شافهم عسكري طالعين من المحل و صوب عليهم وقال ...
العسكري : الدعم جاي في الطريق سلموا نفسكم احسن لكم
لف سلطان عليه وطلق على العكسري خافت ريم و وقفت تطالع في العسكري قال
سلطان : ريم يلا امشي
بكت ريم وقالت
ريم : لا يكون مات
سلطان : امشي يا ريم ما سمعتيه يقول الدعم جاي بالطريق
مشت ريم رايحه للعسكري تبي تشوف ميت ولا حي قال
سلطان : ريم وش قاعده تسوين امشي
جاء الدعم شافهم سلطان و سحب ريم من يدها و ركض طاحت ريم من سحبته لها و لفت شافت سيارة الشرطه وقفت و نزلوا منها العساكر ساعدها سلطان وقامت وهي ماسكه يده و ركضوا ، عند العيال سمعوا صوت الطلقه و نزلوا من السياره رايحين للجهه اللي كانوا سلطان و ريم فيها شافوا مهل طالع من محل الملابس وقالوا
رشاش : مهل وين سلطان و ريم
مهل : انا اتفقت معهم نتقابل عند السياره
حور : يعني ما سمعت صوت طلقة نار ؟
مهل : الا سمعت
حور : ولا اهتميت !!
الا سمعوا صوت طلق نار ورا بعض فهم رشاش ان فيه مشكله شاف قحص سيارة الشرطه وقال
قحص : رشاش حكومه
رشاش : وينهم
قحص : شف سيارتهم عند ذاك المحل
مهل : سلطان و ريم كانو يسرقون من عند ذيك المحلات
عمر : شكل الحكومه تلاحقهم امشوا السياره قبل لا يشوفوننا
حور : ما بنترك ريم و سلطان و نروح
عمر : ما بنروح ونتركهم بس يمكن هم الحين هناك ينتظروننا
مصلح : صادق عمر يمكن على اتفاقهم مع مهل وراحوا للسياره
رجعوا السياره ما لقوهم خذوا لفه على السوق بالسياره يدورونهم ، عند سلطان و ريم كانت الشرطه تلحقهم وتطلق عليهم وهم يهربون لف سلطان لقى زاويه سحب ريم وانحشروا بالزاويه وغطى عليهم ب درام زباله كبير و قعدوا محشورين قدام بعض قالت
ريم : عاجبك كله منك لو ما ذبحت الشرطي ما كان صار كل ذا
سلطان : صح لو ما ذبحته كان حنا ميتين الحين وما صار كل ذا
ريم : بس ما كان المفروض تذبحه
سلطان : اجل تبيني اخليه يذبحنا ؟
سكتت ريم وجلست تطالع له وخرت يدها عن يده وقالت
ريم : عاجبك الحين محشورين ومغطين على انفسنا ب درام زباله
سلطان : اسكتي شوي لا يسمعون صوتنا
ريم : واذا ما سكتت وش بتسو...
ما امداها تكمل جملتها الا حط سلطان يده على فمها و قال
سلطان : هششش
عدوا الشرطه من عندهم ولا شافوهم وخرت ريم يد سلطان عن فمها قال
سلطان : يلا امشي عدوا الشرطه من ذي الجهه
وخر سلطان درام الزباله ولف على ريم وقال
سلطان : يلا وش تنتظرين
طلعوا من الزاويه و مشوا من الطريق المعاكس للشرطه يدورون السياره وصلوا عند مكان السياره قربوا من السياره الا الشرطه وراهم جت ريم تركب السياره الا طلقوا على كتف سلطان سحبت ريم سلطان معها و ركب جنبها و نطت من فوقه تقفل الباب قامت حور و نطت من ورا على قدام جنب مصلح سحب مصلح سلاحه و عطاه حور و قال
مصلح : امسكي و اطلقي على كفراتهم
حور : بس انا ما اعرف استخدم السلاح
ضرب مصلح الدركسون قالت
حور : بس بحاول
طلعت حور راسها من الدريشه و قعدت تطلق تحاول تجيب الكفرات ، قطت ريم الشماغ اللي على رقبتها ولفته على يد سلطان مكان الطلقه مسك سلطان يد ريم بقوه وهو متألم وساكت ، حاولت حور تجيب الكفرات وما قدرت قال
مصلح : حور
دخلت حور السياره و قالت
حور : هلا
مصلح : تعرفين تسوقين ؟
حور : هاه للا
مصلح : امسكي الدركسون و حاولي توازنينه وانا بجي مكانك وانتي نطي مكاني
تبادلوا حور و مصلح الاماكن و مسكت حور الدركسون وهي خايفه و مو عارفه شتسوي قال
مصلح : ادعسي ولا تشيلين رجلك وحاولي تتحكمين بالدركسون وامشي سيدا
دعست حور و طلع مصلح من الدريشه وبدا يطلق على الكفرات وجابهم وحور متوتره وخايفه و بصعوبه تحاول تتحكم بالسياره بعدوا عن الشرطه مسافه بعيده وقال
مصلح : حور وقفي السياره على جنب
حور بتوتر : ما اعرف اوقف
ضحك مصلح و مسك الدركسون و علمها كيف توقف ، وقفوا السياره و نزلت حور و مصلح يتبادلون الاماكن وقال
مصلح : والله يجي منك يا حور
حور بهياط : توك ما شفت شي
ضحك مصلح و ركب السياره و ركبت حور و مشى وصلوا البر و نزلوا راح مصلح يركض يجيب الاسعافات الاوليه عشان يطلعون الطلقه من سلطان خافت حور و لفت عطتهم ظهرها ما تبي تشوف تجمعوا العيال و مسك رشاش الملقط وقط شماغه و حطه في فم سلطان وقال
رشاش : عض عليها لين اطلع الرصاصه
جت ريم تبي تنزل من السياره عشان ما تشوف بس سلطان كان ماسك يدها بقوه ولا قدرت تقوم غمضت عيونها وكان سلطان من الالم يصارخ وهي خايفه و دموعها تطيح ، شالوا الرصاصه و راحوا العيال و سلطان و ريم بالسياره لفت ريم شافت سلطان تعبان وحضنته ...
____________________________________
شرايكم ؟ اسفه على التأخير👀
