بهمس : ريم شكلنا اذا نزلنا الحي ننحاش
ريم بهمس : بس لو شافنا احد نعرفه نص الحي يعرفوننا بنروح فيها
حور بهمس : معليك ان شاء الله محد يشوفنا
وصلوا الحي وقف مصلح وقال
مصلح : يلا انزلوا
حور : طيب بننزل ماله داعي تقول
ضحك مصلح وقال
مصلح : انتبهي على نفسك
انصدمت حور منه و نزلت هي و ريم نزل سلطان دريشته و قعد يطالع ل ريم وهي تطالع له مشوا البنات الا شافهم ...
____________________________________
شرايكم ؟ 🚶🏼♀️
