لفت ريم شافت سلطان تعبان وحضنته ...
انصدم سلطان و تألم بس سكت ما يبيها تبعد ، استوعبت ريم و بعدت وقالت
ريم : اسفه ما كان قصدي اوجعك
سلطان : ما وجعتيني حتى احس اني طبت
استحت ريم وجاء مصلح عندهم وقال
مصلح : تعالوا العشاء جاهز
ريم : طيب الحين جايين
تركت ريم يد سلطان و قامت وقال
سلطان : مصلح يا تيس خربت علي
مصلح : شسوي ان ما جيتوا ترى مهل و قحص بيقضون على الاكل وتنامون جوعانين
راحوا مصلح و سلطان عندهم و تعشوا وخلصوا ، قاموا البنات و راحوا خيمتهم و قعدوا العيال عند النار يسولفون ، دخلوا حور و ريم الخيمه وجلسوا يسولفون وقالت
حور : ريم بقول لك شي
ريم : قولي
حور : احس عندي مشاعر تجاه مصلح
ضحكت ريم وقالت
ريم : ايه وش تحسين بعد
حور : مدري يعني معه احس بشعور غريب
ريم : مثل ؟
حور : يعني لما يحط عينه بعيني احس قلبي يدق بسرعه و ما اعرف وقتها وش اسوي ولما يمسك يدي احس اني بأمان معه احس معه انسى الدنيا وانسى نفسي
طالعت ريم في حور قالت
حور : ريم انا طحت في حب مصلح ):
قامت ريم و ضمت حور وقالت
ريم : والله وصارت وصديقتي طاحت بالحب
حور : شرايك نطلع نقعد معهم ؟
ريم : قولي تبين تقعدين معهم عشان تشوفين مصلح
ضحكت حور وقالت
حور : اص لحد يسمعك
طلعت حور من الخيمه و سمعت العيال يتكلمون و يقولون
رشاش : وش بتسوون بعد ما نعدي الحدود ؟
مصلح : انا بتزوج اللي احبها و بشتري لي بيت نعيش انا وهي فيه
قحص : يعني بتخطف ملاذ ؟
ضحك مصلح وقال
مصلح : ايه بخطف ملاذ قبل لا نعدي الحدود
قاطعهم مهل وقال
مهل : انا بشتري لي قصر و بفتح لي محل ثياب وببيع لكم الثياب
سلطان : ياخوي محد بيشتري من محلك
مهل : بتشوف يا سلطان ان محلي بيصير احسن محل
سلطان : نشوف نشوف
تضايقت حور و دخلت الخيمه وقالت
ريم : شفيك مسرع رجعتي عاد توني بجي
حور : فيني النوم
ريم : توك مروقه وتبين تطلعين تشوفين مصلح شفيه وجهك كذا متضايقه
حور : مو متضايقه بس جاني النوم
ريم : طيب نوم العافيه
انسدحت حور و عيونها مليانه دموع وساكته ، طلعت ريم من الخيمه و شافت العيال يقومون بيروحون الخيام ينامون لفت بترجع قال
سلطان : ريم
ريم : هلا
سلطان : بتنامين ؟
ريم : لا بس شفتكم بتروحون تنامون قلت ارجع ل خيمتي
سلطان : عاد انا مافيني نوم
ريم : يجيك يجيك النوم
سلطان : طيب انا ابي اسولف معك شوي
ريم : وش عندك
سلطان : طيب تعالي اقعدي شفيك واقفه
ريم : اخاف اقعد وينقال عني اني كل يوم مع واحد
سلطان : والله اني اسف وانا غلطان وحقك علي وش اسوي عشان تسامحيني ؟
ريم : بطلب منك كذا طلب
جت ريم وجلست جنب سلطان ، طلع سلطان الدخان من جيبه و ولع الدخان وبدا يدخن لف على ريم وقال
سلطان : كم طلب ؟
ريم : ثلاث طلبات
سلطان : يلا وش طلباتك
ريم : اول طلب ابي اجرب الدخان
سلطان : طلبك مرفوض
ريم : طيب
جت تقوم مسك يدها وقال
سلطان : خلاص بعطيك بس اخاف عليك
ريم : لا تخاف علي ترى مجرد دخان يلا عطني
طلع سلطان الدخان وعطاها و ولع لها ، شفطت شفطه و كحت سحب سلطان الدخان و رماه على الارض وهي تكح و مخنوقه من كثر الكح وقفت كح ولفت عليه قال
سلطان : قلت طلبك مرفوض لأني كنت متوقع يصير كذا
ريم : ليه رميت الدخان !
سلطان : بغيتي تموتين من كثر الكح و تقولين ليه رميته
ريم : بس ما كحيت من الدخان كحيت لأن التراب دخل بفمي
سلطان بسخريه : انا صدقت ان التراب دخل في فمك
ريم : حتى ولو كحيت من الدخان مين سمح لك ترميه ؟ اجل على كذا ما يحسب الطلب الاول
سلطان : الا يحسب خليتك تجربين
ريم : بس انت رميته على الارض
سلطان : انت بنفسك قلتي تبين تجربينه وجربتيه
سكتت ريم وطالعت قدام و كحت ضحك سلطان قالت
ريم : وش اللي يضحك
سلطان : ولا شي
مسكت ريم كحتها و سلطان يطالع لها وقال
سلطان : كحي لا يصير لك شي
ريم : مين قال لك ان فيني كحه ؟
كحت ريم وضحك و تفشلت وضحكت وقامت قالت
ريم : روح نام واترك الدخان عنك
سلطان : من عيوني
رمى سلطان دخانه وقام طالعت فيه ريم مصدومه وقال
سلطان : شفيك
ريم : ولا شي
راحوا خيمهم وناموا ، جاء الصبح وطلع رشاش و نادى البنات وقال
رشاش : على اللي صار امس لازم تتعلمون القنص و السواقه ...
____________________________________
شرايكم ؟ 🙏🏻
